헬라어 문장 검색 - Διοδορ́Βιβλιοτ́4́17́

(디오도로스 시켈로스, Bibliotheca Historica, book 4, chapter 16)

Ἡρακλῆσ δὲ λαβὼν πρόσταγμα τὸν Ἱππολύτησ τῆσ Ἀμαζόνοσ ἐνεγκεῖν ζωστῆρα, τὴν ἐπὶ τὰσ Ἀμαζόνασ στρατείαν ἐποιήσατο. πλεύσασ οὖν εἰσ τὸν Εὔξεινον ἀπ’ ἐκείνου κληθέντα Πόντον, καὶ καταπλεύσασ ἐπὶ τὰσ ἐκβολὰσ τοῦ Θερμώδοντοσ ποταμοῦ, πλησίον Θεμισκύρασ πόλεωσ κατεστρατοπέδευσεν, ἐν ᾗ τὰ βασίλεια τῶν Ἀμαζόνων ὑπῆρχε. καὶ τὸ μὲν πρῶτον ᾔτει παρ’ αὐτῶν τὸν προστεταγμένον ζωστῆρα·

ὡσ δ’ οὐχ ὑπήκουον, συνῆψε μάχην αὐταῖσ. τὸ μὲν οὖν ἄλλο πλῆθοσ αὐτῶν ἀντετάχθη τοῖσ πολλοῖσ, αἱ δὲ τιμιώταται κατ’ αὐτὸν ταχθεῖσαι τὸν Ἡρακλέα μάχην καρτερὰν συνεστήσαντο. πρώτη μὲν γὰρ αὐτῷ συνάψασα μάχην Αἔλλα, διὰ τὸ τάχοσ ταύτησ τετευχυῖα τῆσ προσηγορίασ, ὀξύτερον εὑρ͂εν αὑτῆσ τὸν ἀντιταχθέντα. δευτέρα δὲ Φιλιππὶσ εὐθὺσ ἐκ τῆσ πρώτησ συστάσεωσ καιρίῳ πληγῇ περιπεσοῦσα διεφθάρη. μετὰ δὲ ταῦτα Προθόῃ συνῆψε μάχην, ἣν ἐκ προκλήσεωσ ἔφασαν ἑπτάκισ νενικηκέναι τὸν ἀντιταξάμενον. πεσούσησ δὲ καὶ ταύτησ, τετάρτην ἐχειρώσατο τὴν ὀνομαζομένην Ἐρίβοιαν. αὕτη δὲ διὰ τὴν ἐν τοῖσ πολεμικοῖσ ἀγῶσιν ἀνδραγαθίαν καυχωμένη μηδενὸσ χρείαν ἔχειν βοηθοῦ, ψευδῆ τὴν ἐπαγγελίαν ἔσχε κρείττονι περιπεσοῦσα. μετὰ δὲ ταύτασ Κελαινὼ καὶ Εὐρυβία καὶ Φοίβη, τῆσ Ἀρτέμιδοσ οὖσαι συγκυνηγοὶ καὶ διὰ παντὸσ εὐστόχωσ ἀκοντίζουσαι, τὸν ἕνα στόχον οὐκ ἔτρωσαν, ἀλλ’ ἑαυταῖσ συνασπίζουσαι τότε πᾶσαι κατεκόπησαν.

μετὰ δὲ ταύτασ Δηιάνειραν καὶ Ἀστερίαν καὶ Μάρπην, ἔτι δὲ Τέκμησσαν καὶ Ἀλκίππην ἐχειρώσατο. αὕτη δ’ ὀμόσασα παρθένοσ διαμενεῖν τὸν μὲν ὁρ́κον ἐφύλαξε, τὸ δὲ ζῆν οὐ διετήρησεν. ἡ δὲ τὴν στρατηγίαν ἔχουσα τῶν Ἀμαζόνων Μελανίππη καὶ θαυμαζομένη μάλιστα δι’ ἀνδρείαν ἀπέβαλε τὴν ἡγεμονίαν. Ἡρακλῆσ δὲ τὰσ ἐπιφανεστάτασ τῶν Ἀμαζονίδων ἀνελὼν καὶ τὸ λοιπὸν πλῆθοσ φυγεῖν συναναγκάσασ, κατέκοψε τὰσ πλείστασ, ὥστε παντελῶσ τὸ ἔθνοσ αὐτῶν συντριβῆναι.

τῶν δ’ αἰχμαλωτίδων Ἀντιόπην μὲν ἐδωρήσατο Θησεῖ, Μελανίππην δ’ ἀπελύτρωσεν ἀντιλαβὼν τὸν ζωστῆρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 16

(디오도로스 시켈로스, Bibliotheca Historica, book 4, chapter 16)

상위

목록

SEARCH

MENU NAVIGATION