헬라어 문장 검색 - Διοδορ́Βιβλιοτ́4́15́

(디오도로스 시켈로스, Bibliotheca Historica, book 4, chapter 14)

τελέσασ δὲ τοῦτον τὸν ἆθλον τὸν Ὀλυμπικὸν ἀγῶνα συνεστήσατο, κάλλιστον τῶν τόπων πρὸσ τηλικαύτην πανήγυριν προκρίνασ τὸ παρὰ τὸν Ἀλφειὸν ποταμὸν πεδίον, ἐν ᾧ τὸν ἀγῶνα τοῦτον τῷ Διὶ τῷ πατρίῳ καθιέρωσε. στεφανίτην δ’ αὐτὸν ἐποίησεν, ὅτι καὶ αὐτὸσ εὐηργέτησε τὸ γένοσ τῶν ἀνθρώπων οὐδένα λαβὼν μισθόν. τὰ δ’ ἀθλήματα πάντα αὐτὸσ ἀδηρίτωσ ἐνίκησε, μηδενὸσ τολμήσαντοσ αὐτῷ συγκριθῆναι διὰ τὴν ὑπερβολὴν τῆσ ἀρετῆσ, καίπερ τῶν ἀθλημάτων ἐναντίων ἀλλήλοισ ὄντων·

τὸν γὰρ πύκτην ἢ παγκρατιαστὴν τοῦ σταδιέωσ δύσκολον περιγενέσθαι, καὶ πάλιν τὸν ἐν τοῖσ κούφοισ ἀθλήμασι πρωτεύοντα καταγωνίσασθαι τοὺσ ἐν τοῖσ βαρέσιν ὑπερέχοντασ δυσχερὲσ κατανοῆσαι. διόπερ εἰκότωσ ἐγένετο τιμιώτατοσ ἁπάντων τῶν ἀγώνων οὗτοσ, τὴν ἀρχὴν ἀπ’ ἀγαθοῦ λαβών. οὐκ ἄξιον δὲ παραλιπεῖν οὐδὲ τὰσ ὑπὸ τῶν θεῶν αὐτῷ δοθείσασ δωρεὰσ διὰ τὴν ἀρετήν.

ἀπὸ γὰρ τῶν πολέμων τραπέντοσ αὐτοῦ πρὸσ ἀνέσεισ τε καὶ πανηγύρεισ, ἔτι δ’ ἑορτὰσ καὶ ἀγῶνασ, ἐτίμησαν αὐτὸν δωρεαῖσ οἰκείαισ ἕκαστοσ τῶν θεῶν, Ἀθηνᾶ μὲν πέπλῳ, Ἥφαιστοσ δὲ ῥοπάλῳ καὶ θώρακι· καὶ πρὸσ ἀλλήλουσ ἐφιλοτιμήθησαν οἱ προειρημένοι θεοὶ κατὰ τὰσ τέχνασ, τῆσ μὲν πρὸσ εἰρηνικὴν ἀπόλαυσιν καὶ τέρψιν, τοῦ δὲ πρὸσ τὴν τῶν πολεμικῶν κινδύνων ἀσφάλειαν. τῶν δ’ ἄλλων Ποσειδῶν μὲν ἵππουσ ἐδωρήσατο, Ἑρμῆσ δὲ ξίφοσ, Ἀπόλλων δὲ τόξον τε ἔδωκε καὶ τοξεύειν ἐδίδαξε, Δημήτηρ δὲ πρὸσ τὸν καθαρμὸν τοῦ Κενταύρων φόνου τὰ μικρὰ μυστήρια συνεστήσατο, τὸν Ἡρακλέα τιμῶσα. ἴδιον δέ τι συνέβη καὶ κατὰ τὴν γένεσιν τοῦ θεοῦ τούτου συντελεσθῆναι.

Ζεὺσ γὰρ πρώτῃ μὲν ἐμίγη γυναικὶ θνητῇ Νιόβῃ τῇ Φορωνέωσ, ἐσχάτῃ δ’ Ἀλκμήνῃ· ταύτην δ’ ἀπὸ Νιόβησ ἑκκαιδεκάτην οἱ μυθογράφοι γενεαλογοῦσιν· ὥστε τοῦ γεννᾶν ἀνθρώπουσ ἐκ μὲν τῶν ταύτησ ταύτησ προγόνων ἤρξατο, εἰσ αὐτὴν δὲ ταύτην κατέληξεν· ἐν ταύτῃ γὰρ τὰσ πρὸσ θνητὴν ὁμιλίασ κατέλυσε, καὶ κατὰ τοὺσ ὕστερον χρόνουσ οὐδένα τούτων γεννήσειν ἄξιον ἐλπίζων οὐκ ἐβουλήθη τοῖσ κρείττοσιν ἐπεισάγειν τὰ χείρω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 14

(디오도로스 시켈로스, Bibliotheca Historica, book 4, chapter 14)

상위

목록

SEARCH

MENU NAVIGATION