Athenaeus, The Deipnosophists, Book 10, book 10, chapter 56

(아테나이오스, The Deipnosophists, Book 10, book 10, chapter 56)

Φάλαικοσ δ’ ἐν τοῖσ ἐπιγράμμασι γυναῖκά τινα ἀναγράφει πολυπότιν Κλεὼ ὄνομα· χρυσῷ τὸν κροκόεντα περιζώσασα χιτῶνα τόνδε Διωνύσῳ δῶρον ἔδωκε Κλεώ, οὕνεκα συμποσίοισι μετέπρεπεν ἶσα δὲ πίνειν οὔτισ οἱ ἀνδρῶν ἤρισεν οὐδαμά πω. ὅτι δὲ φίλοινον τὸ τῶν γυναικῶν γένοσ κοινόν.

οὐκ ἀχαρίτωσ δὲ καὶ ὁ Ξέναρχοσ ἐν τῷ Πεντάθλῳ γυναῖκά τινα παράγει φρικτότατον ὁρ́κον ὀμνύουσαν τόνδε· οὕτωσ ἐμοὶ γένοιτο σοῦ ζώσησ, τέκνον, ἐλευθέριον πιοῦσαν οἶνον ἀποθανεῖν. παρὰ Ῥωμαίοισ δέ, ὥσ φησι Πολύβιοσ ἐν τῇ ἕκτῃ, ἀπείρηται γυναιξὶ πίνειν οἶνον · τὸ δὲ καλούμενον πάσσον πίνουσι. τοῦτο δὲ ποιεῖται μὲν ἐκ τῆσ ἀσταφίδοσ καί ἐστι παραπλήσιοσ πινόμενοσ τῷ Αἰγοσθενίτῃ τῷ γλυκεῖ καὶ τῷ Κρητικῷ· διὸ πρὸσ τὸ κατεπεῖγον τοῦ δίψουσ χρῶνται αὐτῷ.

λαθεῖν δὲ ἐστὶν ἀδύνατον τὴν γυναῖκα πιοῦσαν οἶνον ι πρῶτον μὲν γὰρ οὐδ’ ἔχει οἴνου κυρείαν ἡ γυνή· πρὸσ δὲ τούτοισ φιλεῖν δεῖ τοὺσ συγγενεῖσ τοὺσ ἑαυτῆσ καὶ τοὺσ τοῦ ἀνδρὸσ ἑώσ ἐξανεψιῶν καὶ τοῦτο ποιεῖν καθ’ ἡμέραν, ὁπόταν ἴδῃ πρῶτον, λοιπὸν ἀδήλου τῆσ ἐντυχίασ οὔσησ τίσιν ἀπαντήσει φυλάσσεται· τὸ γὰρ πρᾶγμα κἂν γεύσηται μόνον οὐ προσδεῖ διαβολῆσ.

ἄλκιμοσ δ’ ὁ Σικελιώτησ ἐν τῇ ἐπιγραφομένῃ τῶν βίβλων Ἰταλικῇ πάσασ φησὶ τὰσ ἐν Ἰταλίᾳ γυναῖκασ μὴ πίνειν οἶνον ἀπὸ τοιαύτησ· αἰτίασ ’ Ἡρακλῆσ περὶ τὴν Κροτωνιᾶτιν γενόμενοσ ἐπεὶ πρόσ τινα οἰκίαν οὖσαν παρὰ τὴν ὁδὸν διψῶν ἀφίκετο, προσελθὼν ᾔτει πιεῖν ἐντεῦθεν, ἔτυχε δ’ ἡ γυνὴ τοῦ τὴν οἰκίαν κεκτημένου πίθον οἴνου λαθραίωσ ὑποίξασα· καὶ πρὸσ μὲν τὸν ἄνδρα δεινὸν ἔφη ποιήσειν αὐτὸν εἰ ξένου χάριν τὸν πίθον τοῦτον ἀνοίξειεν, ὕδωρ δ’ ἐκέλευσεν αὐτὸν προσενεγκεῖν. Ἡρακλῆσ δ’ ἐπὶ θύραισ ἑστὼσ καὶ ἀκούσασ ταῦτα τὸν μὲν ἄνδρα αὐτῆσ σφόδρα ἐπῄνεσεν, ὃν ἐκέλευσεν αὐτὸν παρελθόντα εἴσω σκοπεῖν τὸν πίθον. καὶ ὃσ εἰσελθὼν λίθινον εὑρ͂ε τὸν πίθον γεγονότα, τοῦτο δὲ τὸ σημεῖον ἔτι καὶ νῦν ἐστιν ἐν ταῖσ ἐπιχωρίαισ γυναιξὶν πάσαισ ἐν αἰσχρῷ κεῖσθαι τὸ πίνειν οἶνον διὰ τὴν προκειμένην αἰτίαν οἱαῖ δ’ εἰσὶ παρὰ τοῖσ Ἕλλησι μεθύουσαι αἱ γυναῖκεσ παραδίδωσιν Ἀντιφάνησ μὲν ἐν τῇ Ἀκοντιζομένῃ οὕτω·

일치하는 문장이 없습니다.

SEARCH

MENU NAVIGATION