헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 69)

Ἀντίγονοσ δ’ ὁρῶν τὸν Κάσανδρον ἀντεχόμενον τῆσ Ἀσίασ Δημήτριον μὲν τὸν υἱὸν ἀπέλιπεν ἐν τῇ Συρίᾳ, προστάξασ ἐνεδρεύειν τοὺσ περὶ Πτολεμαῖον, οὓσ ὑπώπτευεν ἐκ τῆσ Αἰγύπτου προάξειν μετὰ δυνάμεωσ ἐπὶ Συρίασ, συναπέλιπε δ’ αὐτῷ πεζοὺσ μὲν ξένουσ μυρίουσ, Μακεδόνασ δὲ δισχιλίουσ, Λυκίουσ δὲ καὶ Παμφυλίουσ πεντακοσίουσ, Πέρσασ δὲ τοξότασ καὶ σφενδονήτασ τετρακοσίουσ, ἱππεῖσ δὲ πεντακισχιλίουσ, ἐλέφαντασ δὲ πλείουσ τῶν τεσσαράκοντα. παρακατέστησε δ’ αὐτῷ καὶ συμβούλουσ τέσσαρασ, Νέαρχόν τε τὸν Κρῆτα καὶ Πίθωνα τὸν Ἀγήνοροσ, ὃσ καταβεβήκει πρότερον ὀλίγαισ ἡμέραισ ἐκ Βαβυλῶνοσ, πρὸσ δὲ τούτοισ Ἀνδρόνικόν τε τὸν Ὀλύνθιον καὶ Φίλιππον, ἄνδρασ πρεσβυτέρουσ καὶ συνεστρατευκότασ Ἀλεξάνδρῳ πᾶσαν τὴν στρατείαν· ἦν γὰρ Δημήτριοσ ἔτι νέοσ τὴν ἡλικίαν, ὡσ ἂν γεγονὼσ ἔτη δύο πρὸσ τοῖσ εἴκοσιν. αὐτὸσ δὲ τὴν ἄλλην δύναμιν ἀνέλαβε καὶ τὸ μὲν πρῶτον ὑπερβάλλων τὸν Ταῦρον καὶ περιπεσὼν χιόνι πολλῇ συχνοὺσ ἀπέβαλε τῶν στρατιωτῶν.

διὸ καὶ πάλιν ἀναστρέψασ εἰσ τὴν Κιλικίαν καὶ μεταλαβὼν ἕτερον καιρὸν διεξῆλθε μὲν ἀσφαλέστερον τὸ προειρημένον ὄροσ, παραγενόμενοσ δ’ εἰσ Κελαινὰσ τῆσ Φρυγίασ διεῖλε τὸ στρατόπεδον εἰσ χειμασίαν. μετὰ δὲ ταῦτα τὸν στόλον ἐκ Φοινίκησ μετεπέμψατο Μηδίου ναυαρχοῦντοσ, ὃσ περιτυχὼν ταῖσ Πυδναίων ναυσίν, οὔσαισ τριάκοντα ἕξ, καὶ καταναυμαχήσασ αὐτάνδρων τῶν σκαφῶν ἐκυρίευσεν.

καὶ τὰ μὲν περὶ τὴν Ἑλλάδα καὶ τὴν Ἀσίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 69

(디오도로스 시켈로스, Bibliotheca Historica, Books XVIII-XX, book 19, chapter 69)

상위

목록

SEARCH

MENU NAVIGATION