헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 86)

Πτολεμαῖοσ δὲ κρατῶν τῶν ὑπαίθρων Σιδῶνα μὲν προσηγάγετο, τῆσ δὲ Τύρου πλησίον στρατοπεδεύσασ παρεκάλεσεν Ἀνδρόνικον τὸν φρούραρχον παραδοῦναι τὴν πόλιν καὶ δωρείασ τε καὶ τιμὰσ ἁδρὰσ ἐπηγγείλατο δοῦναι. ὁ δὲ φήσασ μηδενὶ τρόπῳ προδώσειν τὴν δεδομένην ὑπ’ Ἀντιγόνου καὶ Δημητρίου πίστιν, ἐλοιδόρησε φορτικῶσ τὸν Πτολεμαῖον.

ὕστερον δὲ στασιασάντων τῶν στρατιωτῶν ἐκπεσὼν ἐκ Τύρου καὶ γενόμενοσ ὑποχείριοσ προσεδόκα μὲν τιμωρίασ τεύξεσθαι διά τε τὴν γενομένην λοιδορίαν καὶ διὰ τὸ μὴ βεβουλῆσθαι τὴν Τύρον παραδοῦναι· οὐ μὴν ὅ γε Πτολεμαῖοσ ἐμνησικάκησεν, ἀλλὰ τοὐναντίον δοὺσ δωρεὰσ εἶχε περὶ αὑτόν, ἕνα τῶν φίλων ποιησάμενοσ καὶ προάγων ἐντίμωσ. ἦν γὰρ ὁ δυνάστησ οὗτοσ καθ’ ὑπερβολὴν ἐπιεικὴσ καὶ συγγνωμονικόσ, ἔτι δ’ εὐεργετικόσ.

ὅπερ καὶ μάλιστ’ αὐτὸν ηὔξησε καὶ πολλοὺσ ἐποίησεν ἐπιθυμεῖν κοινωνῆσαι τῆσ φιλίασ. καὶ γὰρ τὸν Σέλευκον ἐκ τῆσ Βαβυλωνίασ ἐκπεσόντα φιλοτίμωσ ὑπεδέξατο καὶ κοινὴν παρείχετο τούτῳ τε καὶ τοῖσ ἄλλοισ φίλοισ τὴν περὶ αὐτὸν εὐδαιμονίαν.

διὸ καὶ τότε παρακαλοῦντοσ αὐτὸν Σελεύκου δοῦναι στρατιώτασ τοὺσ ἀναβησομένουσ εἰσ Βαβυλῶνα προθύμωσ ὡμολόγησε καὶ προσεπηγγείλατο πάντα συμπράξειν μέχρι ἀνακτήσαιτο τὴν προϋπάρχουσαν σατραπείαν.

καὶ τὰ μὲν κατὰ τὴν Ἀσίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 86

(디오도로스 시켈로스, Bibliotheca Historica, Books XVIII-XX, book 19, chapter 86)

상위

목록

SEARCH

MENU NAVIGATION