헬라어 텍스트

Athenaeus, The Deipnosophists, Book 10, book 10, chapter 38

(아테나이오스, The Deipnosophists, Book 10, book 10, chapter 38)

Διόδωροσ δ’ ὁ Σινωπεὺσ ἐν Αὐλητρίδι· ἐπὰν κυάθουσ πίῃ τισ, ὦ Κρίτων, δέκα, ἀεὶ παρ’ ἕκαστον ἐνδελεχῶσ τὸ ποτήριον πίνει τὸ λοιπόν, τοὺσ λογισμοὺσ δ’ ἐξεμεῖ. ταῦτα σκόπει πρὸσ σαυτόν. οὐκ ἀγλαφύρωσ δὲ Λύσανδροσ ὁ Σπαρτιάτησ, ὥσ φησιν Ἡγήσανδροσ ἐν ὑπομνήμασι , τὸν οἶνον ὑδαρῆ πωλούντων τῶν καπήλων ἐν τῷ στρατοπέδῳ, κεκραμένον ἐκέλευσεν αὐτὸν πωλεῖν, ἵν’ αὐτὸν ἀκρατέστερον ὠνοῖντο. τὸ παραπλήσιον καὶ Ἄλεξισ εἴρηκεν ἐν Αἰσώπῳ οὕτωσ · κομψόν γε τοῦτ’ ἐστὶν παρ’ ὑμῖν, ὦ Σόλων, ἐν ταῖσ Ἀθήναισ δεξιῶσ θ’ εὑρημένον. σο.

τὸ ποῖον; α. ἐν τοῖσ συμποσίοισ οὐ πίνετε ἄκρατον. σο. οὐ γὰρ ῥᾴδιον πωλοῦσι γὰρ ἐν ταῖσ ἁμάξαισ εὐθέωσ κεκραμένον, οὐχ ἵνα τι κερδαίνωσι, τῶν δ’ ὠνουμένων προνοούμενοι τοῦ τὰσ κεφαλὰσ ὑγιεῖσ ἔχειν ἐκ κραιπάλησ, τοῦτ’ ἐσθ’, ὁρᾷσ, Ἑλληνικὸσ πότοσ, μετρίοισι χρωμένουσ ποτηρίοισ λαλεῖν τι καὶ ληρεῖν πρὸσ αὑτοὺσ ἡδέωσ. τὸ μὲν γὰρ ἕτερον λουτρόν ἐστιν, οὐ πότοσ, ψυκτῆρι πίνειν καὶ κάδοισ·

α. θάνατοσ μὲν οὖν.