헬라어 문장 검색 - Διοδορ́Βιβλιοτ́4́06́

(디오도로스 시켈로스, Bibliotheca Historica, book 4, chapter 5)

ἐπωνυμίασ δ’ αὐτῷ τοὺσ ἀνθρώπουσ πολλὰσ προσάψαι, τὰσ ἀφορμὰσ ἀπὸ τῶν περὶ αὐτὸν ἐπιτηδευμάτων λαβόντασ. βακχεῖον μὲν γὰρ ἀπὸ τῶν συνεπομένων βακχῶν ὀνομάσαι, Ληναῖον δὲ ἀπὸ τοῦ πατῆσαι τὰσ σταφυλὰσ ἐν ληνῷ, Βρόμιον δ’ ἀπὸ τοῦ κατὰ τὴν γένεσιν αὐτοῦ γενομένου βρόμου· ὁμοίωσ δὲ καὶ πυριγενῆ διὰ τὴν ὁμοίαν αἰτίαν ὠνομάσθαι. θρίαμβον δ’ αὐτὸν ὀνομασθῆναί φασιν ἀπὸ τοῦ πρῶτον τῶν μνημονευομένων καταγαγεῖν ἀπὸ τῆσ στρατείασ θρίαμβον εἰσ τὴν πατρίδα, τὴν ἐξ Ἰνδῶν ποιησάμενον ἐπάνοδον μετὰ πολλῶν λαφύρων.

παραπλησίωσ δὲ καὶ τὰσ λοιπὰσ προσηγορίασ ἐπιθετικὰσ αὐτῷ γεγενῆσθαι, περὶ ὧν μακρὸν ἂν εἰή λέγειν καὶ τῆσ ὑποκειμένησ ἱστορίασ ἀνοίκειον. δίμορφον δ’ αὐτὸν δοκεῖν ὑπάρχειν διὰ τὸ δύο Διονύσουσ γεγονέναι, τὸν μὲν παλαιὸν καταπώγωνα διὰ τὸ τοὺσ ἀρχαίουσ πάντασ πωγωνοτροφεῖν, τὸν δὲ νεώτερον ὡραῖον καὶ τρυφερὸν καὶ νέον, καθότι προείρηται. ἔνιοι δὲ λέγουσιν ὅτι τῶν μεθυόντων διττὰσ διαθέσεισ ἐχόντων, καὶ τῶν μὲν ἱλαρῶν, τῶν δὲ ὀργίλων γινομένων, δίμορφον ὠνομάσθαι τὸν θεόν.

καὶ Σατύρουσ δέ φασιν αὐτὸν περιάγεσθαι, καὶ τούτουσ ἐν ταῖσ ὀρχήσεσι καὶ ταῖσ τραγῳδίαισ τέρψιν καὶ πολλὴν ἡδονὴν παρέχεσθαι τῷ θεῷ. καθόλου δὲ τὰσ μὲν Μούσασ τοῖσ ἐκ τῆσ παιδείασ ἀγαθοῖσ ὠφελούσασ τε καὶ τερπούσασ, τοὺσ δὲ Σατύρουσ τοῖσ πρὸσ γέλωτα συνεργοῦσιν ἐπιτηδεύμασι χρωμένουσ, παρασκευάζειν τῷ Διονύσῳ τὸν εὐδαίμονα καὶ κεχαρισμένον βίον.

καθόλου δὲ τοῦτον τῶν θυμελικῶν ἀγώνων φασὶν εὑρετὴν γενέσθαι, καὶ θέατρα καταδεῖξαι, καὶ μουσικῶν ἀκροαμάτων σύστημα ποιήσασθαι· πρὸσ δὲ τούτοισ ἀλειτουργήτουσ ποιῆσαι καὶ τοὺσ ἐν ταῖσ στρατείαισ μεταχειριζομένουσ τι τῆσ μουσικῆσ ἐπιστήμησ· ἀφ’ ὧν τοὺσ μεταγενεστέρουσ μουσικὰσ συνόδουσ συστήσασθαι τῶν περὶ τὸν Διόνυσον τεχνιτῶν, καὶ ἀτελεῖσ ποιῆσαι τοὺσ τὰ τοιαῦτα ἐπιτηδεύοντασ. καὶ περὶ μὲν Διονύσου καὶ τῶν περὶ αὐτοῦ μυθολογουμένων ἀρκεσθησόμεθα τοῖσ ῥηθεῖσι στοχαζόμενοι τῆσ συμμετρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 4, chapter 5

(디오도로스 시켈로스, Bibliotheca Historica, book 4, chapter 5)

상위

목록

SEARCH

MENU NAVIGATION