헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 39)

Εὐμενὴσ δὲ τὸν προειρημένον τρόπον καταστρατηγήσασ τοὺσ πολεμίουσ μετεπέμπετο πανταχόθεν τοὺσ διερριμμένουσ τῶν στρατιωτῶν καὶ χειμάζοντασ ἐν ταῖσ κώμαισ. βαλόμενοσ δὲ χάρακα καὶ τάφρῳ βαθείᾳ τὴν παρεμβολὴν ὀχυρώσασ ὑπεδέχετο μὲν τοὺσ ἀεὶ καταντῶντασ τῶν συμμάχων, ἐπλήρωσε δὲ τὴν στρατοπεδείαν πάντων τῶν ἐπιτηδείων. ὁ δ’ Ἀντίγονοσ διελθὼν τὴν ἔρημον καὶ πυθόμενοσ παρὰ τῶν ἐγχωρίων σχεδὸν τὴν μὲν ἄλλην δύναμιν ἅπασαν συνεληλυθέναι τοῖσ περὶ τὸν Εὐμενῆ, τοὺσ δ’ ἐλέφαντασ μέλλειν ἀναζευγνύειν ἐκ τῆσ χειμασίασ καὶ πλησίον εἶναι μεμονωμένουσ πάσησ βοηθείασ, ἀπέστειλεν ἐπ’ αὐτοὺσ ἱππεῖσ λογχοφόρουσ μὲν Μήδουσ δισχιλίουσ, Ταραντίνουσ δὲ διακοσίουσ, τῶν δὲ πεζῶν τοὺσ ψιλοὺσ ἅπαντασ·

ἤλπιζε γὰρ μεμονωμένοισ τοῖσ θηρίοισ τὴν ἐπίθεσιν ποιησάμενοσ τούτων τε ῥᾳδίωσ κυριεύσειν καὶ τῶν πολεμίων παρελεῖσθαι τὸ κράτιστον μέροσ τῆσ δυνάμεωσ.

ὁ δ’ Εὐμενὴσ καταστοχασάμενοσ τὸ μέλλον ἀπέστειλεν ἐπὶ τὴν βοήθειαν ἱππεῖσ μὲν τοὺσ κρατίστουσ χιλίουσ καὶ πεντακοσίουσ, πεζοὺσ δὲ ψιλοὺσ τρισχιλίουσ. ἐπιφανέντων δὲ πρότερον τῶν Ἀντιγόνου στρατιωτῶν οἱ τῶν ἐλεφάντων ἡγεμόνεσ τάξαντεσ εἰσ πλινθίον τὰ θηρία προῆγον, ἐν μέσῳ μὲν ἀπειληφότεσ τὰ σκευοφόρα, κατὰ δὲ τὴν οὐραγίαν ἔχοντεσ συναγωνιζομένουσ ἱππεῖσ οὐ πλείουσ τετρακοσίων.

ἐπιπεσόντων δ’ αὐτοῖσ τῶν πολεμίων παντὶ τῷ βάρει καὶ βιαιότερον ἐπικειμένων οἱ μὲν ἱππεῖσ ἐτράπησαν ὑπὸ τοῦ πλήθουσ καταπονηθέντεσ, οἱ δ’ ἐπὶ τῶν ἐλεφάντων ἐφεστηκότεσ τὸ μὲν πρῶτον ἀντεῖχον καὶ διεκαρτέρουν πανταχόθεν κατατιτρωσκόμενοι, βλάψαι δ’ οὐδὲν τοὺσ πολεμίουσ δυνάμενοι.

ἤδη δ’ αὐτῶν καταπονουμένων ἀνελπίστωσ ἐπιφανέντεσ οἱ παρ’ Εὐμενοῦσ ἐξήρπασαν αὐτοὺσ ἐκ τῶν κινδύνων.

μετὰ δ’ ἡμέρασ ὀλίγασ ἐν τεσσαράκοντα σταδίοισ ἀντιστρατοπεδευουσῶν τῶν δυνάμεων ἐξέταξαν ἀμφότεροι τὸ στρατόπεδον εἰσ μάχην, ὡσ περὶ τῶν ὅλων κρίσεωσ ἐσομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 39

(디오도로스 시켈로스, Bibliotheca Historica, Books XVIII-XX, book 19, chapter 39)

상위

목록

SEARCH

MENU NAVIGATION