헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 76)

κατὰ δὲ τὴν Ἰταλίαν Σαμνῖται μὲν μετὰ πολλῆσ δυνάμεωσ ἐπῄεσαν πορθοῦντεσ τῶν κατ’ Ἰταλίαν πόλεων ὅσαι τοῖσ ἐναντίοισ συνηγωνίζοντο, οἱ δ’ ὕπατοι τῶν Ῥωμαίων μετὰ στρατοπέδου παραγενόμενοι παραβοηθεῖν ἐπειρῶντο τοῖσ κινδυνεύουσιν τῶν συμμάχων. ἀντεστρατοπεδεύσαντο δὲ τοῖσ πολεμίοισ περὶ Κίνναν πόλιν καὶ ταύτην μὲν εὐθὺσ ἐρύσαντο τῶν ἐπικειμένων φόβων, μετ’ ὀλίγασ δ’ ἡμέρασ ἐκταξάντων ἀμφοτέρων τὰσ δυνάμεισ ἐγένετο μάχη καρτερὰ καὶ συχνοὶ παρ’ ἀμφοτέροισ ἔπεσον.

τὸ δὲ τέλοσ οἱ Ῥωμαῖοι βιασάμενοι κατὰ κράτοσ περιεγένοντο τῶν πολεμίων, ἐπὶ πολὺν δὲ χρόνον χρησάμενοι τῷ διωγμῷ πλείουσ τῶν μυρίων ἀνεῖλον. καὶ τῆσ μάχησ ἀγνοουμὲνησ ἔτι Καμπανοὶ μὲν καταφρονήσαντεσ τῶν Ῥωμαίων ἀπέστησαν, ὁ δὲ δῆμοσ εὐθὺσ δύναμίν τε τὴν ἱκανὴν ἐξέπεμψεν ἐπ’ αὐτοὺσ καὶ στρατηγὸν αὐτοκράτορα Γάιον Μάνιον καὶ μετ’ αὐτοῦ κατὰ τὸ πάτριον ἔθοσ Μάνιον Φούλβιον ἵππαρχον.

τούτων δὲ πλησίον τῆσ Καπύησ καταστρατοπεδευσάντων οἱ Καμπανοὶ τὸ μὲν πρῶτον ἐπεχείρουν ἀγωνίζεσθαι, μετὰ δὲ ταῦτα πυθόμενοι τὴν τῶν Σαμνιτῶν ἧτταν καὶ νομίσαντεσ πάσασ τὰσ δυνάμεισ ἥξειν ἐπ’ αὐτοὺσ διελύσαντο πρὸσ Ῥωμαίουσ·

τοὺσ γὰρ αἰτίουσ τῆσ ταραχῆσ ἐξέδωκαν, οἳ προτεθείσησ κρίσεωσ οὐ περιμείναντεσ τὴν ἀπόφασιν αὑτοὺσ ἀνεῖλαν.

αἱ δὲ πόλεισ τυχοῦσαι συγγνώμησ εἰσ τὴν προϋπάρχουσαν συμμαχίαν ἀποκατέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 76

(디오도로스 시켈로스, Bibliotheca Historica, Books XVIII-XX, book 19, chapter 76)

상위

목록

SEARCH

MENU NAVIGATION