헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 65)

ἡμεῖσ δὲ διεληλυθότεσ τὰ πραχθέντα τῶν Ἑλλήνων τῆσ Εὐρώπησ περὶ τὴν Ἑλλάδα καὶ Μακεδονίαν ἐν μέρει διέξιμεν περὶ τῶν πρὸσ ἑσπέραν νευόντων μερῶν. Ἀγαθοκλῆσ γὰρ ὁ τῶν Συρακοσίων δυνάστησ κατέχων φρούριον τῶν Μεσσηνίων ἐπηγγείλατο λαβὼν παρ’ αὐτῶν τριάκοντα τάλαντα παραδώσειν τὸν τόπον. δόντων δὲ τῶν Μεσσηνίων τἀργύριον οὐ μόνον διεψεύσατο τοὺσ πιστεύσαντασ τῆσ ἐπαγγελίασ, ἀλλὰ καὶ τὴν Μεσσήνην αὐτὴν ἐπεχείρησε καταλαβέσθαι.

πυθόμενοσ γὰρ μέροσ τι τοῦ τείχουσ ἐν αὐτῇ πεπτωκέναι πεζῇ μὲν τοὺσ ἱππεῖσ ἀπέστειλεν ἐκ Συρακουσσῶν, αὐτὸσ δ’ ἀναλαβὼν ναῦσ ἡμιολίασ νυκτὸσ κατέπλευσε πλησίον τῆσ πόλεωσ. προαισθομένων δὲ τῶν ἐπιβουλευομένων ταύτησ μὲν τῆσ ἐπιβολῆσ ἀπέτυχεν, ἐπὶ δὲ τὰσ Μύλασ πλεύσασ καὶ πολιορκήσασ τὸ φρούριον δι’ ὁμολογίασ παρέλαβε.

καὶ τότε μὲν εἰσ Συρακούσσασ ἐχωρίσθη, κατὰ δὲ τὰσ τῶν καρπῶν συγκομιδὰσ πάλιν ἐστράτευσεν ἐπὶ τὴν Μεσσήνην. πλησίον δὲ τῆσ πόλεωσ στρατοπεδεύσασ καὶ προσβολὰσ συνεχεῖσ ποιούμενοσ οὐδὲν ἀξιόλογον ἴσχυσε βλάψαι τοὺσ πολεμίουσ·

καὶ γὰρ τῶν ἐκ Συρακουσσῶν φυγάδων πολλοὶ συνεδεδραμήκεισαν εἰσ τὴν πόλιν, οἳ καὶ διὰ τὴν ἰδίαν ἀσφάλειαν καὶ διὰ τὸ πρὸσ τὸν τύραννον μίσοσ ἐκθύμωσ ἠγωνίζοντο. καθ’ ὃν δὴ χρόνον ἧκον ἐκ Καρχηδόνοσ πρέσβεισ, οἳ τῷ μὲν Ἀγαθοκλεῖ περὶ τῶν πραχθέντων ἐπετίμησαν ὡσ παραβαίνοντι τὰσ συνθήκασ, τοῖσ δὲ Μεσσηνίοισ εἰρήνην παρεσκεύασαν καὶ τὸ φρούριον ἀναγκάσαντεσ ἀποκαταστῆσαι τὸν τύραννον ἀπέπλευσαν εἰσ τὴν Λιβύην.

ὁ δ’ Ἀγαθοκλῆσ παρελθὼν εἰσ Ἀβάκαινον πόλιν σύμμαχον, τοὺσ δοκοῦντασ ἀλλοτρίωσ ἔχειν τὰ πρὸσ αὐτὸν ἀπέσφαξεν, ὄντασ πλείουσ τῶν τεσσαράκοντα.

ἅμα δὲ τούτοισ πραττομένοισ Ῥωμαῖοι μὲν διαπολεμοῦντεσ Σαμνίταισ Φερέντην, πόλιν τῆσ Ἀπουλίασ, κατὰ κράτοσ εἷλον.

οἱ δὲ τὴν Νουκερίαν τὴν Ἀλφατέρναν καλουμένην οἰκοῦντεσ πεισθέντεσ ὑπό τινων τῆσ μὲν Ῥωμαίων φιλίασ ἀπέστησαν, πρὸσ δὲ τοὺσ Σαμνίατασ συμμαχίαν ἐποιήσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 65

(디오도로스 시켈로스, Bibliotheca Historica, Books XVIII-XX, book 19, chapter 65)

상위

목록

SEARCH

MENU NAVIGATION