헬라어 문장 검색 - Διοδορ́Βιβλιοτ́4́78́

(디오도로스 시켈로스, Bibliotheca Historica, book 4, chapter 77)

μετὰ δὲ ταῦτα διαδρὰσ εἰσ Κρήτην, καὶ διὰ τὴν ἐν τῇ τέχνῃ δόξαν θαυμαζόμενοσ, φίλοσ ἐγένετο Μίνωοσ τοῦ βασιλέωσ. κατὰ δὲ τὸν παραδεδομένον μῦθον Πασιφάησ τῆσ Μίνωοσ γυναικὸσ ἐρασθείσησ τοῦ ταύρου, μηχάνημα ποιήσασ ὡμοιωμένον βοΐ συνήργησε τῇ Πασιφάῃ πρὸσ τὴν ἐπιθυμίαν. μυθολογοῦσι γὰρ πρὸ τούτων τῶν χρόνων Μίνωα κατ’ ἐνιαυτὸν συνήθωσ καθιεροῦν τὸν κάλλιστον τῶν γινομένων ταύρων τῷ Ποσειδῶνι καὶ θύειν τοῦτον τῷ θεῷ·

γενομένου δὲ τότε ταύρου κάλλει διαφέροντοσ ἕτερον τῶν ἡττόνων ταύρων θῦσαι· τὸν δὲ Ποσειδῶνα μηνίσαντα τῷ Μίνῳ ποιῆσαι τὴν γυναῖκα αὐτοῦ Πασιφάην ἐρασθῆναι τοῦ ταύρου. διὰ δὲ τῆσ τούτου φιλοτεχνίασ τὴν Πασιφάην μιγεῖσαν τῷ ταύρῳ γεννῆσαι τὸν μυθολογούμενον Μινώταυρον.

τοῦτον δέ φασι διφυῆ γεγονέναι, καὶ τὰ μὲν ἀνώτερα μέρη τοῦ σώματοσ ἄχρι τῶν ὤμων ἔχειν ταύρου, τὰ δὲ λοιπὰ ἀνθρώπου. τῷ δὲ τέρατι τούτῳ πρὸσ διατροφὴν λέγεται κατασκευάσαι Δαίδαλον λαβύρινθον, τὰσ διεξόδουσ σκολιὰσ ἔχοντα καὶ τοῖσ ἀπείροισ δυσευρέτουσ, ἐν ᾧ τρεφόμενον τὸν Μινώταυρον τοὺσ ἐξ Ἀθηνῶν ἀποστελλομένουσ ἑπτὰ κόρουσ καὶ κόρασ κατεσθίειν, περὶ ὧν προειρήκαμεν.

τὸν οὖν Δαίδαλον πυθόμενον τὴν ἀπειλὴν τοῦ Μίνωοσ διὰ τὴν κατασκευὴν τῆσ βοόσ φασι φοβηθέντα τὴν ὀργὴν τοῦ βασιλέωσ ἐκ τῆσ Κρήτησ ἐκπλεῦσαι, συνεργούσησ τῆσ Πασιφάησ καὶ πλοῖον δούσησ πρὸσ τὸν ἔκπλουν.

μετὰ δὲ τούτου τὸν υἱὸν Ἴκαρον φυγόντα κατενεχθῆναι πρόσ τινα νῆσον πελαγίαν, πρὸσ ἣν τὸν Ἴκαρον παραβόλωσ ἀποβαίνοντα πεσεῖν εἰσ θάλατταν καὶ τελευτῆσαι, ἀφ’ οὗ καὶ τὸ πέλαγοσ Ἰκάριον ὀνομασθῆναι καὶ τὴν νῆσον Ἰκαρίαν κληθῆναι.

τὸν δὲ Δαίδαλον ἐκ τῆσ νήσου ταύτησ ἐκπλεύσαντα κατενεχθῆναι τῆσ Σικελίασ πρὸσ χώραν ἧσ βασιλεύοντα Κώκαλον ἀναλαβεῖν τὸν Δαίδαλον, καὶ διὰ τὴν εὐφυϊάν καὶ δόξαν ποιήσασθαι φίλον ἐπὶ πλέον. τινὲσ δὲ μυθολογοῦσι, κατὰ τὴν Κρήτην ἔτι Δαιδάλου διατρίβοντοσ καὶ ὑπὸ τῆσ Πασιφάησ κρυπτομένου, Μίνωα μὲν τὸν βασιλέα βουλόμενον τιμωρίασ ἀξιῶσαι τὸν Δαίδαλον, καὶ μὴ δυνάμενον εὑρεῖν, τά τε πλοῖα πάντα τὰ κατὰ τὴν νῆσον ἐρευνᾶν καὶ χρημάτων πλῆθοσ ἐπαγγέλλεσθαι δώσειν τῷ τὸν Δαίδαλον ἀνευρόντι.

ἐνταῦθα τὸν Δαίδαλον ἀπογνόντα τὸν διὰ τῶν πλοίων δρασμόν, κατασκευάσαι παραδόξωσ πτέρυγασ πεφιλοτεχνημένασ καὶ διὰ κηροῦ θαυμαστῶσ ἠσκημένασ·

ἐπιθέντα δὲ ταύτασ τῷ τε τοῦ υἱοῦ σώματι καὶ τῷ ἑαυτοῦ παραδόξωσ ἐκπετασθῆναι καὶ διαδρᾶναι τὸ πλησίον τῆσ Κρήτησ νήσου πέλαγοσ. καὶ τὸν μὲν Ἴκαρον διὰ τὴν νεότητα μετέωρον τὴν πτῆσιν ποιούμενον πεσεῖν εἰσ τὸ πέλαγοσ, τακέντοσ διὰ τὸν ἥλιον τοῦ συνέχοντοσ τὰσ πτέρυγασ κηροῦ, αὐτὸν δὲ παρὰ τὴν θάλατταν πετόμενον καὶ παρ’ ἕκαστον τέγγοντα τὰσ πτέρυγασ διασωθῆναι παραδόξωσ εἰσ τὴν Σικελίαν.

ἀλλὰ περὶ μὲν τούτων εἰ καὶ παράδοξόσ ἐστιν ὁ μῦθοσ, ὅμωσ ἐκρίναμεν μὴ παραλιπεῖν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 77

(디오도로스 시켈로스, Bibliotheca Historica, book 4, chapter 77)

상위

목록

SEARCH

MENU NAVIGATION