헬라어 문장 검색 - Διοδορ́Βιβλιοτ́4́22́

(디오도로스 시켈로스, Bibliotheca Historica, book 4, chapter 21)

Ἡρακλῆσ δὲ διελθὼν τήν τε τῶν Λιγύων καὶ τὴν τῶν Τυρρηνῶν χώραν, καταντήσασ πρὸσ τὸν Τίβεριν ποταμὸν κατεστρατοπέδευσεν οὗ νῦν ἡ Ῥώμη ἐστίν. ἀλλ’ αὕτη μὲν πολλαῖσ γενεαῖσ ὕστερον ὑπὸ Ῥωμύλου τοῦ Ἄρεοσ ἐκτίσθη, τότε δέ τινεσ τῶν ἐγχωρίων κατῴκουν ἐν τῷ νῦν καλουμένῳ Παλατίῳ, μικρὰν παντελῶσ πόλιν οἰκοῦντεσ. ἐν ταύτῃ δὲ τῶν ἐπιφανῶν ὄντεσ ἀνδρῶν Κάκιοσ καὶ Πινάριοσ ἐδέξαντο τὸν Ἡρακλέα ξενίοισ ἀξιολόγοισ καὶ δωρεαῖσ κεχαρισμέναισ ἐτίμησαν·

καὶ τούτων τῶν ἀνδρῶν ὑπομνήματα μέχρι τῶνδε τῶν καιρῶν διαμένει κατὰ τὴν Ῥώμην. τῶν γὰρ νῦν εὐγενῶν ἀνδρῶν τὸ τῶν Πιναρίων ὀνομαζομένων γένοσ διαμένει παρὰ τοῖσ Ῥωμαίοισ, ὡσ ὑπάρχον ἀρχαιότατον, τοῦ δὲ Κακίου ἐν τῷ Παλατίῳ κατάβασίσ ἐστιν ἔχουσα λιθίνην κλίμακα τὴν ὀνομαζομένην ἀπ’ ἐκείνου Κακίαν, οὖσαν πλησίον τῆσ τότε γενομένησ οἰκίασ τοῦ Κακίου. ὁ δ’ οὖν Ἡρακλῆσ ἀποδεξάμενοσ τὴν εὔνοιαν τῶν τὸ Παλάτιον οἰκούντων, προεῖπεν αὐτοῖσ ὅτι μετὰ τὴν ἑαυτοῦ μετάστασιν εἰσ θεοὺσ τοῖσ εὐξαμένοισ ἐκδεκατεύσειν Ἡρακλεῖ τὴν οὐσίαν συμβήσεται τὸν βίον εὐδαιμονέστερον ἔχειν.

ὃ καὶ συνέβη κατὰ τοὺσ ὕστερον χρόνουσ διαμεῖναι μέχρι τῶν καθ’ ἡμᾶσ χρόνων· πολλοὺσ γὰρ τῶν Ῥωμαίων οὐ μόνον τῶν συμμέτρουσ οὐσίασ κεκτημένων, ἀλλὰ καὶ τῶν μεγαλοπλούτων τινὰσ εὐξαμένουσ ἐκδεκατεύσειν Ἡρακλεῖ, καὶ μετὰ ταῦτα γενομένουσ εὐδαίμονασ, ἐκδεκατεῦσαι τὰσ οὐσίασ οὔσασ ταλάντων τετρακισχιλίων.

Λεύκολλοσ γὰρ ὁ τῶν καθ’ αὑτὸν Ῥωμαίων σχεδόν τι πλουσιώτατοσ ὢν διατιμησάμενοσ τὴν ἰδίαν οὐσίαν κατέθυσε τῷ θεῷ πᾶσαν τὴν δεκάτην, εὐωχίασ ποιῶν συνεχεῖσ καὶ πολυδαπάνουσ. κατεσκεύασαν δὲ καὶ Ῥωμαῖοι τούτῳ τῷ θεῷ παρὰ τὸν Τίβεριν ἱερὸν ἀξιόλογον, ἐν ᾧ νομίζουσι συντελεῖν τὰσ ἐκ τῆσ δεκάτησ θυσίασ. ὁ δ’ οὖν Ἡρακλῆσ ἀπὸ τοῦ Τιβέρεωσ ἀναζεύξασ, καὶ διεξιὼν τὴν παράλιον τῆσ νῦν Ἰταλίασ ὀνομαζομένησ, κατήντησεν εἰσ τὸ Κυμαῖον πεδίον, ἐν ᾧ μυθολογοῦσιν ἄνδρασ γενέσθαι ταῖσ τε ῥώμαισ προέχοντασ καὶ ἐπὶ παρανομίᾳ διωνομασμένουσ, οὓσ ὀνομάζεσθαι γίγαντασ.

ὠνομάσθαι δὲ καὶ τὸ πεδίον τοῦτο Φλεγραῖον ἀπὸ τοῦ λόφου τοῦ τὸ παλαιὸν ἐκφυσῶντοσ ἄπλατον πῦρ παραπλησίωσ τῇ κατὰ τὴν Σικελίαν Αἴτνῃ· καλεῖται δὲ νῦν ὁ λόφοσ Οὐεσουούιοσ, ἔχων πολλὰ σημεῖα τοῦ κεκαῦσθαι κατὰ τοὺσ ἀρχαίουσ χρόνουσ. τοὺσ δ’ οὖν γίγαντασ πυθομένουσ τὴν Ἡρακλέουσ παρουσίαν ἀθροισθῆναι πάντασ καὶ παρατάξασθαι τῷ προειρημένῳ.

θαυμαστῆσ δὲ γενομένησ μάχησ κατά τε τὴν ῥώμην καὶ τὴν ἀλκὴν τῶν γιγάντων, φασὶ τὸν Ἡρακλέα, συμμαχούντων αὐτῷ τῶν θεῶν, κρατῆσαι τῇ μάχῃ, καὶ τοὺσ πλείστουσ ἀνελόντα τὴν χώραν ἐξημερῶσαι. μυθολογοῦνται δ’ οἱ γίγαντεσ γηγενεῖσ γεγονέναι διὰ τὴν ὑπερβολὴν τοῦ κατὰ τὸ σῶμα μεγέθουσ.

καὶ περὶ μὲν τῶν ἐν Φλέγρᾳ φονευθέντων γιγάντων τοιαῦτα μυθολογοῦσί τινεσ, οἷσ καὶ Τίμαιοσ ὁ συγγραφεὺσ ἠκολούθησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 21

(디오도로스 시켈로스, Bibliotheca Historica, book 4, chapter 21)

상위

목록

SEARCH

MENU NAVIGATION