헬라어 문장 검색 - Διοδορ́Βιβλιοτ́4́31́

(디오도로스 시켈로스, Bibliotheca Historica, book 4, chapter 30)

τότε δ’ ὁ Ιὄλαοσ καταστήσασ τὰ περὶ τὴν ἀποικίαν, καὶ τὸν Δαίδαλον ἐκ τῆσ Σικελίασ μεταπεμψάμενοσ, κατεσκεύασεν ἔργα πολλὰ καὶ μεγάλα μέχρι τῶν νῦν καιρῶν διαμένοντα καὶ ἀπὸ τοῦ κατασκευάσαντοσ Δαιδάλεια καλούμενα. ᾠκοδόμησε δὲ καὶ γυμνάσια μεγάλα τε καὶ πολυτελῆ, καὶ δικαστήρια κατέστησε καὶ τἄλλα τὰ πρὸσ τὴν εὐδαιμονίαν συντείνοντα. ὠνόμασε δὲ καὶ τοὺσ λαοὺσ Ιὀλαείουσ, ἀφ’ ἑαυτοῦ θέμενοσ τὴν προσηγορίαν, συγχωρησάντων τῶν Θεσπιαδῶν, καὶ δόντων αὐτῷ τοῦτο τὸ γέρασ καθαπερεί τινι πατρί.

διὰ γὰρ τὴν πρὸσ αὐτοὺσ σπουδὴν ἐπὶ τοσοῦτ’ εὐνοίασ προήχθησαν ὥστ’ ἐπώνυμον αὐτῷ περιθεῖναι τὴν τοῦ γονέωσ προσηγορίαν· διόπερ ἐν τοῖσ ὕστερον χρόνοισ οἱ τὰσ θυσίασ τελοῦντεσ τούτῳ τῷ θεῷ προσαγορεύουσιν αὐτὸν Ιὄλαον πατέρα, καθάπερ οἱ Πέρσαι τὸν Κῦρον. μετὰ δὲ ταῦτα ὁ μὲν Ιὄλαοσ ἐπανιὼν εἰσ τὴν Ἑλλάδα, καὶ προσπλεύσασ τῇ Σικελίᾳ, οὐκ ὀλίγον χρόνον διέτριψεν ἐν τῇ νήσῳ.

καθ’ ὃν δὴ χρόνον καί τινεσ τῶν συναποδημούντων αὐτῷ διὰ τὸ κάλλοσ τῆσ χώρασ κατέμειναν ἐν τῇ Σικελίᾳ, καὶ τοῖσ Σικανοῖσ καταμιγέντεσ ἐν ταύτῃ κατῴκησαν, τιμώμενοι διαφερόντωσ ὑπὸ τῶν ἐγχωρίων. ὁ δ’ Ιὄλαοσ μεγάλησ ἀποδοχῆσ τυγχάνων καὶ πολλοὺσ εὐεργετῶν ἐν πολλαῖσ τῶν πόλεων ἐτιμήθη τεμένεσι καὶ τιμαῖσ ἡρωικαῖσ. ἴδιον δέ τι καὶ παράδοξον συνέβη γενέσθαι κατὰ τὴν ἀποικίαν ταύτην·

ὁ μὲν γὰρ θεὸσ ἔχρησεν αὐτοῖσ ὅτι πάντεσ οἱ τῆσ ἀποικίασ ταύτησ μετασχόντεσ καὶ οἱ τούτων ἔκγονοι διατελέσουσιν ἅπαντα τὸν αἰῶνα διαμένοντεσ ἐλεύθεροι, τὸ δ’ ἀποτέλεσμα τούτων ἀκολούθωσ τῷ χρησμῷ διέμεινε μέχρι τῶν καθ’ ἡμᾶσ καιρῶν. οἱ μὲν γὰρ λαοὶ διὰ τὸ πλῆθοσ τοῦ χρόνου, πλειόνων τῶν βαρβάρων ὄντων τῶν μετεσχηκότων τῆσ ἀποικίασ, ἐξεβαρβαρώθησαν, καὶ μεταστάντεσ εἰσ τὴν ὀρεινὴν ἐν ταῖσ δυσχωρίαισ κατῴκησαν, ἐθίσαντεσ δ’ ἑαυτοὺσ τρέφεσθαι γάλακτι καὶ κρέασι καὶ πολλὰσ ἀγέλασ κτηνῶν τρέφοντεσ οὐκ ἐπεδέοντο σίτου·

κατασκευάσαντεσ δ’ οἰκήσεισ ἑαυτοῖσ καταγείουσ καὶ τὴν τοῦ βίου διεξαγωγὴν ἐν τοῖσ ὀρύγμασι ποιούμενοι τοὺσ ἐκ τῶν πολέμων κινδύνουσ ἐξέφυγον. διὸ καὶ πρότερον μὲν Καρχηδόνιοι, μετὰ δὲ ταῦτα Ῥωμαῖοι πολλάκισ πολεμήσαντεσ τούτοισ τῆσ προθέσεωσ διήμαρτον.

καὶ περὶ μὲν Ιὀλάου καὶ Θεσπιαδῶν, ἔτι δὲ τῆσ ἀποικίασ τῆσ εἰσ Σαρδόνα γενομένησ ἀρκεσθησόμεθα τοῖσ ῥηθεῖσι, περὶ δ’ Ἡρακλέουσ τὰ συνεχῆ τοῖσ προειρημένοισ προσθήσομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 30

(디오도로스 시켈로스, Bibliotheca Historica, book 4, chapter 30)

상위

목록

SEARCH

MENU NAVIGATION