헬라어 문장 검색 - Διοδορ́Βιβλιοτ́4́04́

(디오도로스 시켈로스, Bibliotheca Historica, book 4, chapter 3)

στρατεύσαντα δ’ εἰσ τὴν Ἰνδικὴν τριετεῖ χρόνῳ τὴν ἐπάνοδον εἰσ τὴν Βοιωτίαν ποιήσασθαι, κομίζοντα μὲν λαφύρων ἀξιόλογον πλῆθοσ, καταγαγεῖν δὲ πρῶτον τῶν ἁπάντων θρίαμβον ἐπ’ ἐλέφαντοσ Ἰνδικοῦ. καὶ τοὺσ μὲν Βοιωτοὺσ καὶ τοὺσ ἄλλουσ Ἕλληνασ καὶ Θρᾷκασ ἀπομνημονεύοντασ τῆσ κατὰ τὴν Ἰνδικὴν στρατείασ καταδεῖξαι τὰσ τριετηρίδασ θυσίασ Διονύσῳ, καὶ τὸν θεὸν νομίζειν κατὰ τὸν χρόνον τοῦτον ποιεῖσθαι τὰσ παρὰ τοῖσ ἀνθρώποισ ἐπιφανείασ.

διὸ καὶ παρὰ πολλαῖσ τῶν Ἑλληνίδων πόλεων διὰ τριῶν ἐτῶν βακχεῖά τε γυναικῶν ἀθροίζεσθαι, καὶ ταῖσ παρθένοισ νόμιμον εἶναι θυρσοφορεῖν καὶ συνενθουσιάζειν εὐαζούσαισ καὶ τιμώσαισ τὸν θεόν·

τὰσ δὲ γυναῖκασ κατὰ συστήματα θυσιάζειν τῷ θεῷ καὶ βακχεύειν καὶ καθόλου τὴν παρουσίαν ὑμνεῖν τοῦ Διονύσου, μιμουμένασ τὰσ ἱστορουμένασ τὸ παλαιὸν παρεδρεύειν τῷ θεῷ μαινάδασ. κολάσαι δ’ αὐτὸν πολλοὺσ μὲν καὶ ἄλλουσ κατὰ πᾶσαν τὴν οἰκουμένην τοὺσ δοκοῦντασ ἀσεβεῖν, ἐπιφανεστάτουσ δὲ Πενθέα καὶ Λυκοῦργον.

τῆσ δὲ κατὰ τὸν οἶνον εὑρέσεωσ καὶ δωρεᾶσ κεχαρισμένησ τοῖσ ἀνθρώποισ καθ’ ὑπερβολὴν διά τε τὴν ἡδονὴν τὴν ἐκ τοῦ ποτοῦ καὶ διὰ τὸ τοῖσ σώμασιν εὐτονωτέρουσ γίνεσθαι τοὺσ τὸν οἶνον πίνοντασ, φασὶν ἐπὶ τὸ δεῖπνον, ὅταν ἄκρατοσ οἶνοσ ἐπιδιδῶται, προσεπιλέγειν ἀγαθοῦ δαίμονοσ· ὅταν δὲ μετὰ τὸ δεῖπνον διδῶται κεκραμένοσ ὕδατι, Διὸσ σωτῆροσ ἐπιφωνεῖν. τὸν γὰρ οἶνον ἄκρατον μὲν πινόμενον μανιώδεισ διαθέσεισ ἀποτελεῖν, τοῦ δ’ ἀπὸ Διὸσ ὄμβρου μιγέντοσ τὴν μὲν τέρψιν καὶ τὴν ἡδονὴν μένειν, τὸ δὲ τῆσ μανίασ καὶ παραλύσεωσ βλάπτον διορθοῦσθαι. καθόλου δὲ μυθολογοῦσι τῶν θεῶν μεγίστησ ἀποδοχῆσ τυγχάνειν παρ’ ἀνθρώποισ τοὺσ ταῖσ εὐεργεσίαισ ὑπερβαλομένουσ κατὰ τὴν εὑρ́εσιν τῶν ἀγαθῶν Διόνυσόν τε καὶ Δήμητραν, τὸν μὲν τοῦ προσηνεστάτου ποτοῦ γενόμενον εὑρετήν, τὴν δὲ τῆσ ξηρᾶσ τροφῆσ τὴν κρατίστην παραδοῦσαν τῷ γένει τῶν ἀνθρώπων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 3

(디오도로스 시켈로스, Bibliotheca Historica, book 4, chapter 3)

상위

목록

SEARCH

MENU NAVIGATION