헬라어 문장 검색 - ΗεροδόΤηεΗιστ́2́102́

(헤로도토스, The Histories, book 2, chapter 102)

παραμειψάμενοσ ὦν τούτουσ τοῦ ἐπὶ τούτοισι γενομένου βασιλέοσ, τῷ οὔνομα ἦν Σέσωστρισ, τούτου μνήμην ποιήσομαι· τὸν ἔλεγον οἱ ἱρέεσ πρῶτον μὲν πλοίοισι μακροῖσι ὁρμηθέντα ἐκ τοῦ Ἀραβίου κόλπου τοὺσ παρὰ τὴν Ἐρυθρὴν θάλασσαν κατοικημένουσ καταστρέφεσθαι, ἐσ ὃ πλέοντά μιν πρόσω ἀπικέσθαι ἐσ θάλασσαν οὐκέτι πλωτὴν ὑπὸ βραχέων.

ἐνθεῦτεν δὲ ὡσ ὀπίσω ἀπίκετο ἐσ Αἴγυπτον, κατὰ τῶν ἱρέων τὴν φάτιν, πολλὴν στρατιὴν τῶν λαβὼν ἤλαυνε διὰ τῆσ ἠπείρου, πᾶν ἔθνοσ τὸ ἐμποδὼν καταστρεφόμενοσ.

ὁτέοισι μέν νυν αὐτῶν ἀλκίμοισι ἐνετύγχανε καὶ δεινῶσ γλιχομένοισι περὶ τῆσ ἐλευθερίησ, τούτοισι μὲν στήλασ ἐνίστη ἐσ τὰσ χώρασ διὰ γραμμάτων λεγούσασ τό τε ἑωυτοῦ οὔνομα καὶ τῆσ πάτρησ, καὶ ὡσ δυνάμι τῇ ἑωυτοῦ κατεστρέψατο σφέασ·

ὅτεων δὲ ἀμαχητὶ καὶ εὐπετέωσ παρέλαβε τὰσ πόλιασ, τούτοισι δὲ ἐνέγραφε ἐν τῇσι στήλῃσι κατὰ ταὐτὰ καὶ τοῖσι ἀνδρηίοισι τῶν ἐθνέων γενομένοισι, καὶ δὴ καὶ αἰδοῖα γυναικὸσ προσενέγραφε, δῆλα βουλόμενοσ ποιέειν ὡσ εἰήσαν ἀνάλκιδεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 102

(헤로도토스, The Histories, book 2, chapter 102)

상위

목록

SEARCH

MENU NAVIGATION