헬라어 문장 검색 - Διοδορ́Βιβλιοτ́4́05́

(디오도로스 시켈로스, Bibliotheca Historica, book 4, chapter 4)

μυθολογοῦσι δέ τινεσ καὶ ἕτερον Διόνυσον γεγονέναι πολὺ τοῖσ χρόνοισ προτεροῦντα τούτου. φασὶ γὰρ ἐκ Διὸσ καὶ Φερσεφόνησ Διόνυσον γενέσθαι τὸν ὑπό τινων Σαβάζιον ὀνομαζόμενον, οὗ τήν τε γένεσιν καὶ τὰσ θυσίασ καὶ τιμὰσ νυκτερινὰσ καὶ κρυφίουσ παρεισάγουσι διὰ τὴν αἰσχύνην τὴν ἐκ τῆσ συνουσίασ ἐπακολουθοῦσαν. λέγουσι δ’ αὐτὸν ἀγχινοίᾳ διενεγκεῖν, καὶ πρῶτον ἐπιχειρῆσαι βοῦσ ζευγνύειν καὶ διὰ τούτων τὸν σπόρον τῶν καρπῶν ἐπιτελεῖν·

ἀφ’ οὗ δὴ καὶ κερατίαν αὐτὸν παρεισάγουσι. καὶ τὸν μὲν ἐκ Σεμέλησ γενόμενον ἐν τοῖσ νεωτέροισ χρόνοισ φασὶ τῷ σώματι γενέσθαι τρυφερὸν καὶ παντελῶσ ἁπαλόν, εὐπρεπείᾳ δὲ πολὺ τῶν ἄλλων διενεγκεῖν καὶ πρὸσ τὰσ ἀφροδισιακὰσ ἡδονὰσ εὐκατάφορον γεγονέναι, κατὰ δὲ τὰσ στρατείασ γυναικῶν πλῆθοσ περιάγεσθαι καθωπλισμένων λόγχαισ τεθυρσωμέναισ. φασὶ δὲ καὶ τὰσ Μούσασ αὐτῷ συναποδημεῖν, παρθένουσ οὔσασ καὶ πεπαιδευμένασ διαφερόντωσ·

ταύτασ δὲ διά τε τῆσ μελῳδίασ καὶ τῶν ὀρχήσεων, ἔτι δὲ τῶν ἄλλων τῶν ἐν παιδείᾳ καλῶν ψυχαγωγεῖν τὸν θεόν. φασὶ δὲ καὶ παιδαγωγὸν καὶ τροφέα συνέπεσθαι κατὰ τὰσ στρατείασ αὐτῷ Σειληνόν, εἰσηγητὴν καὶ διδάσκαλον γινόμενον τῶν καλλίστων ἐπιτηδευμάτων, καὶ μεγάλα συμβάλλεσθαι τῷ Διονύσῳ πρὸσ ἀρετήν τε καὶ δόξαν. καὶ κατὰ μὲν τὰσ ἐν τοῖσ πολέμοισ μάχασ ὅπλοισ αὐτὸν πολεμικοῖσ κεκοσμῆσθαι καὶ δοραῖσ παρδάλεων, κατὰ δὲ τὰσ ἐν εἰρήνῃ πανηγύρεισ καὶ ἑορτὰσ ἐσθῆσιν ἀνθειναῖσ καὶ κατὰ τὴν μαλακότητα τρυφεραῖσ χρῆσθαι.

πρὸσ δὲ τὰσ ἐκ τοῦ πλεονάζοντοσ οἴνου κεφαλαλγίασ τοῖσ πίνουσι γινομένασ διαδεδέσθαι λέγουσιν αὐτὸν μίτρᾳ τὴν κεφαλήν, ἀφ’ ἧσ αἰτίασ καὶ μιτρηφόρον ὀναμάζεσθαι· ἀπὸ δὲ ταύτησ τῆσ μίτρασ ὕστερον παρὰ τοῖσ βασιλεῦσι καταδειχθῆναι τὸ διάδημά φασι. διμήτορα δ’ αὐτὸν προσαγορευθῆναι λέγουσι διὰ τὸ πατρὸσ μὲν ἑνὸσ ὑπάρξαι τοὺσ δύο Διονύσουσ, μητέρων δὲ δυοῖν.

κεκληρονομηκέναι δὲ τὸν νεώτερον καὶ τὰσ τοῦ προγενεστέρου πράξεισ· διόπερ τοὺσ μεταγενεστέρουσ ἀνθρώπουσ, ἀγνοοῦντασ μὲν τἀληθέσ, πλανηθέντασ δὲ διὰ τὴν ὁμωνυμίαν, ἕνα γεγονέναι νομίσαι Διόνυσον. τὸν δὲ νάρθηκα προσάπτουσιν αὐτῷ διά τινασ τοιαύτασ αἰτίασ.

κατὰ τὴν ἐξ ἀρχῆσ εὑρ́εσιν τοῦ οἴνου μήπω τῆσ τοῦ ὕδατοσ κράσεωσ εὑρημένησ ἄκρατον πίνειν τὸν οἶνον· κατὰ δὲ τὰσ τῶν φίλων συναναστροφὰσ καὶ εὐωχίασ τοὺσ συνεορτάζοντασ δαψιλῆ τὸν ἄκρατον ἐμφορησαμένουσ μανιώδεισ γίνεσθαι, καὶ ταῖσ βακτηρίαισ ξυλίναισ χρωμένουσ ταύταισ ἀλλήλουσ τύπτειν. διὸ καὶ τινῶν μὲν τραυματιζομένων, τινῶν δὲ καὶ τελευτώντων ἐκ τῶν καιρίων τραυμάτων, προσκόψαντα τὸν Διόνυσον ταῖσ τοιαύταισ περιστάσεσι τὸ μὲν ἀποστῆσαι τοῦ πίνειν δαψιλῆ τὸν ἄκρατον ἀποδοκιμάσαι διὰ τὴν ἡδονὴν τοῦ ποτοῦ, καταδεῖξαι δὲ νάρθηξι χρῆσθαι καὶ μὴ ξυλίναισ βακτηρίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 4

(디오도로스 시켈로스, Bibliotheca Historica, book 4, chapter 4)

상위

목록

SEARCH

MENU NAVIGATION