헬라어 문장 검색 - Διοδορ́Βιβλιοτ́4́13́

(디오도로스 시켈로스, Bibliotheca Historica, book 4, chapter 12)

τρίτον δὲ πρόσταγμα ἔλαβεν ἐνεγκεῖν τὸν Ἐρυμάνθιον κάπρον ζῶντα, ὃσ διέτριβεν ἐν τῇ Λαμπείᾳ τῆσ Ἀρκαδίασ. ἐδόκει δὲ τὸ πρόσταγμα τοῦτο πολλὴν ἔχειν δυσχέρειαν· ἔδει γὰρ τὸν ἀγωνιζόμενον τοιούτῳ θηρίῳ τοσαύτην ἔχειν περιουσίαν ὥστε ἐπ’ αὐτῆσ τῆσ μάχησ ἀκριβῶσ στοχάσασθαι τοῦ καιροῦ. ἔτι μὲν γὰρ ἰσχύοντα ἀφεὶσ αὐτὸν ἀπὸ τῶν ὀδόντων ἂν ἐκινδύνευσε, πλέον δὲ τοῦ δέοντοσ καταπολεμήσασ ἀπέκτεινεν, ὥστε τὸν ἆθλον ὑπάρχειν ἀσυντέλεστον. ὅμωσ δὲ κατὰ τὴν μάχην ταμιευσάμενοσ ἀκριβῶσ τὴν συμμετρίαν ἀπήνεγκε τὸν κάπρον ζῶντα πρὸσ Εὐρυσθέα·

ὃν ἰδὼν ὁ βασιλεὺσ ἐπὶ τῶν ὤμων φέροντα, καὶ φοβηθείσ, ἔκρυψεν ἑαυτὸν εἰσ χαλκοῦν πίθον. ἅμα δὲ τούτοισ πραττομένοισ Ἡρακλῆσ κατηγωνίσατο τοὺσ ὀνομαζομένουσ Κενταύρουσ διὰ τοιαύτασ αἰτίασ.

Φόλοσ ἦν Κένταυροσ, ἀφ’ οὗ συνέβη τὸ πλησίον ὄροσ Φολόην ὀνομασθῆναι· οὗτοσ ξενίοισ δεχόμενοσ Ἡρακλέα τὸν κατακεχωσμένον οἴνου πίθον ἀνέῳξε. τοῦτον γὰρ μυθολογοῦσι τὸ παλαιὸν Διόνυσον παρατεθεῖσθαί τινι Κενταύρῳ, καὶ προστάξαι τότε ἀνοῖξαι ὅταν Ἡρακλῆσ παραγένηται. διόπερ ὕστερον τέτταρσι γενεαῖσ ἐπιξενωθέντοσ αὐτοῦ μνησθῆναι τὸν Φόλον τῆσ Διονύσου παραγγελίασ. ἀνοιχθέντοσ οὖν τοῦ πίθου, καὶ τῆσ εὐωδίασ διὰ τὴν παλαιότητα καὶ δύναμιν τοῦ οἴνου προσπεσούσησ τοῖσ πλησίον οἰκοῦσι Κενταύροισ, συνέβη διοιστρηθῆναι τούτουσ·

διὸ καὶ προσπεσόντεσ ἀθρόοι τῇ οἰκήσει τοῦ Φόλου καταπληκτικῶσ ὡρ́μησαν πρὸσ ἁρπαγήν. ὁ μὲν οὖν Φόλοσ φοβηθεὶσ ἔκρυψεν ἑαυτόν, ὁ δ’ Ἡρακλῆσ παραδόξωσ συνεπλάκη τοῖσ βιαζομένοισ·

ἔδει γὰρ διαγωνίζεσθαι πρὸσ τοὺσ ἀπὸ μὲν μητρὸσ ὄντασ θεούσ, τὸ δὲ τάχοσ ἔχοντασ ἵππων, ῥώμῃ δὲ δισωμάτουσ θῆρασ, ἐμπειρίαν δὲ καὶ σύνεσιν ἔχοντασ ἀνδρῶν. τῶν δὲ Κενταύρων οἱ μὲν πεύκασ αὐτορρίζουσ ἔχοντεσ ἐπῇσαν, οἱ δὲ πέτρασ μεγάλασ, τινὲσ δὲ λαμπάδασ ἡμμένασ, ἕτεροι δὲ βουφόνουσ πελέκεισ. ὁ δ’ ἀκαταπλήκτωσ ὑποστὰσ ἀξίαν τῶν προκατειργασμένων συνεστήσατο μάχην.

