헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 59)

καὶ ὅλα δὲ ἔθνη περὶ μέθασ διατρίβοντα μνήμησ ἠξίωται. Βαίτων γοῦν ὁ Ἀλεξάνδρου βηματιστὴσ ἐν τῷ ἐπιγραφομένῳ Σταθμοὶ τῆσ Ἀλεξάνδρου πορείασ καὶ Ἀμύντασ ἐν τοῖσ Σταθμοῖσ τὸ τῶν Ταπύρων ἔθνοσ φησὶν οὕτω φίλοινον εἶναι ὡσ καὶ ἀλείμματι ἄλλῳ μηδενὶ χρῆσθαι ἢ τῷ οἴνῳ. τὰ δ’ αὐτὰ ἱστορεῖ καὶ Κτησίασ ἐν τῷ περὶ τῶν κατὰ τὴν Ἀσίαν φόρων, οὗτοσ δὲ καὶ δικαιοτάτουσ αὐτοὺσ λέγει εἶναι. Ἁρμόδιοσ δὲ ὁ Λεπρεάτησ ἐν τῷ περὶ τῶν παρὰ Φιγαλεῦσι νομίμων φιλοπότασ φησὶ γενέσθαι Φιγαλεῖσ Μεσσηνίοισ ἀστυγείτονασ ὄντασ καὶ ἀποδημεῖν ἐθισθέντασ. Φύλαρχοσ δ’ ἐν ἕκτῃ Βυζαντίουσ οἰνόφλυγασ ὄντασ ἐν τοῖσ καπηλείοισ οἰκεῖν, ἐκμισθώσαντασ τοὺσ ἑαυτῶν θαλάμουσ μετὰ τῶν γυναικῶν τοῖσ ξένοισ, πολεμίασ σάλπιγγοσ οὐδὲ ἐν ὕπνοισ ὑπομένοντασ ἀκοῦσαι.

διὸ καὶ πολεμουμένων ποτὲ αὐτῶν καὶ οὐ προσκαρτερούντων τοῖσ τείχεσι Λεωνίδησ ὁ στρατηγὸσ ἐκέλευσε τὰ καπηλεῖα ἐπὶ τῶν τειχῶν σκηνοπηγεῖν, καὶ μόλισ ποτὲ ἐπαύσαντο λιποτακτοῦντεσ, ὥσ φησι Δάμων ἐν τῷ περὶ Βυζαντίου. Μένανδροσ δ’ ἐν Ἀρρηφόρῳ ἢ Αὐλητρίδι· πάντασ μεθύσουσ τοὺσ ἐμπόρουσ ποεῖ τὸ Βυζάντιον.

ὅλην ἐπίνομεν τὴν νύκτα διὰ σὲ καὶ σφόδρ’ ἄκρατον, μοὶ δοκῶ· ἀνίσταμαι γοῦν τέτταρασ κεφαλὰσ ἔχων. κωμῳδοῦνται δὲ ὡσ μέθυσοι Ἀργεῖοι μὲν καὶ Τιρύνθιοι ὑπὸ Ἐφίππου ἐν Βουσίριδι. ποιεῖ δὲ τὸν Ἡρακλέα λέγοντα· οὐκ οἶσθά μ’ ὄντα, πρὸσ θεῶν, Τιρύνθιον Ἀργεῖον; οἳ μεθύοντεσ αἰεὶ τὰσ μάχασ πάσασ μάχονται. β.

τοιγαροῦν φεύγουσ1’ ἀεί. Μιλησίουσ δ’ Εὔβουλοσ ἐν Κατακολλωμένῳ ὑβριστὰσ εἶναί φησι μεθυσθέντασ. πολέμων δὲ ἐν τῷ περὶ τῶν κατὰ πόλεισ ἐπιγραμμάτων περὶ ’ Ἠλείων λέγων παρατίθεται τόδε τὸ ἐπίγραμμα· Ἦλισ καὶ μεθύει καὶ ψεύδεται· οἱο͂σ ἑκάστου οἶκοσ, τοιαύτη καὶ συνάπασα πόλισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 10, book 10, chapter 59

(아테나이오스, The Deipnosophists, Book 10, book 10, chapter 59)

상위

목록

SEARCH

MENU NAVIGATION