헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 35)

κατὰ δὲ τὴν Εὐρώπην Κάσανδροσ μὲν ἐν Πελοποννήσῳ Τεγέαν πολιορκῶν καὶ πυθόμενοσ τήν τε Ὀλυμπιάδοσ κάθοδον εἰσ Μακεδονίαν καὶ τὴν Εὐρυδίκησ καὶ Φιλίππου τοῦ βασιλέωσ ἀναίρεσιν, ἔτι δὲ τὰ περὶ τὸν Ιὄλλα τἀδελφοῦ τάφον συμβεβηκότα πρὸσ μὲν τοὺσ Τεγεάτασ διελύσατο, τὴν δὲ δύναμιν ἀναλαβὼν προῆγεν ἐπὶ Μακεδονίαν, καταλιπὼν τοὺσ συμμάχουσ ἐν πολλῇ ταραχῇ· ἐφήδρευε γὰρ ταῖσ ἐν Πελοποννήσῳ πόλεσιν Ἀλέξανδροσ ὁ Πολυπέρχοντοσ ἔχων στρατόπεδον. Αἰτωλοὶ δὲ χαρίζεσθαι βουλόμενοι τῇ τε Ὀλυμπιάδι καὶ Πολυπέρχοντι τὰ περὶ τὰσ Πύλασ στενὰ κατελάβοντο καὶ τῆσ παρόδου τὸν Κάσανδρον ἀπέκλεισαν.

ὁ δὲ βιάζεσθαι μὲν πρὸσ τόπουσ δυσεμβόλουσ ἀπέγνω, παρασκευασάμενοσ δὲ πλοῖα καὶ σχεδίασ ἔκ τε τῆσ Εὐβοίασ καὶ τῆσ Λοκρίδοσ ἐπεραίωσε τὴν δύναμιν εἰσ τὴν Θετταλίαν. ἀκούων δὲ περὶ τὴν Περραιβίαν προκαθῆσθαι Πολυπέρχοντα μετὰ στρατοπέδου Κάλλαν μὲν ἀπέστειλε στρατηγὸν μετὰ δυνάμεωσ, προστάξασ διαπολεμεῖν τοῖσ μετὰ Πολυπέρχοντοσ.

Δεινίασ δὲ τὰ στενὰ προκαταληψόμενοσ, ἀπαντήσασ τοῖσ ὑπ’ Ὀλυμπιάδοσ ἐξαποσταλεῖσι στρατιώταισ ἔφθασε τῶν παρόδων κυριεύσασ. Ὀλυμπιὰσ δὲ πυθομένη Κάσανδρον μετὰ μεγάλησ δυνάμεωσ πλησίον εἶναι τῆσ Μακεδονίασ, Ἀριστόνουν μὲν ἀπέδειξε στρατηγόν, κελεύσασα δικπολεμεῖν τοῖσ περὶ Κάσανδρον, αὐτὴ δὲ παρῆλθεν εἰσ Πύδναν ἔχουσα τὸν υἱὸν τὸν Ἀλεξάνδρου καὶ τὴν μητέρα αὐτοῦ Ῥωξάνην καὶ Θετταλονίκην τὴν Φιλίππου τοῦ Ἀμύντου θυγατέρα, πρὸσ δὲ τούτοισ Δηιδάμειάν τε τὴν Αἰακίδου θυγατέρα τοῦ βασιλέωσ τῶν Ἠπειρωτῶν, Πύρρου δὲ τοῦ πρὸσ Ῥωμαίουσ ὕστερον πολεμήσαντοσ ἀδελφήν, καὶ τὰσ Ἀττάλου θυγατέρασ, ὁμοίωσ δὲ καὶ τῶν ἄλλων τῶν ἀξιολογωτάτων φίλων τοὺσ συγγενεῖσ, ὥστ’ ἀθροισθῆναι περὶ αὐτὴν πλῆθοσ μὲν πολὺ σωμάτων, ἀχρείων δ’ εἰσ πόλεμον τῶν πλείστων·

οὐδὲ γὰρ τροφῆσ ἱκανὸν ἦν πλῆθοσ τοῖσ μέλλουσι πολιορκίαν ὑπομένειν πολυχρόνιον.

ὧν ἁπάντων πρόδηλον ἐχόντων τὸν κίνδυνον οὐδὲν ἧττον ἐνταῦθα διέγνω μένειν, ἐλπίζουσα αὐτῇ βοηθήσειν κατὰ θάλασσαν Ἑλλήνων τε καὶ Μακεδόνων πολλούσ.

συνῆσαν δ’ αὐτῇ τῶν τ’ ἐξ Ἀμβρακίασ ἱππέων τινὲσ καὶ τῶν περὶ τὴν αὐλὴν εἰωθότων διατρίβειν στρατιωτῶν οἱ πλείουσ, ἔτι δὲ τῶν μετὰ Πολυπέρχοντοσ ἐλεφάντων οἱ καταλειφθέντεσ·

τῶν μὲν γὰρ ἄλλων θηρίων κατὰ τὴν προτέραν ἐμβολὴν εἰσ Μακεδονίαν Κάσανδροσ ἐκεκυριεύκει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 35

(디오도로스 시켈로스, Bibliotheca Historica, Books XVIII-XX, book 19, chapter 35)

상위

목록

SEARCH

MENU NAVIGATION