호흡부호 보기
강세부호 보기
장단부호 보기
작은 Iota 보기
모든 부호 보기
ἀρχὴ γοῦν ἐστιν οἱ οἰνόπται παρὰ Ἀθηναίοισ, ἧσ μνημονεύει ἐν ταῖσ Πόλεσιν Εὔπολισ ἐν τούτοισ· οὓσ δ’ οὐκ ἂν εἵλεσθ’ οὐδ’ ἂν οἰνόπτασ πρὸ τοῦ, νυνὶ στρατηγοὺσ ἔχομεν. ὦ πόλισ, πόλισ, ὡσ εὐτυχὴσ εἶ μᾶλλον ἢ καλῶσ φρονεῖσ. οἱ δὲ οἰνόπται οὗτοι ἐφεώρων τὰ ἐν τοῖσ δείπνοισ, εἰ κατ’ ἴσον πίνουσιν οἱ συνόντεσ. καὶ ἦν ἡ ἀρχὴ εὐτελήσ, ὡσ ὁ ῥήτωρ φησὶ Φιλῖνοσ ἐν τῇ Κροκωνιδῶν διαδικασίᾳ· καὶ ὅτι τρεῖσ ἦσαν οἱ οἰνόπται, οἵτινεσ καὶ παρεῖχον τοῖσ δειπνοῦσι λύχνουσ καὶ θρυαλλίδασ. ἐκάλουν δέ τινεσ τούτουσ καὶ ὀφθαλμούσ. παρὰ δὲ Ἐφεσίοισ οἱ οἰνοχοοῦντεσ ᾔθεοι τῇ τοῦ Ποσειδῶνοσ ἑορτῇ ταῦροι ἐκαλοῦντο, ὡσ Ἀμερίασ φησί.
Ἑλλησπόντιοι δ’ ἐπεγχύτην ὀνομάζουσι τὸν οἰνοχόον καὶ τὴν κρεανομίαν κρεωδαισίαν, ὥσ φησι Δημήτριοσ ὁ Σκήψιοσ ἐν ἕκτῳ καὶ εἰκοστῷ τοῦ Τρωικοῦ διακόσμου, τοῖσ δὲ θεοῖσ οἰνοχοοῦσάν τινεσ ἱστοροῦσι τὴν Ἁρμονίαν, ὡσ Καπίτων ἱστορεῖ ὁ ἐποποιόσ, Ἀλεξανδρεὺσ δὲ γένοσ, ἐν δευτέρῳ Ἐρωτικῶν. Ἀλκαῖοσ δὲ καὶ τὸν Ἑρμῆν εἰσάγει αὐτῶν οἰνοχόον, ὡσ καὶ Σαπφὼ λέγουσα· κῆ δ’ ἀμβροσίασ μὲν κρατὴρ ἐκέκρατο, Ἑρμᾶσ δ’ ἕλεν ὄλπιν θεοῖσ οἰνοχοῆσαι.
호흡부호 보기
강세부호 보기
장단부호 보기
작은 Iota 보기
모든 부호 보기