헬라어 문장 검색 - ΗεροδόΤηεΗιστ́2́013́

(헤로도토스, The Histories, book 2, chapter 13)

ἔλεγον δὲ καὶ τόδε μοι μέγα τεκμήριον περὶ τῆσ χώρησ ταύτησ οἱ ἱρέεσ, ὡσ ἐπὶ Μοίριοσ βασιλέοσ, ὅκωσ ἔλθοι ὁ ποταμὸσ ἐπὶ ὀκτὼ πήχεασ τὸ ἐλάχιστον, ἄρδεσκε Αἴγυπτον τὴν ἔνερθε Μέμφιοσ· καὶ Μοίρι οὔκω ἦν ἔτεα εἰνακόσια τετελευτηκότι ὅτε τῶν ἱρέων ταῦτα ἐγὼ ἤκουον. νῦν δὲ εἰ μὴ ἐπ’ ἑκκαίδεκα ἢ πεντεκαίδεκα πήχεασ ἀναβῇ τὸ ἐλάχιστον ὁ ποταμόσ, οὐκ ὑπερβαίνει ἐσ τὴν χώρην. δοκέουσί τέ μοι Αἰγυπτίων οἱ ἔνερθε λίμνησ τῆσ Μοίριοσ οἰκέοντεσ τά τε ἄλλα χωρία καὶ τὸ καλεόμενον Δέλτα, ἢν οὕτω ἡ χώρη αὕτη κατὰ λόγον ἐπιδιδῷ ἐσ ὕψοσ καὶ τὸ ὅμοιον ἀποδιδῷ ἐσ αὔξησιν, μὴ κατακλύζοντοσ αὐτὴν τοῦ Νείλου πείσεσθαι τὸν πάντα χρόνον τὸν ἐπίλοιπον Αἰγύπτιοι τὸ κοτὲ αὐτοὶ Ἕλληνασ ἔφασαν πείσεσθαι.

πυθόμενοι γὰρ ὡσ ὑέται πᾶσα ἡ χώρη τῶν Ἑλλήνων ἀλλ’ οὐ ποταμοῖσι ἄρδεται κατά περ ἡ σφετέρη, ἔφασαν Ἕλληνασ ψευσθέντασ κοτὲ ἐλπίδοσ μεγάλησ κακῶσ πεινήσειν.

τὸ δὲ ἔποσ τοῦτο ἐθέλει λέγειν ὡσ, εἰ μὴ ἐθελήσει σφι ὑείν ὁ θεὸσ ἀλλὰ αὐχμῷ διαχρᾶσθαι, λιμῷ οἱ Ἕλληνεσ αἱρεθήσονται· οὐ γὰρ δή σφι ἐστὶ ὕδατοσ οὐδεμία ἄλλη ἀποστροφὴ ὅτι μὴ ἐκ τοῦ Διὸσ μοῦνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 13

(헤로도토스, The Histories, book 2, chapter 13)

상위

목록

SEARCH

MENU NAVIGATION