헬라어 문장 검색 - ΗεροδόΤηεΗιστ́2́139́

(헤로도토스, The Histories, book 2, chapter 133)

μετὰ δὲ τῆσ θυγατρὸσ τὸ πάθοσ δεύτερα τούτῳ τῷ βασιλέι τάδε γενέσθαι· ἐλθεῖν οἱ μαντήιον ἐκ Βουτοῦσ πόλιοσ ὡσ μέλλοι ἓξ ἔτεα μοῦνον βιοὺσ τῷ ἑβδόμῳ τελευτήσειν. τὸν δὲ δεινὸν ποιησάμενον πέμψαι ἐσ τὸ μαντήιον τῷ θεῷ ὀνείδισμα, ἀντιμεμφόμενον ὅτι ὁ μὲν αὐτοῦ πατὴρ καὶ πάτρωσ, ἀποκληίσαντεσ τὰ ἱρὰ καὶ θεῶν οὐ μεμνημένοι ἀλλὰ καὶ τοὺσ ἀνθρώπουσ φθείροντεσ, ἐβίωσαν χρόνον ἐπὶ πολλόν, αὐτὸσ δ’ εὐσεβὴσ ἐὼν μέλλοι ταχέωσ οὕτω τελευτήσειν.

ἐκ δὲ τοῦ χρηστηρίου αὐτῷ δεύτερα ἐλθεῖν λέγοντα τούτων εἵνεκα καὶ συνταχύνειν αὐτὸν τὸν βίον·

οὐ γὰρ ποιῆσαί μιν τὸ χρεὸν ἦν ποιέειν· δεῖν γὰρ Αἴγυπτον κακοῦσθαι ἐπ’ ἔτεα πεντήκοντά τε καὶ ἑκατόν, καὶ τοὺσ μὲν δύο τοὺσ πρὸ ἐκείνου γενομένουσ βασιλέασ μαθεῖν τοῦτο, κεῖνον δὲ οὔ. ταῦτα ἀκούσαντα τὸν Μυκερῖνον, ὡσ κατακεκριμένων ἤδη οἱ τούτων, λύχνα ποιησάμενον πολλά, ὅκωσ γίνοιτο νύξ, ἀνάψαντα αὐτὰ πίνειν τε καὶ εὐπαθέειν, οὔτε ἡμέρησ οὔτε νυκτὸσ ἀνιέντα, ἔσ τε τὰ ἕλεα καὶ τὰ ἄλσεα πλανώμενον καὶ ἵνα πυνθάνοιτο εἶναι ἐνηβητήρια ἐπιτηδεότατα.

ταῦτα δὲ ἐμηχανᾶτο θέλων τὸ μαντήιον ψευδόμενον ἀποδέξαι, ἵνα οἱ δυώδεκα ἔτεα ἀντὶ ἓξ ἐτέων γένηται, αἱ νύκτεσ ἡμέραι ποιεύμεναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 133

(헤로도토스, The Histories, book 2, chapter 133)

상위

목록

SEARCH

MENU NAVIGATION