헬라어 문장 검색 - Διοδορ́Βιβλιοτ́4́39́

(디오도로스 시켈로스, Bibliotheca Historica, book 4, chapter 38)

ἐνταῦθα δὲ θυσίαν ἐπιτελῶν ἀπέστειλε Λίχαν τὸν ὑπηρέτην εἰσ Τραχῖνα πρὸσ τὴν γυναῖκα Δηιάνειραν· τούτῳ δὲ προστεταγμένον ἦν αἰτῆσαι χιτῶνα καὶ ἱμάτιον, οἷσ εἰώθει χρῆσθαι πρὸσ τὰσ θυσίασ. ἡ δὲ Δηιάνειρα πυθομένη τοῦ Λίχα τὴν πρὸσ Ιὄλην φιλοστοργίαν καὶ βουλομένη πλέον ἑαυτὴν ἀγαπᾶσθαι, τὸν χιτῶνα ἔχρισε τῷ παρὰ τοῦ Κενταύρου δεδομένῳ πρὸσ ἀπώλειαν φίλτρῳ. ὁ μὲν οὖν Λίχασ ἀγνοῶν περὶ τούτων ἀπήνεγκε τὴν ἐσθῆτα πρὸσ τὴν θυσίαν·

ὁ δ’ Ἡρακλῆσ ἐνδὺσ τὸν κεχριμένον χιτῶνα, καὶ κατ’ ὀλίγον τῆσ τοῦ σηπτικοῦ φαρμάκου δυνάμεωσ ἐνεργούσησ, περιέπεσε συμφορᾷ τῇ μεγίστῃ. τῆσ γὰρ ἀκίδοσ τὸν ἐκ τῆσ ἐχίδνησ ἰὸν ἀνειληφυίασ, καὶ διὰ τοῦτο τοῦ χιτῶνοσ διὰ τὴν θερμασίαν τὴν σάρκα τοῦ σώματοσ λυμαινομένου, περιαλγὴσ γενόμενοσ ὁ Ἡρακλῆσ τὸν μὲν διακονήσαντα Λίχαν ἀπέκτεινε, τὸ δὲ στρατόπεδον ἀπολύσασ ἐπανῆλθεν εἰσ τὴν Τραχῖνα. ἀεὶ δὲ μᾶλλον τῇ νόσῳ βαρυνόμενοσ αὐτὸσ μὲν ἀπέστειλεν εἰσ Δελφοὺσ Λικύμνιον καὶ Ιὄλαον ἐπερωτήσοντασ τὸν Ἀπόλλωνα τί χρὴ περὶ τῆσ νόσου πράττειν, Δηιάνειρα δὲ τὸ μέγεθοσ τῆσ Ἡρακλέουσ συμφορᾶσ καταπεπληγμένη, καὶ συνειδυῖα ἑαυτῇ τὴν ἁμαρτίαν, ἀγχόνῃ τὸν βίον κατέστρεψεν.

ὁ δὲ θεὸσ ἔχρησε κομισθῆναι τὸν Ἡρακλέα μετὰ τῆσ πολεμικῆσ διασκευῆσ εἰσ τὴν Οἴτην, κατασκευάσαι δὲ πλησίον αὐτοῦ πυρὰν εὐμεγέθη· περὶ δὲ τῶν λοιπῶν ἔφησε Διὶ μελήσειν.

τῶν δὲ περὶ τὸν Ιὄλαον ποιησάντων τὰ προστεταγμένα καὶ ἐκ διαστήματοσ ἀποθεωρούντων τὸ ἀποβησόμενον, ὁ μὲν Ἡρακλῆσ ἀπογνοὺσ τὰ καθ’ ἑαυτόν, καὶ παρελθὼν εἰσ τὴν πυράν, παρεκάλει τὸν ἀεὶ προσιόντα ὑφάψαι τὴν πυράν. οὐδενὸσ δὲ τολμῶντοσ ὑπακοῦσαι μόνοσ Φιλοκτήτησ ἐπείσθη· λαβὼν δὲ τῆσ ὑπουργίασ χάριν τὴν τῶν τόξων δωρεὰν ἧψε τὴν πυράν. εὐθὺσ δὲ καὶ κεραυνῶν ἐκ τοῦ περιέχοντοσ πεσόντων, ἡ πυρὰ πᾶσα κατεφλέχθη. μετὰ δὲ ταῦτα οἱ μὲν περὶ τὸν Ιὄλαον ἐλθόντεσ ἐπὶ τὴν ὀστολογίαν, καὶ μηδὲν ὅλωσ ὀστοῦν εὑρόντεσ, ὑπέλαβον τὸν Ἡρακλέα τοῖσ χρησμοῖσ ἀκολούθωσ ἐξ ἀνθρώπων εἰσ θεοὺσ μεθεστάσθαι·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 38

(디오도로스 시켈로스, Bibliotheca Historica, book 4, chapter 38)

상위

목록

SEARCH

MENU NAVIGATION