헬라어 문장 검색 - ΗεροδόΤηεΗιστ́2́147́

(헤로도토스, The Histories, book 2, chapter 141)

μετὰ δὲ τοῦτον βασιλεῦσαι τὸν ἱρέα τοῦ Ἡφαίστου, τῷ οὔνομα εἶναι Σεθῶν· τὸν ἐν ἀλογίῃσι ἔχειν παραχρησάμενον τῶν μαχίμων Αἰγυπτίων ὡσ οὐδὲν δεησόμενον αὐτῶν, ἄλλα τε δὴ ἄτιμα ποιεῦντα ἐσ αὐτούσ, καί σφεασ ἀπελέσθαι τὰσ ἀρούρασ· τοῖσι ἐπὶ τῶν προτέρων βασιλέων δεδόσθαι ἐξαιρέτουσ ἑκάστῳ δυώδεκα ἀρούρασ. μετὰ δὲ ἐπ’ Αἴγυπτον ἐλαύνειν στρατὸν μέγαν Σαναχάριβον βασιλέα Ἀραβίων τε καὶ Ἀσσυρίων·

οὔκων δὴ ἐθέλειν τοὺσ μαχίμουσ τῶν Αἰγυπτίων βοηθέειν. τὸν δ’ ἱρέα ἐσ ἀπορίην ἀπειλημένον ἐσελθόντα ἐσ τὸ μέγαρον πρὸσ τὤγαλμα ἀποδύρεσθαι οἱᾶ κινδυνεύει παθεῖν.

ὀλοφυρόμενον δ’ ἄρα μιν ἐπελθεῖν ὕπνον, καί οἱ δόξαι ἐν τῇ ὄψι ἐπιστάντα τὸν θεὸν θαρσύνειν ὡσ οὐδὲν πείσεται ἄχαρι ἀντιάζων τὸν Ἀραβίων στρατόν· αὐτὸσ γάρ οἱ πέμψειν τιμωρούσ. τούτοισι δή μιν πίσυνον τοῖσι ἐνυπνίοισι, παραλαβόντα Αἰγυπτίων τοὺσ βουλομένουσ οἱ ἕπεσθαι, στρατοπεδεύσασθαι ἐν Πηλουσίῳ·

ταύτῃ γὰρ εἰσὶ αἱ ἐσβολαί· ἕπεσθαι δέ οἱ τῶν μαχίμων μὲν οὐδένα ἀνδρῶν, καπήλουσ δὲ καὶ χειρώνακτασ καὶ ἀγοραίουσ ἀνθρώπουσ. ἐνθαῦτα ἀπικομένοισι τοῖσι ἐναντίοισι αὐτοῖσι ἐπιχυθέντασ νυκτὸσ μῦσ ἀρουραίουσ κατὰ μὲν φαγεῖν τοὺσ φαρετρεῶνασ αὐτῶν κατὰ δὲ τὰ τόξα, πρὸσ δὲ τῶν ἀσπίδων τὰ ὄχανα, ὥστε τῇ ὑστεραίῃ φευγόντων σφέων γυμνῶν πεσεῖν πολλούσ.

καὶ νῦν οὗτοσ ὁ βασιλεὺσ ἕστηκε ἐν τῷ ἱρῷ τοῦ Ἡφαίστου λίθινοσ, ἔχων ἐπὶ τῆσ χειρὸσ μῦν, λέγων διὰ γραμμάτων τάδε·

"ἐσ ἐμέ τισ ὁρέων εὐσεβὴσ ἔστω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 141

(헤로도토스, The Histories, book 2, chapter 141)

상위

목록

SEARCH

MENU NAVIGATION