헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 64)

ὁ δὲ Κάσανδροσ παρελθὼν εἰσ τὴν Μεσσηνίαν καὶ καταλαβὼν φρουρουμένην ὑπὸ Πολυπέρχοντοσ τὴν πόλιν τὸ μὲν πολιορκεῖν αὐτὴν ἐπὶ τοῦ παρόντοσ ἀπέγνω, παρελθὼν δ’ εἰσ Ἀρκαδίαν Δάμιν μὲν ἐπιμελητὴν τῆσ Μεγάλησ πόλεωσ ἀπέλιπεν, αὐτὸσ δὲ παρελθὼν εἰσ τὴν Ἀργείαν καὶ θεὶσ τὸν τῶν Νεμέων ἀγῶνα τὴν εἰσ Μακεδονίαν ἐπάνοδον ἐποιήσατο. τούτου δὲ χωρισθέντοσ Ἀλέξανδροσ ἐπιὼν τὰσ ἐν Πελοποννήσῳ πόλεισ μετ’ Ἀριστοδήμου τὰσ μὲν ὑπὸ Κασάνδρου καθεσταμένασ φρουρὰσ ἐκβαλεῖν ἐπειρᾶτο, ταῖσ δὲ πόλεσιν ἀποκαθιστᾶν τὴν ἐλευθερίαν.

ἃ δὴ πυθόμενοσ ὁ Κάσανδροσ ἔπεμψε πρὸσ αὐτὸν Πρεπέλαον, ἀξιῶν Ἀντιγόνου μὲν ἀποστῆναι, συμμαχεῖν δ’ αὐτῷ γνησίωσ.

τοῦτο δ’ αὐτοῦ πράξαντοσ στρατηγίαν δώσειν ἔφησε πάσησ Πελοποννήσου καὶ δυνάμεωσ ἀποδείξειν κύριον, ἔτι δὲ κατ’ ἀξίαν τιμήσειν. ὁ δ’ Ἀλέξανδροσ ὁρῶν αὑτῷ συγχωρούμενον οὗ χάριν ἐξ ἀρχῆσ ἐπολέμει πρὸσ Κάσανδρον, συμμαχίαν ποιησάμενοσ ἀπεδείχθη στρατηγὸσ Πελοποννήσου.

ἅμα δὲ τούτοισ πραττομένοισ Πολύκλειτοσ ὁ πεμφθεὶσ ὑπὸ τῶν περὶ Σέλευκον ἐκ Κύπρου πλεύσασ κατῆρεν εἰσ Κεγχρεάσ, ἀκούσασ δὲ τὴν Ἀλεξάνδρου μετάθεσιν καὶ θεωρῶν μηδὲν ὑπάρχον πολέμιον σύστημα τὸν πλοῦν ἐπὶ Παμφυλίασ ἐποιήσατο. ἐντεῦθεν δὲ παρακομισθεὶσ εἰσ Ἀφροδισιάδα τῆσ Κιλικίασ, ὡσ ἤκουσεν ὅτι Θεόδοτοσ μὲν ὁ Ἀντιγόνου ναύαρχοσ ἐκ Πατάρων τῆσ Δυκίασ παραπλεῖ ταῖσ ἀπὸ Ῥόδου ναυσίν, ἐχούσαισ ἀπὸ Καρίασ πληρώματα, καὶ διότι περίλαοσ μετὰ στρατιωτῶν παράγει πεζῇ, παρεχόμενοσ τῷ στόλῳ τῆσ ἀγωγῆσ τὴν ἀσφάλειαν, ἀμφοτέρουσ κατεστρατήγησε.

τοὺσ μὲν γὰρ στρατιώτασ ἀποβιβάσασ ἔκρυψεν ἐν εὐθέτῳ τόπῳ, καθ’ ὃν ἀναγκαῖον ἦν τοὺσ πολεμίουσ τὴν πάροδον ποιήσασθαι, αὐτὸσ δὲ πάσαισ ταῖσ ναυσὶν ἐπιπλεύσασ καὶ πρὸ αὑτοῦ λαβὼν ἀκρωτήριον ἐπετήρει τὴν τῶν πολεμίων παρουσίαν.

ἐμπεσόντων δὲ πρῶτον τῶν πεζῶν εἰσ τὴν ἐνέδραν συνέβη τόν τε περίλαον ἁλῶναι καὶ τῶν ἄλλων τοὺσ μὲν πεσεῖν μαχομένουσ, οὓσ δὲ ζωγρηθῆναι. ἐπιχειρούντων δὲ τῶν ἀπὸ Ῥόδου νεῶν παραβοηθεῖν τοῖσ ἰδίοισ ἐπιπλεύσασ ὁ Πολύκλειτοσ ἄφνω συντεταγμένῳ τῷ στόλῳ ῥᾳδίωσ ἐτρέψατο τεταραγμένουσ τοὺσ πολεμίουσ.

διόπερ συνέβη τάσ τε ναῦσ ἁλῶναι πάσασ καὶ τῶν ἀνδρῶν οὐκ ὀλίγουσ, ἐν οἷσ καὶ αὐτὸν τὸν Θεόδοτον τραυματίαν γενόμενον μετ’ ὀλίγασ ἡμέρασ τελευτῆσαι. Πολύκλειτοσ μὲν οὖν χωρὶσ κινδύνων τηλικαῦτα πλεονεκτήσασ ἀπέπλευσεν εἰσ Κύπρον, ἐντεῦθεν δ’ εἰσ Πηλούσιον·

ὁ δὲ Πτολεμαῖοσ τοῦτον μὲν ἐπαινέσασ δωρεαῖσ μεγάλαισ ἐτίμησε καὶ πολὺ μᾶλλον προῆγεν ὡσ ἀρχηγὸν γεγονότα μεγάλου προτερήματοσ, τὸν δὲ περίλαον καὶ τῶν ἄλλων αἰχμαλώτων τινὰσ ἀπέλυσεν, ἐλθούσησ περὶ τούτων πρεσβείασ παρ’ Ἀντιγόνου. αὐτὸσ δὲ παρῆλθεν ἐπὶ τὸ καλούμενον Ἔκρηγμα κἀκεῖ συνελθὼν εἰσ λόγουσ Ἀντιγόνῳ πάλιν ἀπῆλθεν, οὐ συγχωροῦντοσ Ἀντιγόνου τὰ ἀξιούμενα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 64

(디오도로스 시켈로스, Bibliotheca Historica, Books XVIII-XX, book 19, chapter 64)

상위

목록

SEARCH

MENU NAVIGATION