헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 19)

τὴν τῶν πλοίων σπάνιν, ἀδύνατον δὲ εἶναι νομίζων τὴν διάβασιν ἀνέζευξεν ἐπὶ πόλεωσ Βαδάκησ, ἣ κεῖται παρὰ τὸν Εὔλαιον ποταμόν. οὔσησ δὲ τῆσ ὁδοιπορίασ ἐμπύρου διὰ τὸ μέγεθοσ τῶν καυμάτων διεφθάρη τε πολλὰ σώματα καὶ τὸ στρατόπεδον εἰσ ἀθυμίαν ἐνέπεσεν. οὐ μὴν ἀλλ’ ἐν τῇ προειρημένῃ πόλει μείνασ ἡμέρασ τινὰσ καὶ τὸ στρατόπεδον ἐκ τῆσ κακοπαθείασ ἀναλαβὼν ἔκρινε συμφέρειν ἀναζευγνύειν εἰσ Ἐκβάτανα τῆσ Μηδικῆσ κἀκεῖθεν ὁρμώμενοσ κατακτᾶσθαι τὰσ ἄνω σατραπείασ.

οὐσῶν δ’ ὁδῶν δύο τῶν φερουσῶν εἰσ Μηδίαν ἑκατέρᾳ προσῆν τι δυσχερέσ· ἡ μὲν γὰρ ἐπὶ Κόλωνοσ ὑπῆρχε καλὴ καὶ βασιλική, καυματώδησ δὲ καὶ μακρά, παρεκτείνουσα σχεδὸν ἐφ’ ἡμέρασ τεσσαράκοντα, ἡ δὲ διὰ τῶν Κοσσαίων ἐθνῶν χαλεπὴ μὲν καὶ στενὴ καὶ παράκρημνοσ καὶ διὰ πολεμίασ, ἔτι δὲ τῶν ἀναγκαίων σπανίζουσα, σύντομοσ δὲ καὶ κατεψυγμένη. οὐ ῥᾴδιον δ’ ἐστὶ ταύτην παρελθεῖν στρατόπεδον ἄνευ τοῦ πεῖσαι τοὺσ τὴν ὀρεινὴν οἰκοῦντασ βαρβάρουσ·

αὐτόνομοι γὰρ ὄντεσ ἐκ παλαιῶν χρόνων κατοικοῦσιν ἐν σπηλαίοισ, προσφέρονται δὲ βαλάνουσ καὶ μύκητασ, ἔτι δὲ τεταριχευμένα κρέα τῶν ἀγρίων ζῴων. τούτουσ Ἀντίγονοσ πεῖσαι μὲν ἢ δωροδοκεῖν ἀγεννὲσ ἡγεῖτο, τηλικαύτησ αὐτῷ δυνάμεωσ συνακολουθούσησ, προχειρισάμενοσ δὲ τῶν πελταστῶν τοὺσ ἐπισημοτάτουσ καὶ τοὺσ τοξότασ καὶ τοὺσ σφενδονήτασ καὶ τοὺσ ἄλλουσ ψιλοὺσ εἰσ δύο μέρη διελόμενοσ τοὺσ μὲν Νεάρχῳ παρέδωκε, προστάξασ προάγειν καὶ τὰ στενὰ καὶ τὰσ δυσχωρίασ προκαταλαμβάνεσθαι, τοὺσ δὲ ἄλλουσ παρ’ ὅλην τὴν ὁδὸν τάξασ αὐτὸσ μὲν μετὰ τῆσ φάλαγγοσ προῆγεν, ἐπὶ δὲ τῆσ οὐραγίασ ἔταξε Πίθωνα.

οἱ μὲν οὖν μετὰ Νεάρχου προαποσταλέντεσ ὀλίγασ μὲν σκοπὰσ προκατελάβοντο, τῶν δὲ πολλῶν καὶ μάλιστα ἀναγκαίων τόπων ὑστερήσαντεσ συχνοὺσ ἀπέβαλον καὶ μόλισ διεξέπεσαν ἐπικειμένων τῶν βαρβάρων.

οἱ δὲ περὶ τὸν Ἀντίγονον ἐπειδή ποθ’ ἧκον ἐπὶ τὰσ δυσχωρίασ, ἀβοηθήτοισ κινδύνοισ περιέπιπτον.

οἱ γὰρ ἐγχώριοι τῶν τόπων ἔμπειροι καθεστῶτεσ καὶ τοὺσ κρημνοὺσ προκατειληφότεσ ἐπεκύλιον τοῖσ ὁδοιποροῦσι πέτρασ συνεχεῖσ καὶ μεγάλασ· ἅμα δὲ καὶ τοῖσ τόξοισ πυκνοῖσ χρώμενοι κατετίτρωσκον τοὺσ μήτε ἀμύνασθαι μήτ’ ἐκκλῖναι τὰ βέλη δυναμένουσ διὰ τὴν δυσχωρίαν τῶν τόπων. κρημνώδουσ δ’ οὔσησ καὶ δυσβάτου τῆσ ὁδοῦ συνέβαινε τούσ τε ἐλέφαντασ καὶ τοὺσ ἱππεῖσ, ἔτι δὲ τοὺσ ἐν τοῖσ βαρέσιν ὅπλοισ κινδυνεύειν ἅμα καὶ πονεῖν, ἀδυνατοῦντασ ἑαυτοῖσ βοηθῆσαι.

εἰσ τοιαύτην δ’ ἀμηχανίαν συγκλεισθεὶσ Ἀντίγονοσ μετεμέλετο μὲν ἐπὶ τῷ μὴ πεισθῆναι τοῖσ περὶ Πίθωνα, συμβουλεύουσι χρημάτων πρίασθαι τὴν πάροδον·

οὐ μὴν ἀλλὰ πολλοὺσ ἀποβαλὼν καὶ τοῖσ ὅλοισ κινδυνεύσασ διεσώθη μόγισ ἐνναταῖοσ εἰσ τὴν οἰκουμένην τῆσ Μηδίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 19

(디오도로스 시켈로스, Bibliotheca Historica, Books XVIII-XX, book 19, chapter 19)

상위

목록

SEARCH

MENU NAVIGATION