헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 55)

τοῦ δ’ ἔτουσ τούτου διεληλυθότοσ Ἀθήνησι μὲν ἦρχε Πραξίβουλοσ, ἐν Ῥώμῃ δὲ κατέστησαν ὕπατοι Ναύτιοσ Σπόριοσ καὶ Μάρκοσ Πόπλιοσ. ἐπὶ δὲ τούτων Ἀντίγονοσ τῆσ μὲν Σουσιανῆσ ἀπέλιπε σατράπην Ἀσπίσαν, ἕνα τῶν ἐγχωρίων, αὐτὸσ δὲ τὰ χρήματα πάντα διαγνοὺσ κατακομίζειν ἐπὶ θάλασσαν, ἁμάξασ καὶ καμήλουσ παρεσκευάσατο καὶ μετὰ τῆσ δυνάμεωσ ἔχων ταῦτα προῆγεν ἐπὶ τῆσ Βαβυλωνίασ. ἐν ἡμέραισ δ’ εἴκοσι καὶ δυσὶν αὐτοῦ καταντήσαντοσ εἰσ Βαβυλῶνα Σέλευκοσ ὁ τῆσ χώρασ σατράπησ δωρεαῖσ τε βασιλικαῖσ ἐτίμησε τὸν Ἀντίγονον καὶ τὴν δύναμιν ἅπασαν εἱστίασεν.

τοῦ δ’ Ἀντιγόνου λόγουσ ἀπατοῦντοσ τῶν προσόδων οὐκ ἔφησεν ὀφείλειν ὑπὲρ ταύτησ τῆσ χώρασ ὑπέχειν εὐθύνασ, ἣν Μακεδόνεσ αὐτῷ δεδώκασι διὰ τὰσ γεγενημένασ ἐξ αὐτοῦ χρείασ Ἀλεξάνδρου ζῶντοσ.

τῆσ δὲ διαφορᾶσ καθ’ ἡμέραν αὐξομένησ ὁ Σέλευκοσ ἀναλογιζόμενοσ τὰ Πίθωνι συμβάντα περιδεὴσ ἦν μήποτε προφάσεωσ λαβόμενοσ ὁ Ἀντίγονοσ ἀνελεῖν αὐτὸν ἐπιχειρήσῃ·

ἐῴκει γὰρ τοὺσ ἐν ἀξιώμασι τῶν ἀνδρῶν ὄντασ καὶ δυναμένουσ πραγμάτων ἀντιλαμβάνεσθαι πάντασ σπεύδειν ἐκ ποδῶν ἀπαλλάσσειν. ταῦτ’ οὖν εὐλαβηθεὶσ ἐξεπήδησεν μετὰ πεντήκονθ’ ἱππέων, διανοούμενοσ εἰσ Αἴγυπτον ἀποχωρεῖν πρὸσ Πτολεμαῖον·

διεβεβόητο γὰρ ἡ τούτου χρηστότησ καὶ τὸ πρὸσ τοὺσ καταφυγόντασ ἐπ’ αὐτὸν ἐκτενὲσ καὶ φιλάνθρωπον. ὁ δ’ Ἀντίγονοσ ἀκούσασ περιχαρὴσ ἦν ἐπὶ τῷ δοκεῖν αὐτὸσ μὲν μὴ συνηναγκάσθαι προσενεγκεῖν τὰσ χεῖρασ ἀνδρὶ φίλῳ καὶ συνηγωνισμένῳ προθύμωσ, τὸν Σέλευκον δ’ αὐτὸν αὑτοῦ καταγνόντα φυγὴν παραδεδωκέναι τὴν σατραπείαν χωρὶσ ἀγώνων καὶ κινδύνων.

μετὰ δὲ ταῦτα προσελθόντων αὐτῷ τῶν Χαλδαίων καὶ προλεγόντων ὡσ, εἰ τὸν Σέλευκον ἐκ τῶν χειρῶν ἀφήσει, συμβήσεται τήν τ’ Ἀσίαν πᾶσαν ὑποχείριον γενέσθαι καὶ αὐτὸν Ἀντίγονον ἐν τῇ πρὸσ ἐκεῖνον παρατάξει καταστρέψειν τὸν βίον, μεταμεληθεὶσ τοῖσ πεπραγμένοισ ἐξέπεμψε τοὺσ διώξοντασ·

οἳ μέχρι τινὸσ ἐπακολουθήσαντεσ ἐπανῆλθον ἄπρακτοι. ὁ δ’ Ἀντίγονοσ ἐν τοῖσ ἄλλοισ καταφρονεῖν εἰωθὼσ τῶν τοιούτων προρρήσεων οὐ μετρίωσ ἐκινήθη τότε, καταπλαγεὶσ τὸ ἀξίωμα τῶν ἀνδρῶν·

μεγάλη γάρ τισ ἐμπειρία περὶ τούτουσ εἶναι δοκεῖ καὶ παρατήρησισ τῶν ἄστρων ἀκριβεστάτη. ἀποφαίνονται γὰρ πολλὰσ μυριάδασ ἐτῶν ὑπάρχειν ἐξ οὗ παρ’ αὐτοῖσ ἐστιν ἡ περὶ ταῦτα σπουδή· δοκοῦσι δὲ καὶ Ἀλεξάνδρῳ προειπεῖν ὅτι παρελθὼν εἰσ Βαβυλῶνα τελευτήσει. ὁμοίωσ δὲ τῇ περὶ Ἀλεξάνδρου προρρήσει συνέβη καὶ τὴν περὶ Σελεύκου τελεσθῆναι κατὰ τὰσ τῶν ἀνδρῶν τούτων ἀποφάσεισ·

περὶ ἧσ τὰ κατὰ μέροσ ἐροῦμεν, ὅταν ἐπὶ τοὺσ οἰκείουσ χρόνουσ ἐπιβαλώμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 55

(디오도로스 시켈로스, Bibliotheca Historica, Books XVIII-XX, book 19, chapter 55)

상위

목록

SEARCH

MENU NAVIGATION