헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 20)

τὸ δὲ στρατόπεδον διὰ τὴν συνέχειαν τῶν κακῶν καὶ τὴν ὑπερβολὴν τῆσ κακοπαθίασ ἐν αἰτίαισ εἶχε τὸν Ἀντίγονον, ὥστε φωνὰσ προϊέσθαι δυσχερεῖσ· ἐν ἡμέραισ γὰρ τεσσαράκοντα τρισὶ μεγάλοισ ἀτυχήμασι περιεπεπτώκεισαν. οὐ μὴν ἀλλὰ φιλανθρώπωσ ὁμιλήσασ τοῖσ στρατιώταισ ὁ Ἀντίγονοσ καὶ κατασκευασάμενοσ δαψιλῆ χορηγίαν πάντων τῶν ἐπιτηδείων ἀνέλαβε τὴν δύναμιν ἐκ τῆσ κακοπαθίασ. Πίθωνα δ’ ἐξαπέστειλε κελεύσασ περιελθεῖν πᾶσαν τὴν Μηδίαν καὶ συνάγειν ὡσ πλείστουσ ἱππεῖσ τε καὶ πολεμιστὰσ ἵππουσ, ἔτι δὲ ὑποζυγίων πλῆθοσ.

τῆσ δὲ χώρασ ταύτησ ἀεὶ τετραπόδων γεμούσησ ῥᾳδίωσ τὸ παραγγελθὲν συντελέσασ ὁ Πίθων ἧκεν ἄγων ἱππεῖσ μὲν δισχιλίουσ, ἵππουσ δὲ σὺν ταῖσ κατασκευαῖσ πλείουσ χιλίων, τῶν δ’ ὑποζυγίων τοσοῦτον ἀριθμὸν ὥστε δύνασθαι καθοπλίσαι πᾶν τὸ στρατόπεδον, καὶ προσέτι τάλαντα πεντακόσια τῶν βασιλικῶν χρημάτων.

ὁ δ’ Ἀντίγονοσ τοὺσ μὲν ἱππεῖσ εἰσ τάξεισ κατέστησε, τοὺσ δ’ ἵππουσ τοῖσ ἀπολωλεκόσι διαδοὺσ καὶ τὸ πλῆθοσ τῶν ὑποζυγίων διαχαρισάμενοσ ἀνεκτήσατο τὴν παρὰ τῶν στρατιωτῶν εὔνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 20

(디오도로스 시켈로스, Bibliotheca Historica, Books XVIII-XX, book 19, chapter 20)

상위

목록

SEARCH

MENU NAVIGATION