συνηγωνίζετο δ’ αὐτοῖσ ἡ μήτηρ Νεφέλη πολὺν ὄμβρον ἐκχέουσα, δι’ οὗ τοὺσ μὲν τετρασκελεῖσ οὐκ ἔβλαπτε, τῷ δὲ δυσὶν ἠρεισμένῳ σκέλεσι τὴν βάσιν ὀλισθηρὰν κατεσκεύαζεν. ἀλλ’ ὅμωσ τοὺσ τοιούτοισ προτερήμασι πλεονεκτοῦντασ Ἡρακλῆσ παραδόξωσ κατηγωνίσατο, καὶ τοὺσ μὲν πλείστουσ ἀπέκτεινε, τοὺσ δ’ ὑπολειφθέντασ φυγεῖν ἠνάγκασε. τῶν δ’ ἀναιρεθέντων Κενταύρων ὑπῆρχον ἐπιφανέστατοι Δάφνισ καὶ Ἀργεῖοσ καὶ Ἀμφίων, ἔτι δὲ Ἱπποτίων καὶ Ὄρειοσ καὶ Ἰσοπλὴσ καὶ Μελαγχαίτησ, πρὸσ δὲ τούτοισ Θηρεὺσ καὶ Δούπων καὶ Φρίξοσ.

τῶν δὲ διαφυγόντων τὸν κίνδυνον ὕστερον ἕκαστοσ τιμωρίασ ἠξιώθη· ὅμαδοσ μὲν γὰρ ἐν Ἀρκαδίᾳ τὴν Εὐρυσθέωσ ἀδελφὺν Ἀλκυόνην βιαζόμενοσ ἀνῃρέθη. ἐφ’ ᾧ συνέβη θαυμασθῆναι τὸν Ἡρακλέα διαφερόντωσ· τὸν μὲν γὰρ ἐχθρὸν κατ’ ἰδίαν ἐμίσησε, τὴν δ’ ὑβριζομένην ἐλεῶν ἐπιεικείᾳ διαφέρειν ὑπελάμβανεν. ἴδιον δέ τι συνέβη καὶ περὶ τὸν Ἡρακλέουσ φίλον τὸν ὀνομαζόμενον Φόλον.

οὗτοσ γὰρ διὰ τὴν συγγένειαν θάπτων τοὺσ πεπτωκότασ Κενταύρουσ, καὶ βέλοσ ἔκ τινοσ ἐξαιρῶν, ὑπὸ τῆσ ἀκίδοσ ἐπλήγη, καὶ τὸ τραῦμα ἔχων ἀνίατον ἐτελεύτησεν. ὃν Ἡρακλῆσ μεγαλοπρεπῶσ θάψασ ὑπὸ τὸ ὄροσ ἔθηκεν, ὃ στήλησ ἐνδόξου γέγονε κρεῖττον· Φολόη γὰρ ὀνομαζόμενον διὰ τῆσ ἐπωνυμίασ μηνύει τὸν ταφέντα καὶ οὐ δι’ ἐπιγραφῆσ. ὁμοίωσ δὲ καὶ Χείρωνα τὸν ἐπὶ τῇ ἰατρικῇ θαυμαζόμενον ἀκουσίωσ τόξου βολῇ διέφθειρε. καὶ περὶ μὲν τῶν Κενταύρων ἱκανῶσ ἡμῖν εἰρήσθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 12

(디오도로스 시켈로스, Bibliotheca Historica, book 4, chapter 12)

상위

목록

SEARCH

MENU NAVIGATION