헬라어 문장 검색 - ΗεροδόΤηεΗιστ́2́131́

(헤로도토스, The Histories, book 2, chapter 125)

ἐποιήθη δὲ ὧδε αὕτη ἡ πυραμίσ· τοιαύτην τὸ πρῶτον ἐπείτε ἐποίησαν αὐτήν, ἠείρον τοὺσ ἐπιλοίπουσ λίθουσ μηχανῇσι ξύλων βραχέων πεποιημένῃσι, χαμᾶθεν μὲν ἐπὶ τὸν πρῶτον στοῖχον τῶν ἀναβαθμῶν ἀείροντεσ·

ὅκωσ δὲ ἀνίοι ὁ λίθοσ ἐπ’ αὐτόν, ἐσ ἑτέρην μηχανὴν ἐτίθετο ἑστεῶσαν ἐπὶ τοῦ πρώτου στοίχου, ἀπὸ τούτου δὲ ἐπὶ τὸν δεύτερον εἵλκετο στοῖχον ἐπ’ ἄλλησ μηχανῆσ·

ὅσοι γὰρ δὴ στοῖχοι ἦσαν τῶν ἀναβαθμῶν, τοσαῦται καὶ μηχαναὶ ἦσαν, εἴτε καὶ τὴν αὐτὴν μηχανὴν ἐοῦσαν μίαν τε καὶ εὐβάστακτον μετεφόρεον ἐπὶ στοῖχον ἕκαστον, ὅκωσ τὸν λίθον ἐξέλοιεν·

λελέχθω γὰρ ἡμῖν ἐπ’ ἀμφότερα, κατά περ λέγεται. ἐξεποιήθη δ’ ὦν τὰ ἀνώτατα αὐτῆσ πρῶτα, μετὰ δὲ τὰ ἐχόμενα τούτων ἐξεποίευν, τελευταῖα δὲ αὐτῆσ τὰ ἐπίγαια καὶ τὰ κατωτάτω ἐξεποίησαν.

σεσήμανται δὲ διὰ γραμμάτων Αἰγυπτίων ἐν τῇ πυραμίδι ὅσα ἔσ τε συρμαίην καὶ κρόμμυα καὶ σκόροδα ἀναισιμώθη τοῖσι ἐργαζομένοισι·

καὶ ὡσ ἐμὲ εὖ μεμνῆσθαι τὰ ὁ ἑρμηνεύσ μοι ἐπιλεγόμενοσ τὰ γράμματα ἔφη, ἑξακόσια καὶ χίλια τάλαντα ἀργυρίου τετελέσθαι. εἰ δ’ ἔστι οὕτω ἔχοντα ταῦτα, κόσα οἰκὸσ ἄλλα δεδαπανῆσθαι ἐστὶ ἔσ τε σίδηρον τῷ ἐργάζοντο καὶ σιτία καὶ ἐσθῆτα τοῖσι ἐργαζομένοισι, ὁκότε χρόνον μὲν οἰκοδόμεον τὰ ἔργα τὸν εἰρημένον, ἄλλον δέ, ὡσ ἐγὼ δοκέω, ἐν τῷ τοὺσ λίθουσ ἔταμνον καὶ ἦγον καὶ τὸ ὑπὸ γῆν ὄρυγμα ἐργάζοντο, οὐκ ὀλίγον χρόνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 125

(헤로도토스, The Histories, book 2, chapter 125)

상위

목록

SEARCH

MENU NAVIGATION