헬라어 문장 검색 - Διοδορ́Βιβλιοτ́4́12́

(디오도로스 시켈로스, Bibliotheca Historica, book 4, chapter 11)

τούτων δὲ πραχθέντων ὁ μὲν Ἡρακλῆσ ἐνέπεσεν εἰσ ἀθυμίαν οὐ τὴν τυχοῦσαν· τό τε γὰρ τῷ ταπεινοτέρῳ δουλεύειν οὐδαμῶσ ἄξιον ἔκρινε τῆσ ἰδίασ ἀρετῆσ, τό τε τῷ Διὶ καὶ πατρὶ μὴ πείθεσθαι καὶ ἀσύμφορον ἐφαίνετο καὶ ἀδύνατον. εἰσ πολλὴν οὖν ἀμηχανίαν ἐμπίπτοντοσ αὐτοῦ, Ἥρα μὲν ἔπεμψεν αὐτῷ λύτταν· ὁ δὲ τῇ ψυχῇ δυσφορῶν εἰσ μανίαν ἐνέπεσε. τοῦ πάθουσ δ’ αὐξομένου τῶν φρενῶν ἐκτὸσ γενόμενοσ τὸν μὲν Ιὄλαον ἐπεβάλετο κτείνειν, ἐκείνου δὲ φυγόντοσ καὶ τῶν παίδων τῶν ἐκ Μεγάρασ πλησίον διατριβόντων, τούτουσ ὡσ πολεμίουσ κατετόξευσε. μόγισ δὲ τῆσ μανίασ ἀπολυθείσ, καὶ ἐπιγνοὺσ τὴν ἰδίαν ἄγνοιαν, περιαλγὴσ ἦν ἐπὶ τῷ μεγέθει τῆσ συμφορᾶσ.

πάντων δ’ αὐτῷ συλλυπουμένων καὶ συμπενθούντων, ἐπὶ πολὺν χρόνον κατὰ τὴν οἰκίαν ἡσύχαζεν, ἐκκλίνων τὰσ τῶν ἀνθρώπων ὁμιλίασ τε καὶ ἀπαντήσεισ· τέλοσ δὲ τοῦ χρόνου τὸ πάθοσ πραΰναντοσ κρίνασ ὑπομένειν τοὺσ κινδύνουσ παρεγένετο πρὸσ Εὐρυσθέα. καὶ πρῶτον μὲν ἔλαβεν ἆθλον ἀποκτεῖναι τὸν ἐν Νεμέᾳ λέοντα.

οὗτοσ δὲ μεγέθει μὲν ὑπερφυὴσ ἦν, ἄτρωτοσ δὲ ὢν σιδήρῳ καὶ χαλκῷ καὶ λίθῳ τῆσ κατὰ χεῖρα βιαζομένησ προσεδεῖτο ἀνάγκησ. διέτριβε δὲ μάλιστα μεταξὺ Μυκηνῶν καὶ Νεμέασ περὶ ὄροσ τὸ καλούμενον ἀπὸ τοῦ συμβεβηκότοσ Τρητόν· εἶχε γὰρ περὶ τὴν ῥίζαν διώρυχα διηνεκῆ, καθ’ ἣν εἰώθει φωλεύειν τὸ θηρίον. ὁ δ’ Ἡρακλῆσ καταντήσασ ἐπὶ τὸν τόπον προσέβαλεν αὐτῷ, καὶ τοῦ θηρίου συμφυγόντοσ εἰσ τὴν διώρυχα συνακολουθῶν αὐτῷ καὶ τὸ ἕτερον τῶν στομίων ἐμφράξασ συνεπλάκη, καὶ τὸν αὐχένα σφίγξασ τοῖσ βραχίοσιν ἀπέπνιξε.

τὴν δὲ δορὰν αὐτοῦ περιθέμενοσ, καὶ διὰ τὸ μέγεθοσ ἅπαν τὸ ἴδιον σῶμα περιλαβών, εἶχε σκεπαστήριον τῶν μετὰ ταῦτα κινδύνων. δεύτερον δ’ ἔλαβεν ἆθλον ἀποκτεῖναι τὴν Λερναίαν ὕδραν, ἧσ ἐξ ἑνὸσ σώματοσ ἑκατὸν αὐχένεσ ἔχοντεσ κεφαλὰσ ὄφεων διετετύπωντο.

τούτων δ’ εἰ μία διαφθαρείη, διπλασίασ ὁ τμηθεὶσ ἀνίει τόποσ· δἰ ἣν αἰτίαν ἀήττητοσ ὑπάρχειν διείληπτο, καὶ κατὰ λόγον· τὸ γὰρ χειρωθὲν αὐτῆσ μέροσ διπλάσιον ἀπεδίδου βοήθημα. πρὸσ δὲ τὴν δυστραπέλειαν ταύτην ἐπινοήσασ τι φιλοτέχνημα προσέταξεν Ιὀλάῳ λαμπάδι καομένῃ τὸ ἀποτμηθὲν μέροσ ἐπικάειν, ἵνα τὴν ῥύσιν ἐπίσχῃ τοῦ αἵματοσ.

οὕτωσ οὖν χειρωσάμενοσ τὸ ζῷον εἰσ τὴν χολὴν ἀπέβαπτε τὰσ ἀκίδασ, ἵνα τὸ βληθὲν βέλοσ ἔχῃ τὴν ἐκ τῆσ ἀκίδοσ πληγὴν ἀνίατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 11

(디오도로스 시켈로스, Bibliotheca Historica, book 4, chapter 11)

상위

목록

SEARCH

MENU NAVIGATION