헬라어 문장 검색 - Διοδορ́Βιβλιοτ́4́20́

(디오도로스 시켈로스, Bibliotheca Historica, book 4, chapter 19)

ὁ δ’ Ἡρακλῆσ τῶν μὲν Ἰβήρων παρέδωκε τὴν βασιλείαν τοῖσ ἀρίστοισ τῶν ἐγχωρίων, αὐτὸσ δ’ ἀναλαβὼν τὴν δύναμιν καὶ καταντήσασ εἰσ τὴν Κελτικὴν καὶ πᾶσαν ἐπελθὼν κατέλυσε μὲν τὰσ συνήθεισ παρανομίασ καὶ ξενοκτονίασ, πολλοῦ δὲ πλήθουσ ἀνθρώπων ἐξ ἅπαντοσ ἔθνουσ ἑκουσίωσ συστρατεύοντοσ ἔκτισε πόλιν εὐμεγέθη τὴν ὀνομασθεῖσαν ἀπὸ τῆσ κατὰ τὴν στρατείαν ἄλησ Ἀλησίαν. πολλοὺσ δὲ καὶ τῶν ἐγχωρίων ἀνέμιξεν εἰσ τὴν πόλιν·

ὧν ἐπικρατησάντων τῷ πλήθει πάντασ τοὺσ ἐνοικοῦντασ ἐκβαρβαρωθῆναι συνέβη. οἱ δὲ Κελτοὶ μέχρι τῶνδε τῶν καιρῶν τιμῶσι ταύτην τὴν πόλιν, ὡσ ἁπάσησ τῆσ Κελτικῆσ οὖσαν ἑστίαν καὶ μητρόπολιν. διέμεινε δ’ αὕτη πάντα τὸν ἀφ’ Ἡρακλέουσ χρόνον ἐλευθέρα καὶ ἀπόρθητοσ μέχρι τοῦ καθ’ ἡμᾶσ χρόνου· τὸ δὲ τελευταῖον ὑπὸ Γαϊού Καίσαροσ τοῦ διὰ τὸ μέγεθοσ τῶν πράξεων θεοῦ προσαγορευθέντοσ ἐκ βίασ ἁλοῦσα συνηναγκάσθη μετὰ πάντων τῶν ἄλλων Κελτῶν ὑποταγῆναι Ῥωμαίοισ. ὁ δ’ Ἡρακλῆσ τὴν ἐκ τῆσ Κελτικῆσ πορείαν ἐπὶ τὴν Ἰταλίαν ποιούμενοσ, καὶ διεξιὼν τὴν ὀρεινὴν τὴν κατὰ τὰσ Ἄλπεισ, ὡδοποίησε τὴν τραχύτητα τῆσ ὁδοῦ καὶ τὸ δύσβατον, ὥστε δύνασθαι στρατοπέδοισ καὶ ταῖσ τῶν ὑποζυγίων ἀποσκευαῖσ βάσιμον εἶναι.

τῶν δὲ τὴν ὀρεινὴν ταύτην κατοικούντων βαρβάρων εἰωθότων τὰ διεξιόντα τῶν στρατοπέδων περικόπτειν καὶ λῃστεύειν ἐν ταῖσ δυσχωρίαισ, χειρωσάμενοσ ἅπαντασ καὶ τοὺσ ἡγεμόνασ τῆσ παρανομίασ ἀνελὼν ἐποίησεν ἀσφαλῆ τοῖσ μεταγενεστέροισ τὴν ὁδοιπορίαν.

διελθὼν δὲ τὰσ Ἄλπεισ καὶ τῆσ νῦν καλουμένησ Γαλατίασ τὴν πεδιάδα διεξιὼν ἐποιήσατο τὴν πορείαν διὰ τῆσ Λιγυστικῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 19

(디오도로스 시켈로스, Bibliotheca Historica, book 4, chapter 19)

상위

목록

SEARCH

MENU NAVIGATION