헬라어 문장 검색 - Διοδορ́Βιβλιοτ́4́10́

(디오도로스 시켈로스, Bibliotheca Historica, book 4, chapter 9)

τῆσ Ἀκρισίου τοίνυν Δανάησ καὶ Διόσ φασι γενέσθαι Περσέα· τούτῳ δὲ μιγεῖσαν τὴν Κηφέωσ Ἀνδρομέδαν Ἠλεκτρύωνα γεννῆσαι, ἔπειτα τούτῳ τὴν Πέλοποσ Εὐρυδίκην συνοικήσασαν Ἀλκμήνην τεκνῶσαι, καὶ ταύτῃ Δία μιγέντα δι’ ἀπάτησ Ἡρακλέα γεννῆσαι. τὴν μὲν οὖν ὅλην τοῦ γένουσ ῥίζαν ἀπ’ ἀμφοτέρων τῶν γονέων εἰσ τὸν μέγιστον τῶν θεῶν ἀναφέρειν λέγεται τὸν εἰρημένον τρόπον.

τὴν δὲ γεγενημένην περὶ αὐτὸν ἀρετὴν οὐκ ἐν ταῖσ πράξεσι θεωρηθῆναι μόνον, ἀλλὰ καὶ πρὸ τῆσ γενέσεωσ γινώσκεσθαι. τὸν γὰρ Δία μισγόμενον Ἀλκμήνῃ τριπλασίαν τὴν νύκτα ποιῆσαι, καὶ τῷ πλήθει τοῦ πρὸσ τὴν παιδοποιίαν ἀναλωθέντοσ χρόνου προσημῆναι τὴν ὑπερβολὴν τῆσ τοῦ γεννηθησομένου ῥώμησ. καθόλου δὲ τὴν ὁμιλίαν ταύτην οὐκ ἐρωτικῆσ ἐπιθυμίασ ἕνεκα ποιήσασθαι, καθάπερ ἐπὶ τῶν ἄλλων γυναικῶν, ἀλλὰ τὸ πλέον τῆσ παιδοποιίασ χάριν.

διὸ καὶ βουλόμενον τὴν ἐπιπλοκὴν νόμιμον ποιήσασθαι βιάσασθαι μὲν μὴ βουληθῆναι, πεῖσαι δ’ οὐδαμῶσ ἐλπίζειν διὰ τὴν σωφροσύνην· τὴν ἀπάτην οὖν προκρίναντα διὰ ταύτησ παρακρούσασθαι τὴν Ἀλκμήνην, Ἀμφιτρύωνι κατὰ πᾶν ὁμοιωθέντα. διελθόντοσ δὲ τοῦ κατὰ φύσιν χρόνου ταῖσ ἐγκύοισ, τὸν μὲν Δία πρὸσ τὴν Ἡρακλέουσ γένεσιν ἐνεχθέντα τῇ διανοίᾳ προειπεῖν παρόντων ἁπάντων τῶν θεῶν ὅτι τὸν κατ’ ἐκείνην τὴν ἡμέραν Περσειδῶν γεννώμενον ποιήσει βασιλέα, τὴν δ’ Ἥραν ζηλοτυποῦσαν καὶ συνεργὸν ἔχουσαν Εἰλείθυιαν τὴν θυγατέρα, τῆσ μὲν Ἀλκμήνησ παρακατασχεῖν τὰσ ὠδῖνασ, τὸν δ’ Εὐρυσθέα πρὸ τοῦ καθήκοντοσ χρόνου πρὸσ τὸ φῶσ ἀγαγεῖν.

τὸν δὲ Δία καταστρατηγηθέντα βουληθῆναι τήν τε ὑπόσχεσιν βεβαιῶσαι καὶ τῆσ Ἡρακλέουσ ἐπιφανείασ προνοηθῆναι·

διό φασιν αὐτὸν τὴν μὲν Ἥραν πεῖσαι συγχωρῆσαι βασιλέα μὲν ὑπάρξαι κατὰ τὴν ἰδίαν ὑπόσχεσιν Εὐρυσθέα, τὸν δ’ Ἡρακλέα τεταγμένον ὑπὸ τὸν Εὐρυσθέα τελέσαι δώδεκα ἄθλουσ οὓσ ἂν ὁ Εὐρυσθεὺσ προστάξῃ, καὶ τοῦτο πράξαντα τυχεῖν τῆσ ἀθανασίασ. Ἀλκμήνη δὲ τεκοῦσα καὶ φοβηθεῖσα τὴν τῆσ Ἥρασ ζηλοτυπίαν, ἐξέθηκε τὸ βρέφοσ εἰσ τὸν τόπον ὃσ νῦν ἀπ’ ἐκείνου καλεῖται πεδίον Ἡράκλειον.

καθ’ ὃν δὴ χρόνον Ἀθηνᾶ μετὰ τῆσ Ἥρασ προσιοῦσα, καὶ θαυμάσασα τοῦ παιδίου τὴν φύσιν, συνέπεισε τὴν Ἥραν ὑποσχεῖν τὴν θηλήν. τοῦ δὲ παιδὸσ ὑπὲρ τὴν ἡλικίαν βιαιότερον ἐπισπασαμένου τὴν θηλήν, ἡ μὲν Ἥρα διαλγήσασα τὸ βρέφοσ ἔρριψεν, Ἀθηνᾶ δὲ κομίσασα αὐτὸ πρὸσ τὴν μητέρα τρέφειν παρεκελεύσατο. θαυμάσαι δ’ ἄν τισ εἰκότωσ τὸ τῆσ περιπετείασ παράδοξον·

ἡ μὲν γὰρ στέργειν ὀφείλουσα μήτηρ τὸ ἴδιον τέκνον ἀπώλλυεν, ἡ δὲ μητρυιᾶσ ἔχουσα μῖσοσ δι’ ἄγνοιαν ἔσωζε τὸ τῇ φύσει πολέμιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 9

(디오도로스 시켈로스, Bibliotheca Historica, book 4, chapter 9)

상위

목록

SEARCH

MENU NAVIGATION