헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 18)

τῶν δὲ περὶ τὸν Εὐμενῆ καὶ Πευκέστην ταῦτα διοικούντων Ἀντίγονοσ, ἐπειδὴ προάγων μετὰ τῆσ δυνάμεωσ ἧκεν εἰσ Σοῦσα τὸ βασίλειον, Σέλευκον μὲν ἀπέδειξε τῆσ χώρασ σατράπην καὶ δοὺσ αὐτῷ στρατιώτασ προσέταξε πολιορκεῖν τὴν ἄκραν ἀπειθοῦντοσ Ξενοφίλου τοῦ θησαυροφύλακοσ, αὐτὸσ δὲ μετὰ τῆσ στρατιᾶσ ἀνέζευξεν ἐπὶ τοὺσ πολεμίουσ, οὔσησ τῆσ ὁδοῦ καυματώδουσ καὶ παντελῶσ ἐπικινδύνου ξενικαῖσ δυνάμεσι διελθεῖν. διὸ καὶ τὰσ πορείασ ἠναγκάζοντο νυκτὸσ ποιεῖσθαι καὶ στρατοπεδεύεσθαι περὶ τὸν ποταμὸν πρὶν ἥλιον ἀνατέλλειν. οὐ μὴν ἠδυνήθη γε κατὰ πάντα ἄθικτοσ γενέσθαι τῶν κατὰ τὴν χώραν κακῶν, ἀλλὰ καίπερ ἐνδεχομένωσ ἅπαντα πράξασ συχνοὺσ ἀπέβαλε τῶν στρατιωτῶν διὰ τὴν ὑπερβολὴν τοῦ καύματοσ, ἅτε καὶ τῆσ ὡρ́ασ οὔσησ περὶ κυνὸσ ἀνατολάσ.

ἐπεὶ δὲ παρεγενήθη πρὸσ τὸν Κοπράτην ποταμόν, τὰ πρὸσ τὴν διάβασιν παρεσκευάζετο.

οὗτοσ δὲ ἔκ τινοσ ὀρεινῆσ ῥέων ἐξέπιπτεν εἰσ τὸν Πασιτίγριν, ὃσ ἀπεῖχε τῆσ Εὐμενοῦσ στρατοπεδείασ σταδίουσ ὀγδοήκοντα καὶ τὸ μὲν πλάτοσ εἶχεν ὡσ ἂν τεσσάρων πλέθρων, ὀξὺσ δὲ ὢν ἐν τῇ καταφορᾷ προσεδεῖτο πλοίων ἢ ζεύγματοσ. καταλαβὼν δ’ ὀλίγα πλοῖα κοντωτὰ διεβίβασεν ἐν τούτοισ τινὰσ τῶν πεζῶν, προστάξασ τάφρον ὀρύττειν καὶ χάρακα βαλομένουσ ὑποδέχεσθαι τὴν λοιπὴν δύναμιν.

Εὐμενὴσ δὲ πυθόμενοσ παρὰ τῶν κατασκόπων τὴν ἐπιβολὴν τῶν πολεμίων, διαβὰσ τὸ ζεῦγμα τοῦ Τίγριδοσ μετὰ στρατιωτῶν μὲν πεζῶν τετρακισχιλίων, ἱππέων δὲ χιλίων τριακοσίων κατέλαβε διαβεβηκότασ τῶν Ἀντιγόνου πεζοὺσ μὲν πλείουσ τῶν τρισχιλίων, ἱππεῖσ δὲ τετρακοσίουσ καὶ τῶν εἰωθότων σποράδην διαβαίνειν ἐπὶ τὰσ προνομὰσ οὐκ ἐλάττουσ ἑξακισχιλίων. ἄφνω δὲ προσπεσὼν τεθορυβημένοισ τοὺσ μὲν ἄλλουσ εὐθὺσ ἐτρέψατο, τῶν δὲ Μακεδόνων τοὺσ ὑποστάντασ τῇ βίᾳ καὶ τῷ πλήθει κατισχύσασ φυγεῖν εἰσ τὸν ποταμὸν πάντασ κατηνάγκασε.

πάντων δὲ ὁρμησάντων ἐπὶ τὰ πλοῖα ταῦτα μὲν ὑπὸ τοῦ πλήθουσ τῶν ἐπιβάντων κατεποντίσθη, τῶν δὲ διανήχεσθαι τολμησάντων οἱ πλεῖστοι μὲν ὑπὸ τοῦ ῥεύματοσ παρενεχθέντεσ διεφθάρησαν, ὀλίγοι δὲ διεσώθησαν.

οἱ δὲ ἄπειροι τοῦ κολυμβᾶν ὄντεσ τὴν αἰχμαλωσίαν τῆσ ἐν τῷ ποταμῷ τελευτῆσ προκρίναντεσ ἥλωσαν, εἰσ τετρακισχιλίουσ ὄντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 18

(디오도로스 시켈로스, Bibliotheca Historica, Books XVIII-XX, book 19, chapter 18)

상위

목록

SEARCH

MENU NAVIGATION