헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 38)

οἱ δὲ περὶ τὸν Πευκέστην πυθόμενοι κατὰ μέσην τὴν ὁδὸν ἑωρᾶσθαι τὴν στρατοπεδείαν, διέγνωσαν ἀναχωρεῖν εἰσ τοὺσ ἐσχάτουσ τόπουσ τῆσ χειμασίασ, φοβούμενοι μὴ καταληφθῶσιν ὑπὸ τῶν πολεμίων πρὶν ἢ συνελθεῖν πανταχόθεν τὴν συμμαχοῦσαν δύναμιν. ὧν ὁρῶν τὴν ἀθυμίαν Εὐμενὴσ θαρρεῖν παρεκελεύετο καὶ μένειν ἐπὶ τῶν ὁρ́ων τῆσ ἐρήμου·

εὑρηκέναι γὰρ τρόπον δἰ οὗ ποιήσει τὸν Ἀντίγονον ὕστερον ἡμέραισ τρισὶν ἢ τέτταρσι παραγενέσθαι· τούτου δὲ γενομένου τὴν μὲν ἑαυτῶν δύναμιν ῥᾳδίωσ ἀθροισθήσεσθαι, τοὺσ δὲ πολεμίουσ καταπεπονημένουσ καὶ πάντων ἐνδεεῖσ ὄντασ ὑποχειρίουσ γενήσεσθαι. πάντων δὲ θαυμασάντων τὸ παράδοξον τῆσ ἐπαγγελίασ καὶ ζητούντων μαθεῖν τί ποτ’ ἔσται τὸ δυνάμενον κωλῦσαι προάγειν τοὺσ ἐναντίουσ, προσέταξεν ἀκολουθεῖν ἑαυτῷ πάντασ τοὺσ ἡγεμόνασ μετὰ τῶν ἰδίων στρατιωτῶν, ἔχοντασ ἐν ἀγγείοισ πλείοσι πῦρ.

ἐκλεξάμενοσ δὲ τῆσ μετεώρου χώρασ τόπον ἐστραμμένον ἐπὶ τὴν ἔρημον καὶ πρὸσ τὴν ἀποθεώρησιν πανταχόθεν εὐφυῆ, σημεῖα θέμενοσ περιέλαβεν ὡσ ἂν ἑβδομήκοντα σταδίων περιφέρειαν. διελὼν δὲ τόπουσ ἑκάστῳ τῶν συνακολουθούντων συνέταξε νυκτὸσ πῦρ κάειν διαστάντασ ὡσ ἂν εἴκοσι πήχεισ καὶ κατὰ μὲν τὴν πρώτην φυλακὴν πολλὴν φλόγα ποιεῖν ὡσ ἂν ἐγρηγορότων ἔτι καὶ πρὸσ θεραπείαν καὶ δεῖπνον παρασκευαζομένων, τῆσ δὲ δευτέρασ ἐλάττω, καὶ τῆσ τρίτησ ἀπολιπεῖν ὀλίγα παντελῶσ ὥστε δοκεῖν εἶναι τοῖσ ἐξ ἀποστήματοσ θεωροῦσιν ἀληθινὴν στρατοπεδείαν. τῶν δὲ στρατιωτῶν ποιησάντων τὸ προσταχθὲν κατενόησάν τινεσ τὰ πυρὰ τῶν νεμομένων μὲν τὴν ἀπεναντίον ὀρεινήν, φίλων δ’ ὄντων Πίθωνι τῷ Μηδίασ σατράπῃ.

δόξαντεσ δὲ πρὸσ ἀλήθειαν εἶναι στρατοπεδείαν, καταδραμόντεσ εἰσ τὸ πεδίον ἀπήγγειλαν τοῖσ περὶ τὸν Ἀντίγονον καὶ Πίθωνα. οἱ δὲ διὰ τὸ παράδοξον καταπλαγέντεσ καὶ τῆσ ὁδοιπορίασ ἐπισχόντεσ ἐβουλεύοντο πῶσ χρηστέον τοῖσ προσηγγελμένοισ·

ἦν γὰρ ἐπικίνδυνον τὸ πεπονηκότασ καὶ πάντων ἐνδεεῖσ συνηγμένοισ ἤδη τοῖσ πολεμίοισ καὶ πάντων εὐποροῦσι συμβαλεῖν. ὑπολαβόντεσ δὲ προδοσίαν γεγενῆσθαι καὶ προακηκοότασ τὸ μέλλον τοὺσ πολεμίουσ ἠθροῖσθαι, τὸ μὲν ἐπ’ εὐθείασ προάγειν ἀπέγνωσαν, εἰσ δεξιὰ δὲ κλίναντεσ προῆγον ἐφ’ ἑκάτερα μέρη τῆσ οἰκουμένησ χώρασ, βουλόμενοι τὴν δύναμιν ἐκ τῆσ κακοπαθίασ ἀναλαβεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 38

(디오도로스 시켈로스, Bibliotheca Historica, Books XVIII-XX, book 19, chapter 38)

상위

목록

SEARCH

MENU NAVIGATION