헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 75)

βέβαιοσ ὢν φίλοσ Ἀντιγόνῳ. δοὺσ δὲ περὶ τούτων ὅμηρον Ἀγάθωνα τὸν ἀδελφὸν καὶ μετ’ ὀλίγασ ἡμέρασ μεταμεληθεὶσ ἐπὶ ταῖσ συνθήκαισ τὸν μὲν ἀδελφὸν ἐξέκλεψεν ἐκ τῆσ ὁμηρίασ, πρὸσ δὲ Πτολεμαῖον καὶ Σέλευκον διαπρεσβευσάμενοσ ἠξίου βοηθεῖν τὴν ταχίστην. ἐφ’ οἷσ Ἀντίγονοσ δεινοπαθήσασ δύναμιν ἀπέστειλεν ἐπὶ τὴν ἐλευθέρωσιν τῶν πόλεων καὶ κατὰ γῆν καὶ κατὰ θάλασσαν, τοῦ μὲν στόλου ναύαρχον ἀποδείξασ Μήδιον, τοῦ δὲ στρατοπέδου καταστήσασ στρατηγὸν Δόκιμον.

οὗτοι δὲ παραγενόμενοι πρὸσ τὴν πόλιν τῶν Μιλησίων τούσ τε πολίτασ ἐκάλουν ἐπὶ τὴν ἐλευθερίαν καὶ τὴν φρουρουμένην ἄκραν ἐκπολιορκήσαντεσ εἰσ αὐτονομίαν ἀποκατέστησαν τὸ πολίτευμα.

περὶ ταῦτα δ’ ὄντων τούτων Ἀντίγονοσ Τράλλεισ ἐξεπολιόρκησεν·

εἰσ δὲ Καῦνον παρελθὼν καὶ τὸν στόλον μεταπεμψάμενοσ εἷλε καὶ ταύτην τὴν πόλιν πλὴν τῆσ ἄκρασ· ταύτην δὲ περιχαρακώσασ, καθ’ ὃ μέροσ ἦν προσμάχεσθαι, συνεχεῖσ προσβολὰσ ἐποιεῖτο. ἐπὶ δὲ τὴν Ιἀσὸν πόλιν ἐκπεμφθεὶσ Πτολεμαῖοσ μετὰ δυνάμεωσ ἱκανῆσ ἠνάγκασε προσθέσθαι τοῖσ περὶ Ἀντίγονον. αὗται μὲν οὖν τῆσ Καρίασ οὖσαι τοῦτον τὸν τρόπον ὑπετάγησαν Ἀντιγόνῳ.

μετ’ ὀλίγασ δ’ ἡμέρασ ἐλθόντων πρὸσ αὐτὸν πρεσβευτῶν παρ’ Αἰτωλῶν καὶ Βοιωτῶν πρὸσ μὲν τούτουσ συμμαχίαν συνέθετο, τῷ δὲ Κασάνδρῳ συνελθὼν εἰσ λόγουσ ὑπὲρ εἰρήνησ περὶ τὸν Ἑλλήσποντον ἀπῆλθεν ἄπρακτοσ, οὐ δυναμένων αὐτῶν οὐδαμῶσ συμφωνῆσαι. διόπερ ὁ Κάσανδροσ ἀπογνοὺσ τὰσ διαλύσεισ διέγνω τῶν κατὰ τὴν Ἑλλάδα πάλιν πραγμάτων ἀντέχεσθαι. ἀναζεύξασ οὖν μετὰ τριάκοντα νεῶν εἰσ Ὠρεὸν ἐπολιόρκει τὴν πόλιν.

ἐνεργῶσ δ’ αὐτοῦ ταῖσ προσβολαῖσ χρωμένου καὶ τοῦ πολίσματοσ ἤδη κατὰ κράτοσ ἁλισκομένου παρεγένετο βοηθήσων τοῖσ Ὠρίταισ Τελεσφόροσ μὲν ἐκ Πελοποννήσου μετὰ νεῶν εἴκοσι καὶ στρατιωτῶν χιλίων, Μήδιοσ δ’ ἐκ τῆσ Ἀσίασ ἔχων ναῦσ ἑκατόν. οὗτοι δ’ ὁρῶντεσ ἐφορμούσασ τῷ λιμένι τὰσ τοῦ Κασάνδρου ναῦσ πῦρ ἐνῆκαν καὶ τέσσαρασ μὲν κατέκαυσαν, παρ’ ὀλίγον δὲ καὶ πάσασ διέφθειραν·

τοῖσ δ’ ἐλαττουμένοισ παραγενομένησ βοηθείασ ἐξ Ἀθηνῶν ἐπέπλευσαν οἱ περὶ Κάσανδρον καταφρονοῦσι τοῖσ πολεμίοισ. συμβαλόντεσ δ’ αὐτοῖσ μίαν μὲν κατέδυσαν, τρεῖσ δ’ αὐτάνδρουσ ἔλαβον. καὶ τὰ μὲν πραχθέντα περὶ τὴν Ἑλλάδα καὶ τὸν Πόντον τοιαῦτ’ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 75

(디오도로스 시켈로스, Bibliotheca Historica, Books XVIII-XX, book 19, chapter 75)

상위

목록

SEARCH

MENU NAVIGATION