헬라어 문장 검색 - Διοδορ́Βιβλιοτ́4́11́

(디오도로스 시켈로스, Bibliotheca Historica, book 4, chapter 10)

μετὰ δὲ ταῦτα ἡ μὲν Ἥρα δύο δράκοντασ ἀπέστειλε τοὺσ ἀναλώσοντασ τὸ βρέφοσ, ὁ δὲ παῖσ οὐ καταπλαγεὶσ ἑκατέρᾳ τῶν χειρῶν τὸν αὐχένα σφίγξασ ἀπέπνιξε τοὺσ δράκοντασ. διόπερ Ἀργεῖοι πυθόμενοι τὸ γεγονὸσ Ἡρακλέα προσηγόρευσαν, ὅτι δἰ Ἥραν ἔσχε κλέοσ, Ἀλκαῖον πρότερον καλούμενον. τοῖσ μὲν οὖν ἄλλοισ οἱ γονεῖσ τοὔνομα περιτιθέασι, τούτῳ δὲ μόνῳ ἡ ἀρετὴ τὴν προσηγορίαν ἔθετο. μετὰ δὲ ταῦτα ὁ μὲν Ἀμφιτρύων φυγαδευθεὶσ ἐκ Τίρυνθοσ μετῴκησεν εἰσ Θήβασ·

ὁ δ’ Ἡρακλῆσ τραφεὶσ καὶ παιδευθεὶσ καὶ μάλιστ’ ἐν τοῖσ γυμνασίοισ διαπονηθεὶσ ἐγένετο ῥώμῃ τε σώματοσ πολὺ προέχων τῶν ἄλλων ἁπάντων καὶ ψυχῆσ λαμπρότητι περιβόητοσ, ὅσ γε τὴν ἡλικίαν ἔφηβοσ ὤν πρῶτον μὲν ἠλευθέρωσε τὰσ Θήβασ, ἀποδιδοὺσ ὡσ πατρίδι τὰσ προσηκούσασ χάριτασ. ὑποτεταγμένων γὰρ τῶν Θηβαίων Ἐργίνῳ τῷ βασιλεῖ τῶν Μινυῶν, καὶ κατ’ ἐνιαυτὸν ὡρισμένουσ φόρουσ τελούντων, οὐ καταπλαγεὶσ τὴν τῶν δεδουλωμένων ὑπεροχὴν ἐτόλμησε πρᾶξιν ἐπιτελέσαι περιβόητον·

τοὺσ γὰρ παραγενομένουσ τῶν Μινυῶν ἐπὶ τὴν ἀπαίτησιν τῶν δασμῶν καὶ μεθ’ ὕβρεωσ εἰσπραττομένουσ ἀκρωτηριάσασ ἐξέβαλεν ἐκ τῆσ πόλεωσ. Ἐργίνου δ’ ἐξαιτοῦντοσ τὸν αἴτιον, Κρέων βασιλεύων τῶν Θηβαίων, καταπλαγεὶσ τὸ βάροσ τῆσ ἐξουσίασ, ἕτοιμοσ ἦν ἐκδιδόναι τὸν αἴτιον τῶν ἐγκλημάτων.

ὁ δ’ Ἡρακλῆσ πείσασ τοὺσ ἡλικιώτασ ἐλευθεροῦν τὴν πατρίδα, κατέσπασεν ἐκ τῶν ναῶν τὰσ προσηλωμένασ πανοπλίασ, ἃσ οἱ πρόγονοι σκῦλα τοῖσ θεοῖσ ἦσαν ἀνατεθεικότεσ· οὐ γὰρ ἦν εὑρεῖν κατὰ τὴν πόλιν ἰδιωτικὸν ὅπλον διὰ τὸ τοὺσ Μινύασ παρωπλικέναι τὴν πόλιν, ἵνα μηδεμίαν λαμβάνωσιν οἱ κατὰ τὰσ Θήβασ ἀποστάσεωσ ἔννοιαν. ὁ δ’ Ἡρακλῆσ πυθόμενοσ Ἐργῖνον τὸν βασιλέα τῶν Μινυῶν προσάγειν τῇ πόλει μετὰ στρατιωτῶν, ἀπαντήσασ αὐτῷ κατά τινα στενοχωρίαν, καὶ τὸ μέγεθοσ τῆσ τῶν πολεμίων δυνάμεωσ ἄχρηστον ποιήσασ, αὐτόν τε τὸν Ἐργῖνον ἀνεῖλε καὶ τοὺσ μετ’ αὐτοῦ σχεδὸν ἅπαντασ ἀπέκτεινεν.

ἄφνω δὲ προσπεσὼν τῇ πόλει τῶν Ὀρχομενίων καὶ παρεισπεσὼν ἐντὸσ τῶν πυλῶν τά τε βασίλεια τῶν Μινυῶν ἐνέπρησε καὶ τὴν πόλιν κατέσκαψε. περιβοήτου δὲ τῆσ πράξεωσ γενομένησ καθ’ ὅλην τὴν Ἑλλάδα καὶ πάντων θαυμαζόντων τὸ παράδοξον, ὁ μὲν βασιλεὺσ Κρέων θαυμάσασ τὴν ἀρετὴν τοῦ νεανίσκου τήν τε θυγατέρα Μεγάραν συνῴκισεν αὐτῷ καὶ καθάπερ υἱῷ γνησίῳ τὰ κατὰ τὴν πόλιν ἐπέτρεψεν, Εὐρυσθεὺσ δ’ ὁ τὴν βασιλείαν ἔχων τῆσ Ἀργείασ ὑποπτεύσασ τὴν Ἡρακλέουσ αὔξησιν μετεπέμπετό τε αὐτὸν καὶ προσέταττε τελεῖν ἄθλουσ.

οὐχ ὑπακούοντοσ δὲ τοῦ Ἡρακλέουσ, Ζεὺσ μὲν ἀπέστειλε διακελευόμενοσ ὑπουργεῖν Εὐρυσθεῖ, Ἡρακλῆσ δὲ παρελθὼν εἰσ Δελφοὺσ καὶ περὶ τούτων ἐπερωτήσασ τὸν θεόν, ἔλαβε χρησμὸν τὸν δηλοῦντα διότι τοῖσ θεοῖσ δέδοκται δώδεκα ἄθλουσ τελέσαι προστάττοντοσ Εὐρυσθέωσ, καὶ τοῦτο πράξαντα τεύξεσθαι τῆσ ἀθανασίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 10

(디오도로스 시켈로스, Bibliotheca Historica, book 4, chapter 10)

상위

목록

SEARCH

MENU NAVIGATION