헬라어 문장 검색 - Διοδορ́Βιβλιοτ́4́28́

(디오도로스 시켈로스, Bibliotheca Historica, book 4, chapter 27)

ἡμῖν δ’ οὐ παραλειπτέον τὰ περὶ Ἄτλαντοσ μυθολογούμενα καὶ τὰ περὶ τοῦ γένουσ τῶν Ἑσπερίδων. κατὰ γὰρ τὴν Ἑσπερῖτιν ὀνομαζομένην χώραν φασὶν ἀδελφοὺσ δύο γενέσθαι δόξῃ διωνομασμένουσ, Ἕσπερον καὶ Ἄτλαντα. τούτουσ δὲ κεκτῆσθαι πρόβατα τῷ μὲν κάλλει διάφορα, τῇ δὲ χρόᾳ ξανθὰ καὶ χρυσοειδῆ· ἀφ’ ἧσ αἰτίασ τοὺσ ποιητὰσ τὰ πρόβατα μῆλα καλοῦντασ ὀνομάσαι χρυσᾶ μῆλα. τὸν μὲν οὖν Ἕσπερον θυγατέρα γεννήσαντα τὴν ὀνομαζομένην Ἑσπερίδα συνοικίσαι τἀδελφῷ, ἀφ’ ἧσ τὴν χώραν Ἑσπερῖτιν ὀνομασθῆναι·

τὸν δ’ Ἄτλαντα ἐκ ταύτησ ἑπτὰ γεννῆσαι θυγατέρασ, ἃσ ἀπὸ μὲν τοῦ πατρὸσ Ἀτλαντίδασ, ἀπὸ δὲ τῆσ μητρὸσ Ἑσπερίδασ ὀνομασθῆναι. τούτων δὲ τῶν Ἀτλαντίδων κάλλει καὶ σωφροσύνῃ διαφερουσῶν, λέγουσι Βούσιριν τὸν βασιλέα τῶν Αἰγυπτίων ἐπιθυμῆσαι τῶν παρθένων ἐγκρατῆ γενέσθαι· διὸ καὶ λῃστὰσ κατὰ θάλατταν ἀποστείλαντα διακελεύσασθαι τὰσ κόρασ ἁρπάσαι καὶ διακομίσαι πρὸσ ἑαυτόν. κατὰ δὲ τοῦτον τὸν καιρὸν τὸν Ἡρακλέα τελοῦντα τὸν ὕστατον ἆθλον Ἀνταῖον μὲν ἀνελεῖν ἐν τῇ Λιβύῃ τὸν συναναγκάζοντα τοὺσ ξένουσ διαπαλαίειν, Βούσιριν δὲ κατὰ τὴν Αἴγυπτον τῷ Διὶ σφαγιάζοντα τοὺσ παρεπιδημοῦντασ ξένουσ τῆσ προσηκούσησ τιμωρίασ καταξιῶσαι.

μετὰ δὲ ταῦτα ἀνὰ τὸν Νεῖλον πλεύσαντα εἰσ τὴν Αἰθιοπίαν τὸν βασιλεύοντα τῶν Αἰθιόπων Ἠμαθίωνα κατάρχοντα μάχησ ἀποκτεῖναι, τὸ δ’ ὕστατον ἐπάνελθεῖν πάλιν ἐπὶ τὸν ἆθλον. τοὺσ δὲ λῃστὰσ ἐν κήπῳ τινὶ παιζούσασ τὰσ κόρασ συναρπάσαι, καὶ ταχὺ φυγόντασ εἰσ τὰσ ναῦσ ἀποπλεῖν.

τούτοισ δ’ ἐπί τινοσ ἀκτῆσ δειπνοποιουμένοισ ἐπιστάντα τὸν Ηρακλέα, καὶ παρὰ τῶν παρθένων μαθόντα τὸ συμβεβηκόσ, τοὺσ μὲν λῃστὰσ ἅπαντασ ἀποκτεῖναι, τὰσ δὲ κόρασ ἀποκομίσαι πρὸσ Ἄτλαντα τὸν πατέρα· ἀνθ’ ὧν τὸν Ἄτλαντα χάριν τῆσ εὐεργεσίασ ἀποδιδόντα μὴ μόνον δοῦναι τὰ πρὸσ τὸν ἆθλον καθήκοντα προθύμωσ, ἀλλὰ καὶ τὰ κατὰ τὴν ἀστρολογίαν ἀφθόνωσ διδάξαι. περιττότερον γὰρ αὐτὸν τὰ κατὰ τὴν ἀστρολογίαν ἐκπεπονηκότα καὶ τὴν τῶν ἄστρων σφαῖραν φιλοτέχνωσ εὑρόντα ἔχειν ὑπόληψιν ὡσ τὸν κόσμον ὅλον ἐπὶ τῶν ὤμων φοροῦντα.

παραπλησίωσ δὲ καὶ τοῦ Ἡρακλέουσ ἐξενέγκαντοσ εἰσ τοὺσ Ἕλληνασ τὸν σφαιρικὸν λόγον, δόξησ μεγάλησ τυχεῖν, ὡσ διαδεδεγμένον τὸν Ἀτλαντικὸν κόσμον, αἰνιττομένων τῶν ἀνθρώπων τὸ γεγονόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 27

(디오도로스 시켈로스, Bibliotheca Historica, book 4, chapter 27)

상위

목록

SEARCH

MENU NAVIGATION