헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 80)

δεδήλωκε δὲ καὶ διὰ τῶν ἰαμβείων γράμμα πρῶτοσ οὗτοσ ἀκολαστότερον μὲν κατὰ τὴν διάνοιαν, πεφρασμένον δὲ τὸν τρόπον τοῦτον· κύω γὰρ, ὦ γυναῖκεσ, ἀλλ’ αἰδοῖ, φίλαι, ἐν γράμμασι σφῷν τοὔνομ’ ἐξερῶ βρέφουσ, ὀρθὴ μακρὰ γραμμὴ ’ στιν ἐκ δ’ αὐτῆσ μέσησ μικρὰ παρεστῶσ1’ ἑκατέρωθεν ὑπτία, ἔπειτα κύκλοσ πόδασ ἔχων βραχεῖσ δύο. ὅθεν ὕστερον, ὡσ ἂν ὑπονοήσειέ τισ, Μαιάνδριοσ μὲν ὁ συγγραφεὺσ μικρὸν διὰ τῆσ ἑρμηνείασ τῇ μιμήσει παρεγκλίνασ συνέγραψεν ἓν τῶν παραγγελμάτων φορτικώτερον τοῦ ῥηθέντοσ, Εὐριπίδησ δὲ τὴν ἐν τῷ Θησεῖ τὴν ἐγγράμματον ἐοίκε ποιῆσαι ῥῆσιν. βοτὴρ δ’ ἐστὶν ἀγράμματοσ αὐτόθι δηλῶν τοὔνομα τοῦ Θησέωσ ἐπιγεγραμμένον οὕτωσ· ἐγὼ πέφυκα γραμμάτων μὲν οὐκ ἴδρισ, μορφὰσ δὲ λέξω καὶ σαφῆ τεκμήρια, κύκλοσ τισ ὡσ τόρνοισιν ἐκμετρούμενοσ· οὗτοσ δ’ ἔχει σημεῖον ἐν μέσῳ σαφέσ. τὸ δεύτερον δὲ πρῶτα μὲν γραμμαὶ δύο, ταύτασ διείργει δὲ ἐν μέσαισ ἄλλη μία.

τρίτον δὲ βόστρυχόσ τισ ὣσ εἱλιγμένοσ, τὸ δ’ αὖ τέταρτον ἡ μὲν εἰσ ὀρθὸν μία, λοξαὶ δ’ ἐπ’ αὐτῆσ τρεῖσ κατεστηριγμέναι εἰσίν. τὸ πέμπτον δ’ οὐκ ἐν εὐμαρεῖ φράσαι γραμμαὶ γάρ εἰσιν ἐκ διεστώτων δύο, αὗται δὲ συντρέχουσιν εἰσ μίαν βάσιν. τὸ λοίσθιον δὲ τῷ τρίτῳ προσεμφερέσ, τὸ δ’ αὐτὸ πεποίηκε καὶ Ἀγάθων ὁ τραγῳδιοποιὸσ ἐν τῷ Τηλέφῳ. ἀγράμματοσ γάρ τισ κἀνταῦθα δηλοῖ τὴν τοῦ Θησέωσ ἐπιγραφὴν οὕτωσ γραφῆσ ὁ πρῶτοσ ἦν μεσόμφαλοσ κύκλοσ· ὀρθοί τε κανόνεσ ἐζυγωμένοι δύο, Σκυθικῷ τε τόξῳ τὸ τρίτον ἦν προσεμφερέσ.

ἔπειτα τριόδουσ πλάγιοσ ἦν προσκείμενοσ· ἐφ’ ἑνόσ τε κανόνοσ ἦσαν ὕπτιοι δύο. ὅπερ δὲ τρίτον· ἦν καὶ τελευταῖον πάλιν. καὶ Θεοδέκτησ δ’ ὁ Φασηλίτησ ἄγροικόν τινα ἀγράμματον παράγει καὶ τοῦτον τὸ τοῦ Θησέωσ ὄνομα διασημαίνοντα· γραφῆσ ὁ πρῶτοσ ἦν μεσόφθαλμοσ κύκλοσ.

ἔπειτα δισσοὶ κανόνεσ ἰσόμετροι πάνυ· τούτουσ δὲ πλάγιοσ διαμέτρου συνδεῖ κανών· τρίτον δ’ ἑλικτῷ βοστρύχῳ προσεμφερέσ. ἔπειτα τριόδουσ πλάγιοσ ὣσ ἐφαίνετο, πέμπται δ’ ἄνωθεν ἰσόμετροι ῥάβδοι δύο, αὗται δὲ συντείνουσιν εἰσ βάσιν μίαν. ἕκτον δ’ ὅπερ καὶ πρόσθεν εἶπον βόστρυχοσ.

καὶ Σοφοκλῆσ δὲ τούτῳ παραπλήσιον ἐποίησεν ἐν Ἀμφιαράῳ σατυρικῷ τὰ γράμματα παράγων ὀρχούμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 80

(아테나이오스, The Deipnosophists, Book 10, book 10, chapter 80)

상위

목록

SEARCH

MENU NAVIGATION