헬라어 문장 검색 - ΗεροδόΤηεΗιστ́2́037́

(헤로도토스, The Histories, book 2, chapter 37)

θεοσεβέεσ δὲ περισσῶσ ἐόντεσ μάλιστα πάντων ἀνθρώπων νόμοισι τοιοῖσιδε χρέωνται. ἐκ χαλκέων ποτηρίων πίνουσι, διασμῶντεσ ἀνὰ πᾶσαν ἡμέρην, οὐκ ὃ μὲν ὃ δ’ οὔ, ἀλλὰ πάντεσ. εἵματα δὲ λίνεα φορέουσι αἰεὶ νεόπλυτα, ἐπιτηδεύοντεσ τοῦτο μάλιστα, τά τε αἰδοῖα περιτάμνονται καθαρειότητοσ εἵνεκεν, προτιμῶντεσ καθαροὶ εἶναι ἢ εὐπρεπέστεροι.

οἱ δὲ ἱρέεσ ξυρῶνται πᾶν τὸ σῶμα διὰ τρίτησ ἡμέρησ, ἵνα μήτε φθεὶρ μήτε ἄλλο μυσαρὸν μηδὲν ἐγγίνηταί σφι θεραπεύουσι τοὺσ θεούσ. ἐσθῆτα δὲ φορέουσι οἱ ἱρέεσ λινέην μούνην καὶ ὑποδήματα βύβλινα·

ἄλλην δέ σφι ἐσθῆτα οὐκ ἔξεστι λαβεῖν οὐδὲ ὑποδήματα ἄλλα. λοῦνται δὲ δὶσ τῆσ ἡμέρησ ἑκάστησ ψυχρῷ καὶ δὶσ ἑκάστησ νυκτόσ, ἄλλασ τε θρησκηίασ ἐπιτελέουσι μυρίασ ὡσ εἰπεῖν λόγῳ. πάσχουσι δὲ καὶ ἀγαθὰ οὐκ ὀλίγα·

οὔτε τι γὰρ τῶν οἰκηίων τρίβουσι οὔτε δαπανῶνται, ἀλλὰ καὶ σιτία σφι ἐστὶ ἱρὰ πεσσόμενα, καὶ κρεῶν βοέων καὶ χηνέων πλῆθόσ τι ἑκάστῳ γίνεται πολλὸν ἡμέρησ ἑκάστησ, δίδοται δέ σφι καὶ οἶνοσ ἀμπέλινοσ· ἰχθύων δὲ οὔ σφι ἔξεστι πάσασθαι. κυάμουσ δὲ οὔτε τι μάλα σπείρουσι Αἰγύπτιοι ἐν τῇ χώρῃ, τούσ τε γινομένουσ οὔτε τρώγουσι οὔτε ἕψοντεσ πατέονται, οἱ δὲ δὴ ἱρέεσ οὐδὲ ὁρέοντεσ ἀνέχονται, νομίζοντεσ οὐ καθαρὸν εἶναί μιν ὄσπριον.

ἱρᾶται δὲ οὐκ εἷσ ἑκάστου τῶν θεῶν ἀλλὰ πολλοί, τῶν εἷσ ἐστι ἀρχιερεύσ· ἐπεὰν δέ τισ ἀποθάνῃ, τούτου ὁ παῖσ ἀντικατίσταται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 37

(헤로도토스, The Histories, book 2, chapter 37)

상위

목록

SEARCH

MENU NAVIGATION