헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 8)

οὐκ ἂν τὴν τῶν πασχόντων τύχην ἐλεήσειεν. πᾶσαι μὲν γὰρ αἱ πύλαι τῆσ πόλεωσ ἐκλείσθησαν, πλείουσ δὲ τῶν τετρακισχιλίων ἀνῃρέθησαν αὐθημερόν, τοῦτο μόνον ἐγκληθέντεσ ὅτι χαριέστεροι τῶν ἄλλων ἦσαν. τῶν δὲ φυγόντων οἱ μὲν ἐπὶ τὰσ πύλασ ὁρμήσαντεσ συνελήφθησαν, οἱ δὲ κατὰ τῶν τειχῶν ῥίπτοντεσ αὑτοὺσ εἰσ τὰσ ἀστυγείτονασ πόλεισ διεσώθησαν, τινὲσ δὲ διὰ τὸν φόβον ἀπρονοήτωσ ἁλλόμενοι κατεκρημνίσθησαν. τὸ δὲ πλῆθοσ ἦν τῶν ἐκπεσόντων ἐκ τῆσ πατρίδοσ ὑπὲρ τοὺσ ἑξακισχιλίουσ, ὧν οἱ πλεῖστοι κατέφυγον πρὸσ τοὺσ Ἀκραγαντίνουσ κἀκεῖ τῆσ καθηκούσησ ἐπιμελείασ ἠξιώθησαν.

οἱ δὲ περὶ τὸν Ἀγαθοκλέα διημερεύσαντεσ ἐν τοῖσ τῶν πολιτῶν φόνοισ οὐδὲ τῆσ εἰσ γυναῖκασ ὕβρεωσ καὶ παρανομίασ ἀπέσχοντο, ἀλλὰ παρὰ τῶν ἐκπεφευγότων τὸν θάνατον ἱκανὴν ὑπελάμβανον λήψεσθαι τιμωρίαν τὴν εἰσ τοὺσ συγγενεῖσ ἐπήρειαν·

δεινότερα γὰρ θανάτου τοὺσ μὲν ἄνδρασ καὶ πατέρασ εἰκὸσ ἦν πείσεσθαι γυναικῶν ὕβρεισ καὶ παρθένων αἰσχύνασ ἀναλογιζομένουσ. ἀφ’ ὧν ἡμῖν περιαιρετέον ἐστὶ τὴν ἐπίθετον καὶ συνήθη τοῖσ συγγραφεῦσι τραγῳδίαν, μάλιστα μὲν διὰ τὸν τῶν παθόντων ἔλεον, ἔπειτα καὶ διὰ τὸ μηθένα τῶν ἀναγινωσκόντων ἐπιζητεῖν ἀκοῦσαι τὰ κατὰ μέροσ, ἐν ἑτοίμῳ τῆσ γνώσεωσ οὔσησ.

οἱ γὰρ μεθ’ ἡμέραν ἐν ταῖσ ὁδοῖσ καὶ κατὰ τὴν ἀγορὰν σφάττειν τολμῶντεσ τοὺσ μηδὲν ἀδικοῦντασ οὐ προσδέονται τοῦ δηλώσοντοσ τί νύκτωρ ἔπραττον καθ’ αὑτοὺσ ἐν ταῖσ οἰκίαισ καὶ πῶσ προσεφέροντο παρθένοισ ὀρφαναῖσ καὶ γυναιξὶν ἐρήμοισ μὲν οὔσαισ τῶν βοηθησόντων, πεπτωκυίαισ δ’ ὑπ’ ἐξουσίαν αὐτοκράτορα τῶν ἐχθίστων.

ὁ δ’ Ἀγαθοκλῆσ δυεῖν ἡμερῶν διελθουσῶν ἐπειδή ποτ’ ἐπληρώθη τοῦ κατὰ τῶν πολιτῶν φόνου, τοὺσ ζωγρηθέντασ ἀθροίσασ Δεινοκράτην μὲν ἀφῆκε διὰ τὴν προγεγενημένην φιλίαν, τῶν ἄλλων δὲ τοὺσ μὲν ἀλλοτριώτατα διακειμένουσ ἀνεῖλε, τοὺσ δὲ λοιποὺσ ἐφυγάδευσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 8

(디오도로스 시켈로스, Bibliotheca Historica, Books XVIII-XX, book 19, chapter 8)

상위

목록

SEARCH

MENU NAVIGATION