헬라어 문장 검색 - Διοδορ́Βιβλιοτ́4́36́

(디오도로스 시켈로스, Bibliotheca Historica, book 4, chapter 35)

ἅμα δὲ τούτοισ πραττομένοισ Ἱππόνουν ἐν Ὠλένῳ πρὸσ τὴν θυγατέρα Περίβοιαν, φάσκουσαν αὑτὴν ἐξ Ἄρεοσ ὑπάρχειν ἔγκυον, διενεχθέντα πέμψαι ταύτην εἰσ Αἰτωλίαν πρὸσ Οἰνέα καὶ παρακελεύσασθαι ταύτην ἀφανίσαι τὴν ταχίστην. ὁ δ’ Οἰνεὺσ ἀπολωλεκὼσ προσφάτωσ υἱὸν καὶ γυναῖκα, τὸ μὲν ἀποκτεῖναι τὴν Περίβοιαν ἀπέγνω, γήμασ δ’ αὐτὴν ἐγέννησεν υἱὸν Τυδέα.

τὰ μὲν οὖν περὶ Μελέαγρον καὶ Ἀλθαίαν, ἔτι δ’ Οἰνέα τοιαύτησ ἔτυχε διεξόδου. Ἡρακλῆσ δὲ τοῖσ Καλυδωνίοισ βουλόμενοσ χαρίσασθαι τὸν Ἀχελῷον ποταμὸν ἀπέστρεψε, καὶ ῥύσιν ἄλλην κατασκευάσασ ἀπέλαβε χώραν πολλὴν καὶ πάμφορον, ἀρδευομένην ὑπὸ τοῦ προειρημένου ῥείθρου.

διὸ καὶ τῶν ποιητῶν τινασ μυθοποιῆσαι τὸ πραχθέν·

παρεισήγαγον γὰρ τὸν Ἡρακλέα πρὸσ τὸν Ἀχελῷον συνάψαι μάχην, ὡμοιωμένου τοῦ ποταμοῦ ταύρῳ, κατὰ δὲ τὴν συμπλοκὴν θάτερον τῶν κεράτων κλάσαντα δωρήσασθαι τοῖσ Αἰτωλοῖσ, ὃ προσαγορεῦσαι κέρασ Ἀμαλθείασ. ἐν ᾧ πλάττουσι πλῆθοσ ὑπάρχειν πάσησ ὀπωρινῆσ ὡρ́ασ, βοτρύων τε καὶ μήλων καὶ τῶν ἄλλων τῶν τοιούτων, αἰνιττομένων τῶν ποιητῶν κέρασ μὲν τοῦ Ἀχελῴου τὸ διὰ τῆσ διώρυχοσ φερόμενον ῥεῖθρον, τὰ δὲ μῆλα καὶ τὰσ ῥόασ καὶ τοὺσ βότρυσ δηλοῦν τὴν καρποφόρον χώραν τὴν ὑπὸ τοῦ ποταμοῦ ἀρδευομένην καὶ τὸ πλῆθοσ τῶν καρποφορούντων φυτῶν· Ἀμαλθείασ δ’ εἶναι κέρασ οἱονεί τινοσ ἀμαλακιστίασ, δἰ ἧσ τὴν εὐτονίαν τοῦ κατασκευάσαντοσ δηλοῦσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 35

(디오도로스 시켈로스, Bibliotheca Historica, book 4, chapter 35)

상위

목록

SEARCH

MENU NAVIGATION