헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 94)

Ἀντίγονοσ δ’ ἀκινδύνωσ ἀνακτησάμενοσ τήν τε Συρίαν πᾶσαν καὶ Φοινίκην ἐπεβάλετο στρατεύειν ἐπὶ τὴν χώραν τῶν Ἀράβων τῶν καλουμένων Ναβαταίων. κρίνασ γὰρ τὸ ἔθνοσ τοῦτο τῶν ἑαυτοῦ πραγμάτων ἀλλότριον εἶναι, προεχειρίσατο τῶν αὑτοῦ φίλων Ἀθήναιον, δοὺσ δ’ αὐτῷ πεζοὺσ μὲν εὐζώνουσ τετρακισχιλίουσ, ἱππεῖσ δὲ τοὺσ ἐπιτηδείουσ εἰσ δρόμον ἑξακοσίουσ συνέταξεν ἐπιθέσθαι τοῖσ βαρβάροισ ἄφνω καὶ τὴν λείαν πᾶσαν ἀποτεμέσθαι. χρήσιμον δ’ ἐστὶ τῶν ἀγνοούντων ἕνεκα διελθεῖν τὰ νόμιμα τῶν Ἀράβων τούτων, οἷσ χρώμενοι δοκοῦσι τὴν ἐλευθερίαν διαφυλάττειν.

ἔχουσι τοίνυν τὸν βίον ὑπαίθριον, πατρίδα καλοῦντεσ τὴν ἀοίκητον τὴν μήτε ποταμοὺσ ἔχουσαν μήτε κρήνασ δαψιλεῖσ, ἐξ ὧν δυνατὸν στρατόπεδον πολέμιον ὑδρεύσασθαι. νόμοσ δ’ ἐστὶν αὐτοῖσ μήτε σῖτον σπείρειν μήτε φυτεύειν μηδὲν φυτὸν καρποφόρον μήτε οἴνῳ χρᾶσθαι μήτε οἰκίαν κατασκευάζειν·

ὃσ δ’ ἂν παρὰ ταῦτα ποιῶν εὑρίσκηται, θάνατον αὐτῷ πρόστιμον εἶναι. χρῶνται δὲ τῷ νόμῳ τούτῳ διαλαμβάνοντεσ τοὺσ ταῦτα κτωμένουσ ἀναγκασθήσεσθαι ῥᾳδίωσ ὑπὸ τῶν δυνατῶν ἕνεκα τῆσ τούτων χρείασ ποιεῖν τὸ προστασσόμενον.

τρέφουσι δ’ αὐτῶν οἱ μὲν καμήλουσ, οἱ δὲ πρόβατα, τὴν ἔρημον ἐπινέμοντεσ. οὐκ ὀλίγων δ’ ὄντων Ἀραβικῶν ἐθνῶν τῶν τὴν ἔρημον ἐπινεμόντων οὗτοι πολὺ τῶν ἄλλων προέχουσι ταῖσ εὐπορίαισ, τὸν ἀριθμὸν ὄντεσ οὐ πολὺ πλείουσ τῶν μυρίων· εἰώθασι γὰρ αὐτῶν οὐκ ὀλίγοι κατάγειν ἐπὶ θάλασσαν λιβανωτόν τε καὶ σμύρναν καὶ τὰ πολυτελέστατα τῶν ἀρωμάτων, διαδεχόμενοι παρὰ τῶν κομιζόντων ἐκ τῆσ Εὐδαίμονοσ καλουμένησ Ἀραβίασ.

φιλελεύθεροι δέ εἰσι διαφερόντωσ καὶ ὅταν πολεμίων δύναμισ ἁδρὰ προσίῃ, φεύγουσιν εἰσ τὴν ἔρημον, ταύτῃ χρώμενοι ὀχυρώματι·

ἄνυδροσ γὰρ οὖσα τοῖσ μὲν ἄλλοισ ἀνεπίβατόσ ἐστι, τούτοισ δὲ κατεσκευακόσιν ἀγγεῖα κατὰ γῆσ ὀρυκτὰ κεκονιαμένα μόνοισ παρέχεται μὴν ἀσφάλειαν. τῆσ γὰρ γῆσ οὔσησ τῆσ μὲν ἀργελλώδουσ, τῆσ δὲ πέτραν ἐχούσησ μαλακὴν ὀρύγματα μεγάλα ποιοῦσιν ἐν αὐτῇ, ὧν τὰ μὲν στόμια μικρὰ παντελῶσ κατασκευάζουσι, κατὰ βάθουσ δ’ ἀεὶ μᾶλλον εὐρυχωρῆ ποιοῦντεσ τὸ τελευταῖον τηλικοῦτ’ ἀποτελοῦσι τὸ μέγεθοσ ὥστε γίνεσθαι πλευρὰν ἑκάστην πλέθρου.

ταῦτα δὲ τὰ ἀγγεῖα πληροῦντεσ ὕδατοσ ὀμβρίου τὰ στόματ’ ἐμφράττουσι καὶ ποιοῦντεσ ἰσόπεδον τῇ λοιπῇ χώρᾳ σημεῖα καταλείπουσιν ἑαυτοῖσ μὲν γιγνωσκόμενα, τοῖσ δ’ ἄλλοισ ἀνεπινόητα.

ποτίζουσι δὲ καὶ τὴν λείαν δι’ ἡμερῶν τριῶν, ὅπωσ ἐν ταῖσ ἀνυδρίαισ καὶ φυγαῖσ μὴ προσδέωνται συνεχῶν ὑδάτων.

αὐτοὶ δὲ χρῶνται τροφῇ κρέασι καὶ γάλακτι καὶ τῶν ἐκ τῆσ γῆσ φυομένων τοῖσ ἐπιτηδείοισ· φύεται γὰρ παρ’ αὐτοῖσ τὸ πέπερι καὶ ἀπὸ τῶν δένδρων μέλι πυλὺ τὸ καλούμενον ἄγριον, ᾧ χρῶνται ποτῷ μεθ’ ὕδατοσ.

ἔστι δὲ καὶ ἄλλα γένη τῶν Ἀράβων, ὧν ἔνια καὶ γεωργεῖ μιγνύμενα τοῖσ φορολογουμένοισ καὶ μετέχει τῶν αὐτῶν τοῖσ Σύροισ πλὴν τοῦ πατασκηνοῦν ἐν οἰκίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 94

(디오도로스 시켈로스, Bibliotheca Historica, Books XVIII-XX, book 19, chapter 94)

상위

목록

SEARCH

MENU NAVIGATION