헬라어 문장 검색 - ΗεροδόΤηεΗιστ́2́028́

(헤로도토스, The Histories, book 2, chapter 28)

ταῦτα μέν νυν ἔστω ὡσ ἔστι τε καὶ ὡσ ἀρχὴν ἐγένετο· τοῦ δὲ Νείλου τὰσ πηγὰσ οὔτε Αἰγυπτίων οὔτε Λιβύων οὔτε Ἑλλήνων τῶν ἐμοὶ ἀπικομένων ἐσ λόγουσ οὐδεὶσ ὑπέσχετο εἰδέναι, εἰ μὴ ἐν Αἰγύπτῳ ἐν Σάι πόλι ὁ γραμματιστὴσ τῶν ἱρῶν χρημάτων τῆσ Ἀθηναίησ. οὗτοσ δ’ ἔμοιγε παίζειν ἐδόκεε φάμενοσ εἰδέναι ἀτρεκέωσ·

ἔλεγε δὲ ὧδε, εἶναι δύο ὄρεα ἐσ ὀξὺ τὰσ κορυφὰσ ἀπηγμένα, μεταξὺ Συήνησ τε πόλιοσ κείμενα τῆσ Θηβαί̈δοσ καὶ Ἐλεφαντίνησ, οὐνόματα δὲ εἶναι τοῖσι ὄρεσι τῷ μὲν Κρῶφι τῷ δὲ Μῶφι· τὰσ ὦν δὴ πηγὰσ τοῦ Νείλου ἐούσασ ἀβύσσουσ ἐκ τοῦ μέσου τῶν ὀρέων τούτων ῥέειν, καὶ τὸ μὲν ἥμισυ τοῦ ὕδατοσ ἐπ’ Αἰγύπτου ῥέειν καὶ πρὸσ βορέην ἄνεμον, τὸ δ’ ἕτερον ἥμισυ ἐπ’ Αἰθιοπίησ τε καὶ νότου.

ὡσ δὲ ἄβυσσοι εἰσι αἱ πηγαί, ἐσ διάπειραν ἔφη τούτου Ψαμμήτιχον Αἰγύπτου βασιλέα ἀπικέσθαι·

πολλέων γὰρ αὐτὸν χιλιάδων ὀργυιέων πλεξάμενον κάλον κατεῖναι ταύτῃ καὶ οὐκ ἐξικέσθαι ἐσ βυσσόν. οὕτω μὲν δὴ ὁ γραμματιστήσ, εἰ ἄρα ταῦτα γινόμενα ἔλεγε, ἀπέφαινε, ὡσ ἐμὲ κατανοέειν, δίνασ τινὰσ ταύτῃ ἐούσασ ἰσχυρὰσ καὶ παλιρροίην, οἱᾶ δὲ ἐμβάλλοντοσ τοῦ ὕδατοσ τοῖσι ὄρεσι, μὴ δύνασθαι κατιεμένην καταπειρητηρίην ἐσ βυσσὸν ἰέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 28

(헤로도토스, The Histories, book 2, chapter 28)

상위

목록

SEARCH

MENU NAVIGATION