헬라어 문장 검색 - Διοδορ́Βιβλιοτ́4́35́

(디오도로스 시켈로스, Bibliotheca Historica, book 4, chapter 34)

Ἡρακλῆσ δὲ μετὰ τὴν ἐν Φενεῷ κατοίκησιν ἔτει πέμπτῳ, δυσφορῶν ἐπὶ τῷ τετελευτηκέναι Οἰωνὸν τὸν Λικυμνίου καὶ Ἴφικλον τὸν ἀδελφόν, ἀπῆλθεν ἑκουσίωσ ἐξ Ἀρκαδίασ καὶ πάσησ Πελοποννήσου. συναπελθόντων δ’ αὐτῷ πολλῶν ἐκ τῆσ Ἀρκαδίασ, ἀπῆλθε τῆσ Αἰτωλίασ εἰσ Καλυδῶνα κἀκεῖ κατῴκησεν. οὐκ ὄντων δ’ αὐτῷ παίδων γνησίων οὐδὲ γαμετῆσ γυναικόσ, ἔγημε Δηιάνειραν τὴν Οἰνέωσ, τετελευτηκότοσ ἤδη Μελεάγρου. οὐκ ἀνοίκειον δ’ εἶναι νομίζομεν βραχὺ παρεκβάντασ ἡμᾶσ ἀπαγγεῖλαι τὴν περὶ τὸν Μελέαγρον περιπέτειαν. Οἰνεὺσ γάρ, γενομένησ εὐκαρπίασ αὐτῷ τοῦ σίτου, τοῖσ μὲν ἄλλοισ θεοῖσ ἐτέλεσε θυσίασ, μόνησ δὲ τῆσ Ἀρτέμιδοσ ὠλιγώρησεν·

δἰ ἣν αἰτίαν ἡ θεὸσ αὐτῷ μηνίσασα τὸν διαβεβοημένον Καλυδώνιον ὗν ἀνῆκεν, ὑπερφυῆ τὸ μέγεθοσ. οὗτοσ δὲ τὴν σύνεγγυσ χώραν καταφθείρων τὰσ κτήσεισ ἐλυμαίνετο·

διόπερ Μελέαγροσ ὁ Οἰνέωσ, τὴν μὲν ἡλικίαν μάλιστα ἀκμάζων, ῥώμῃ δὲ καὶ ἀνδρείᾳ διαφέρων, παρέλαβε πολλοὺσ τῶν ἀρίστων ἐπὶ τὴν τούτου κυνηγίαν. πρώτου δὲ Μελεάγρου τὸ θηρίον ἀκοντίσαντοσ, ὁμολογούμενον αὐτῷ τὸ πρωτεῖον συνεχωρήθη· τοῦτο δ’ ἦν ἡ δορὰ τοῦ ζῴου. μετεχούσησ δὲ τῆσ κυνηγίασ Ἀταλάντησ τῆσ Σχοινέωσ, ἐρασθεὶσ αὐτῆσ ὁ Μελέαγροσ παρεχώρησε τῆσ δορᾶσ καὶ τοῦ κατὰ τὴν ἀριστείαν ἐπαίνου.

ἐπὶ δὲ τοῖσ πραχθεῖσιν οἱ Θεστίου παῖδεσ συγκυνηγοῦντεσ ἠγανάκτησαν, ὅτι ξένην γυναῖκα προετίμησεν αὐτῶν, παραπέμψασ τὴν οἰκειότητα. διόπερ ἀκυροῦντεσ τοῦ Μελεάγρου τὴν δωρεὰν ἐνήδρευσαν Ἀταλάντῃ, καὶ κατὰ τὴν εἰσ Ἀρκαδίαν ἐπάνοδον ἐπιθέμενοι τὴν δορὰν ἀφείλοντο. Μελέαγροσ δὲ διά τε τὸν πρὸσ τὴν Ἀταλάντην ἔρωτα καὶ διὰ τὴν ἀτιμίαν παροξυνθείσ, ἐβοήθησε τῇ Ἀταλάντῃ.

καὶ τὸ μὲν πρῶτον παρεκάλει τοὺσ ἡρπακότασ ἀποδοῦναι τῇ γυναικὶ τὸ δοθὲν ἀριστεῖον· ὡσ δ’ οὐ προσεῖχον, ἀπέκτεινεν αὐτούσ, ὄντασ τῆσ Ἀλθαίασ ἀδελφούσ. διόπερ ἡ μὲν Ἀλθαία γενομένη περιαλγὴσ ἐπὶ τῇ τῶν ὁμαίμων ἀναιρέσει ἀρὰσ ἔθετο, καθ’ ἃσ ἠξίωσεν ἀποθανεῖν Μελέαγρον· καὶ τοὺσ ἀθανάτουσ ὑπακούσαντασ ἐπενεγκεῖν αὐτῷ τὴν τοῦ βίου καταστροφήν. ἔνιοι δὲ μυθολογοῦσιν ὅτι κατὰ τὴν Μελεάγρου γένεσιν τῇ Ἀλθαίᾳ τὰσ Μοίρασ καθ’ ὕπνον ἐπιστάσασ εἰπεῖν ὅτι τότε τελευτήσει Μελέαγροσ ὁ υἱὸσ αὐτῆσ, ὅταν ὁ δαλὸσ κατακαυθῇ.

διόπερ τεκοῦσαν, καὶ νομίσασαν ἐν τῇ τοῦ δαλοῦ φυλακῇ τὴν σωτηρίαν τοῦ τέκνου κεῖσθαι, τὸν δαλὸν ἐπιμελῶσ τηρεῖν. ὕστερον δ’ ἐπὶ τῷ φόνῳ τῶν ἀδελφῶν παροξυνθεῖσαν κατακαῦσαι τὸν δαλὸν καὶ τῷ Μελεάγρῳ τῆσ τελευτῆσ αἰτίαν καταστῆναι·

ἀεὶ δὲ μᾶλλον ἐπὶ τοῖσ πεπραγμένοισ λυπουμένην τὸ τέλοσ ἀγχόνῃ τὸν βίον καταστρέψαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 34

(디오도로스 시켈로스, Bibliotheca Historica, book 4, chapter 34)

상위

목록

SEARCH

MENU NAVIGATION