헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 73)

τῶν δὲ κατὰ τοῦτον τὸν ἐνιαυτὸν πράξεων τέλοσ ἐχουσῶν Ἀθήνησι μὲν παρέλαβε τὴν ἀρχὴν Θεόφραστοσ, ἐν Ῥώμῃ δ’ ὕπατοι κατεστάθησαν Μάρκοσ Πόπλιοσ καὶ Γάιοσ Σουλπίκιοσ. ἐπὶ δὲ τούτων Καλλαντιανοὶ κατοικοῦντεσ ἐν τοῖσ ἐν ἀριστερᾷ μέρεσι τοῦ Πόντου καὶ φρουρὰν ἔχοντεσ παρὰ Λυσιμάχου ταύτην ἐξέβαλον καὶ τῆσ αὐτονομίασ ἀντείχοντο. ὡσαύτωσ δὲ τήν τε τῶν Ἰστριανῶν πόλιν καὶ τὰσ ἄλλασ τὰσ πλησιοχώρουσ·

ἐλευθερώσαντεσ συνέθεντο συμμαχίαν ὡσ κοινῇ πολεμεῖν τῷ δυνάστῃ· προσελάβοντο δ’ εἰσ τὴν φιλίαν τῶν τε Θρᾳκῶν καὶ Σκυθῶν τοὺσ ὁμοροῦντασ, ὥστε τὸ πᾶν εἶναι σύστημα βάροσ ἔχον καὶ δυνάμενον ἁδραῖσ δυνάμεσιν ἀντιτάσσεσθαι. ὁ δὲ Λυσίμαχοσ πυθόμενοσ τὰ πεπραγμένα μετὰ τῆσ δυνάμεωσ ὡρ́μησεν ἐπὶ τοὺσ ἀφεστηκότασ.

ποιούμενοσ δὲ τὴν πορείαν διὰ τῆσ Θρᾴκησ καὶ τὸν Αἷμον ὑπερβαλὼν κατεστρατοπέδευσε πλησίον τῆσ Ὀδησσοῦ. πολιορκίαν δὲ συστησάμενοσ ταχὺ τοὺσ ἔνδον κατεπλήξατο καὶ δι’ ὁμολογίασ παρέλαβε τὴν πόλιν. μετὰ δὲ ταῦτα τῷ παραπλησίῳ τρόπῳ τοὺσ Ἰστριανοὺσ ἀνακτησάμενοσ ἀνέζευξεν ἐπὶ Καλλαντιανούσ.

καθ’ ὃν δὴ χρόνον ἧκον οἵ τε Σκύθαι καὶ Θρᾷκεσ σὺν πολλῇ δυνάμει βοηθήσοντεσ τοῖσ συμμάχοισ κατὰ τὰσ συνθήκασ. οἷσ ἀπαντήσασ Λυσίμαχοσ καὶ συμβαλὼν ἐξ ἐφόδου τοὺσ μὲν Θρᾷκασ καταπληξάμενοσ ἔπεισε μεταθέσθαι, τοὺσ δὲ Σκύθασ ἐκ παρατάξεωσ νικήσασ καὶ πολλοὺσ ἀνελὼν τούτων μὲν τοὺσ ὑπολειφθέντασ ἐδίωξεν ἐκτὸσ τῶν ὁρ́ων, τὴν δὲ τῶν Καλλαντιανῶν πόλιν περιστρατοπεδεύσασ συνεστήσατο πολιορκίαν, φιλοτιμούμενοσ ἐκ παντὸσ τρόπου κολάσαι τοὺσ αἰτίουσ τῆσ ἀποστάσεωσ.

περὶ ταῦτα δ’ ὄντοσ αὐτοῦ παρῆσάν τινεσ ἀπαγγέλλοντεσ ὅτι δύο δυνάμεισ ἀπέσταλκεν Ἀντίγονοσ ἐπὶ βοήθειαν τοῖσ Καλλαντιανοῖσ, τὴν μὲν πεζῇ, τὴν δὲ κατὰ θάλασσαν, καὶ διότι τῷ μὲν στόλῳ Λύκων ὁ στρατηγὸσ παραπέπλευκεν εἰσ τὸν Πόντον, Παυσανίασ δ’ ἔχων οὐκ ὀλίγουσ στρατιώτασ περὶ τὸ καλούμενον Ιἑρὸν κατεστρατοπέδευσεν.

ἐφ’ οἷσ ὁ Λυσίμαχοσ διαταραχθεὶσ ἐπὶ μὲν τῆσ πολιορκίασ ἀπέλιπεν τοὺσ ἱκανοὺσ στρατιώτασ, τὸ δὲ κράτιστον τῆσ δυνάμεωσ ἀναλαβὼν αὐτὸσ ἠπείγετο, σπεύδων συνάψαι τοῖσ πολεμίοισ.

παραγενόμενοσ δὲ ἐπὶ τὴν κατὰ τὸν Αἷμον ὑπερβολὴν εὑρ͂ε Σεύθην τὸν βασιλέα τῶν Θρᾳκῶν ἀφεστηκότα πρὸσ Ἀντίγονον μετὰ πολλῶν στρατιωτῶν φυλάσσοντα τὰσ παρόδουσ.

συνάψασ δ’ αὐτῷ μάχην ἐφ’ ἱκανὸν χρόνον τῶν τε ἰδίων ἀπέβαλεν οὐκ ὀλίγουσ καὶ τῶν πολεμίων ἀνελὼν παμπληθεῖσ ἐβιάσατο τοὺσ βαρβάρουσ.

ἐπιφανεὶσ δὲ καὶ τοῖσ περὶ τὸν Παυσανίαν καὶ καταλαβὼν αὐτοὺσ εἰσ δυσχωρίασ συμπεφευγότασ ταύτασ τ’ ἐξεπολιόρκησε καὶ Παυσανίαν ἀνελὼν τῶν στρατιωτῶν οὓσ μὲν ἐλύτρωσεν, οὓσ δὲ εἰσ τὰσ ἰδίασ τάξεισ διένειμεν.

τὰ μὲν οὖν περὶ Λυσίμαχον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 73

(디오도로스 시켈로스, Bibliotheca Historica, Books XVIII-XX, book 19, chapter 73)

상위

목록

SEARCH

MENU NAVIGATION