헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 68)

ἀπαλλαγέντοσ δὲ ἐκ τῆσ Αἰτωλίασ τοῦ Κασάνδρου συστραφέντεσ τῶν Αἰτωλῶν εἰσ τρισχιλίουσ καὶ περιχαρακώσαντεσ Αγρίνιον ἐπολιόρκουν, τῶν δὲ κατοικούντων τὸ χωρίον ὁμολογίασ ποιησαμένων ὥστε τὴν μὲν πόλιν παραδοῦναι, τῆσ δ’ ἀσφαλείασ τυχόντασ αὐτοὺσ ἀπαλλαγῆναι, οὗτοι μὲν πιστεύοντεσ ταῖσ σπονδαῖσ ἀπῄεσαν, οἱ δ’ Αἰτωλοὶ παραβάντεσ τὰσ συνθήκασ καὶ καταδιώξαντεσ τοὺσ οὐδὲν ἐλπίζοντασ πείσεσθαι δεινὸν πλὴν ὀλίγων πάντασ ἀπέσφαξαν. ὁ δὲ Κάσανδροσ παραγενόμενοσ εἰσ Μακεδονίαν, καὶ πυθόμενοσ πολεμεῖσθαι τὰσ ἐν Καρίᾳ πόλεισ ὅσαι συνεμάχουν τοῖσ περὶ Πτολεμαῖον καὶ Σέλευκον, ἐξέπεμψε δύναμιν εἰσ τὴν Καρίαν, ἅμα μὲν βουλόμενοσ βοηθεῖν τοῖσ συμμάχοισ, ἅμα δὲ σπεύδων εἰσ περισπασμοὺσ ἐμβαλεῖν Ἀντίγονον, ἵνα μὴ σχολὴν ἔχῃ διαβαίνειν εἰσ τὴν Εὐρώπην.

ἔγραψε δὲ καὶ πρὸσ Δημήτριον τὸν Φαληρέα καὶ Διονύσιον τὸν φρουροῦντα τὴν Μουνυχίαν, προστάττων εἴκοσι ναῦσ εἰσ Λῆμνον ἐκπέμψαι.

ἀποστειλάντων δ’ αὐτῶν εὐθὺσ τὰ σκάφη καὶ ναύαρχον ἐπ’ αὐτῶν Ἀριστοτέλη οὗτοσ μὲν καταπλεύσασ εἰσ Λῆμνον καὶ μεταπεμψάμενοσ Σέλευκον μετὰ στόλου τοὺσ Λημνίουσ ἔπειθεν ἀποστῆναι τῶν περὶ Ἀντίγονον· οὐ προσεχόντων δ’ αὐτῶν τήν τε χώραν ἐδῄωσε καὶ τὴν πόλιν περιχαρακώσασ ἐπολιόρκει. μετὰ δὲ ταῦτα Σέλευκοσ μὲν ἀπέπλευσεν εἰσ Κῶν, Διοσκουρίδησ δὲ κατασταθεὶσ ναύαρχοσ ὑπ’ Ἀντιγόνου, πυθόμενοσ τὸν πλοῦν Σελεύκου, κατῆρεν εἰσ Λῆμνον καὶ τὸν μὲν Ἀριστοτέλη ἐξέβαλεν ἐκ τῆσ νήσου, τῶν δὲ νεῶν τὰσ πλείουσ αὐτάνδρουσ εἷλε.

Κάσανδροσ δὲ καὶ Πρεπέλαοσ ἀφηγοῦντο μὲν τῆσ ὑπὸ Κασάνδρου πεμφθείσησ δυνάμεωσ εἰσ τὴν Καρίαν, πυθόμενοι δὲ Πτολεμαῖον τὸν Ἀντιγονου στρατηγὸν τὴν δύναμιν εἰσ παραχειμασίαν διῃρηκέναι καὶ αὐτὸν ἀσχολεῖσθαι περὶ τὴν ταφὴν τοῦ πατρόσ, Εὐπόλεμον ἀπέστειλαν ἐνεδρεῦσαι τοῖσ πολεμίοισ περὶ Κάπριμα τῆσ Καρίασ·

συνεξέπεμψαν δ’ αὐτῷ πεζοὺσ μὲν ὀκτακισχιλίουσ, ἱππεῖσ δὲ διακοσίουσ. καθ’ ὃν δὴ χρόνον Πτολεμαῖοσ παρά τινων αὐτομόλων ἀκούσασ τὴν προαίρεσιν τῶν πολεμίων ἤθροισε μὲν τῶν πλησίον χειμαζόντων στρατιωτῶν πεζοὺσ μὲν ὀκτακισχιλίουσ τριακοσίουσ, ἱππεῖσ δ’ ἑξακοσίουσ.

ἀνελπίστωσ δὲ περὶ μέσασ νύκτασ ἐπιβαλὼν τῷ χάρακι τῶν ἐναντίων καὶ καταλαβὼν ἀφυλάκτουσ καὶ κοιμωμένουσ αὐτόν τε τὸν Εὐπόλεμον ἐζώγρησε καὶ τοὺσ στρατιώτασ συνηνάγκασε παραδοῦναι σφᾶσ αὐτούσ.

τὰ μὲν οὖν συμβάντα περὶ τοὺσ ἀποσταλέντασ ὑπὸ Κασάνδρου στρατηγοὺσ εἰσ τὴν Ἀσίαν τοιαῦτ’ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 68

(디오도로스 시켈로스, Bibliotheca Historica, Books XVIII-XX, book 19, chapter 68)

상위

목록

SEARCH

MENU NAVIGATION