헬라어 문장 검색 - Διοδορ́Βιβλιοτ́4́38́

(디오도로스 시켈로스, Bibliotheca Historica, book 4, chapter 37)

μετὰ δὲ ταῦτα Φύλαντοσ τοῦ Δρυόπων βασιλέωσ δόξαντοσ εἰσ τὸ ἐν Δελφοῖσ ἱερὸν παρανενομηκέναι, στρατεύσασ μετὰ Μηλιέων τόν τε βασιλέα τῶν Δρυόπων ἀνεῖλε καὶ τοὺσ ἄλλουσ ἐκ τῆσ χώρασ ἐξαναστήσασ Μηλιεῦσι παρέδωκε τὴν χώραν· τὴν δὲ Φύλαντοσ θυγατέρα λαβὼν αἰχμάλωτον καὶ μιγεὶσ αὐτῇ υἱὸν Ἀντίοχον ἐγέννησεν. ἐτέκνωσε δὲ καὶ ἐκ τῆσ Δηιανείρασ νεωτέρουσ τοῦ Ὕλλου υἱοὺσ δύο, Γληνέα καὶ Ὁδίτην. τῶν δ’ ἐκπεσόντων Δρυόπων οἱ μὲν εἰσ τὴν Εὔβοιαν καταντήσαντεσ ἔκτισαν πόλιν Κάρυστον, οἱ δ’ εἰσ Κύπρον τὴν νῆσον πλεύσαντεσ καὶ τοῖσ ἐγχωρίοισ ἀναμιχθέντεσ ἐνταῦθα κατῴκησαν, οἱ δὲ λοιποὶ τῶν Δρυόπων καταφυγόντεσ ἐπὶ τὸν Εὐρυσθέα βοηθείασ ἔτυχον διὰ τὴν ἔχθραν τὴν πρὸσ Ἡρακλέα·

τούτου γὰρ αὐτοῖσ συνεργοῦντοσ τρεῖσ πόλεισ ᾤκισαν ἐν Πελοποννήσῳ, Ἀσίνην καὶ Ἑρμιόνην, ἔτι δ’ Ηιὄνα. μετὰ δὲ τὴν Δρυόπων ἀνάστασιν, πολέμου συνεστῶτοσ τοῖσ Δωριεῦσι τοῖσ τὴν Ἑστιαιῶτιν καλουμένην οἰκοῦσιν, ὧν ἐβασίλευεν Αἰγίμιοσ, καὶ τοῖσ Λαπίθαισ τοῖσ περὶ τὸν Ὄλυμπον ἱδρυμένοισ, ὧν ἐδυνάστευε Κόρωνοσ ὁ Καινέωσ, ὑπερεχόντων δὲ τῶν Λαπιθῶν πολὺ ταῖσ δυνάμεσιν, οἱ Δωριεῖσ κατέφυγον ἐπὶ τὸν Ἡρακλέα, καὶ σύμμαχον αὐτὸν ἐκάλεσαν ἐπὶ τρίτῳ μέρει τῆσ Δωρίδοσ χώρασ καὶ τῆσ βασιλείασ·

πείσαντεσ δὲ κοινῇ τὴν ἐπὶ τοὺσ Λαπίθασ στρατείαν ἐποιήσαντο. ὁ δ’ Ἡρακλῆσ ἔχων ἀεὶ τοὺσ μεθ’ ἑαυτοῦ στρατεύσαντασ Ἀρκάδασ, καὶ μετὰ τούτων χειρωσάμενοσ τοὺσ Λαπίθασ, αὐτόν τε τὸν βασιλέα Κόρωνον ἀνεῖλε καὶ τῶν ἄλλων τοὺσ πλείστουσ κατακόψασ ἠνάγκασεν ἐκχωρῆσαι τῆσ ἀμφισβητησίμου χώρασ. τούτων δὲ πραχθέντων, Αἰγιμίῳ μὲν τὸ ἐπιβάλλον τῆσ χώρασ τρίτον μέροσ παρέθετο καὶ παρεκελεύσατο φυλάττειν τοῖσ ἀπ’ αὐτοῦ·

ἐπανιὼν δ’ εἰσ Τραχῖνα, καὶ προκληθεὶσ ὑπὸ Κύκνου τοῦ Ἄρεοσ, τοῦτον μὲν ἀπέκτεινεν, ἐκ δὲ τῆσ Ἰτώνου πορευόμενοσ καὶ διὰ τῆσ Πελασγιώτιδοσ γῆσ βαδίζων Ὀρμενίῳ τῷ βασιλεῖ συνέμιξεν, οὗ τὴν θυγατέρα ἐμνήστευεν Ἀστυδάμειαν· οὐ προσέχοντοσ δ’ αὐτοῦ διὰ τὸ ἔχειν αὐτὸν γαμετὴν Δηιάνειραν τὴν Οἰνέωσ, στρατεύσασ ἐπ’ αὐτὸν τήν τε πόλιν εἷλε καὶ τὸν ἀπειθοῦντα βασιλέα ἀπέκτεινε, τὴν δ’ Ἀστυδάμειαν αἰχμάλωτον λαβών, καὶ μιγεὶσ αὐτῇ, Κτήσιππον υἱὸν ἐγέννησε. ταῦτα δὲ διαπραξάμενοσ ἐστράτευσεν εἰσ τὴν Οἰχαλίαν ἐπὶ τοὺσ Εὐρύτου παῖδασ, ὅτι τὴν Ιὄλην μνηστεύσασ ἀπέτυχε·

συναγωνιζομένων δ’ αὐτῷ τῶν Ἀρκάδων, τήν τε πόλιν εἷλε καὶ τοὺσ Εὐρύτου παῖδασ ἀπέκτεινε, Τοξέα καὶ Μολίονα καὶ Κλυτίον. λαβὼν δὲ καὶ τὴν Ιὄλην αἰχμάλωτον ἀπῆλθε τῆσ Εὐβοίασ ἐπὶ τὸ ἀκρωτήριον τὸ καλούμενον Κηναῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 37

(디오도로스 시켈로스, Bibliotheca Historica, book 4, chapter 37)

상위

목록

SEARCH

MENU NAVIGATION