헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 37)

κατὰ δὲ τὴν Ἀσίαν Ἀντίγονοσ μὲν χειμάζων ἐν Γαδαμάλοισ τῆσ Μηδίασ καὶ θεωρῶν τὴν ἑαυτοῦ δύναμιν ἀσθενεστέραν οὖσαν τῆσ τῶν πολεμίων ἔσπευδεν ἀνελπίστωσ αὐτοῖσ ἐπιθέσθαι καὶ καταστρατηγῆσαι. ἐτύγχανον δ’ οὗτοι τὴν χειμασίαν ἔχοντεσ ἐν πολλοῖσ μέρεσι διεζευγμένην, ὥστ’ ἐνίουσ ἀπ’ ἀλλήλων ἀπέχειν ὁδὸν ἡμερῶν ἕξ. τὸ μὲν οὖν διὰ τῆσ οἰκουμένησ χώρασ ὁδοιπορεῖν ἀπεδοκίμασε διὰ τὸ καὶ μακρὰν εἶναι καὶ τοῖσ πολεμίοισ εὐθεώρητον, τὸ δὲ τολμῆσαι διὰ τῆσ ἐρήμου καὶ ἀνύδρου προάγειν ἐπίπονον μὲν ἔκρινεν, εἰσ δὲ τὴν βεβουλευμένην ἐπιβολὴν χρησιμώτατον·

οὐ μόνον γὰρ διὰ ταύτησ συντόμωσ ἦν ἐλθεῖν, ἀλλὰ καὶ ῥᾳδίωσ λαθεῖν ἀπροσδοκήτωσ ἐπιπεσόντα τοῖσ διὰ τὴν ἄγνοιαν διερριμμένοισ κατὰ κώμασ καὶ ῥᾳθυμοῦσι. ταῦτα δὲ διανοηθεὶσ τοῖσ μὲν στρατιώταισ παρήγγειλεν ἑτοίμουσ εἶναι πρὸσ ἀνάζευξιν καὶ παρασκευάσασθαι δέχ’ ἡμερῶν ἄπυρα σιτία, αὐτὸσ δὲ δια δοὺσ λόγον ἐπ’ Ἀρμενίασ προάξειν ἄφνω παρὰ τὴν πάντων ὑπόληψιν ὡρ́μησε διὰ τῆσ ἐρήμου, τῆσ ὡρ́ασ οὔσησ περὶ χειμερινὰσ τροπάσ.

κατὰ δὲ τὰσ στρατοπεδείασ παρήγγειλε τῆσ ἡμέρασ μὲν τὰ πυρὰ κάειν, τῆσ δὲ νυκτὸσ κατασβεννύναι τελέωσ, ὅπωσ μή τινεσ ἐκ τῶν μετεώρων κατανοήσαντεσ ἀπαγγείλωσι τὸ γινόμενον τοῖσ πολεμίοισ·

ἦν γὰρ ἡ μὲν ἔρημοσ πᾶσα σχεδὸν πεδιάσ, περιείχετο δὲ ὑπὸ λόφων ὑψηλῶν, ἀφ’ ὧν ῥᾴδιον ἦν ἐκ πολλοῦ διαστήματοσ συνορᾶν τὴν αὐγὴν τοῦ πυρόσ.

ἐπιπόνωσ δὲ τῆσ δυνάμεωσ πένθ’ ἡμέρασ ὁδοιπορούσησ οἱ μὲν στρατιῶται διά τε τὸ ψῦχοσ καὶ τὰσ ἀναγκαίασ χρείασ ἔκαον πῦρ μεθ’ ἡμέραν τε καὶ νύκτωρ ἐν ταῖσ στρατοπεδείαισ. ὃ δὴ συνιδόντεσ τινὲσ τῶν παρὰ τὴν ἔρημον οἰκούντων ἔπεμψαν τοὺσ ἀπαγγελοῦντασ αὐθημερὸν τοῖσ περὶ Εὐμενῆ καὶ Πευκέστην, δόντεσ δρομάδασ καμήλουσ·

διατείνει γὰρ τὸ ζῷον τοῦτο σταδίουσ οὐ πολὺ ἐλάττουσ χιλίων πεντακοσίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 37

(디오도로스 시켈로스, Bibliotheca Historica, Books XVIII-XX, book 19, chapter 37)

상위

목록

SEARCH

MENU NAVIGATION