Athenaeus, The Deipnosophists, Book 10, book 10, chapter 50

(아테나이오스, The Deipnosophists, Book 10, book 10, chapter 50)

Ἀντίγονοσ δ’ ὁ Καρύστιοσ ἐν τῷ περὶ τοῦ Διονυσίου βίου τοῦ Ἡρακλεώτου τοῦ ἐπικληθέντοσ Μεταθεμένου φησὶ τὸν Διονύσιον τοῖσ οἰκέταισ συνεορτάζοντα ἐν τῇ τῶν Χοῶν ἑορτῇ καὶ μὴ δυνάμενον διὰ γῆρασ χρῆσθαι ᾗ παρειλήφεσαν ἑταίρᾳ ὑποστρέψαντα εἰπεῖν πρὸσ τοὺσ συνδειπνοῦντασ· οὐ δύναμαι τανύσαι, λαβέτω δὲ καὶ ἄλλοσ. ἦν δὲ ὁ Διονύσιοσ ἔτι ἐκ νέου, ὥσ φησι Νικίασ ὁ Νικαεὺσ ἐν ταῖσ Διαδοχαῖσ, πρὸσ τὰ ἀφροδίσια ἐκμανὴσ καὶ πρὸσ τὰσ δημοσίασ εἰσῄει παιδίσκασ ἀδιαφόρωσ. καί ποτε πορευόμενοσ μετά τινων γνωρίμων ὡσ ἐγένετο κατὰ τὸ παιδισκεῖον, εἰσ ὃ τῇ προτεραίᾳ παρεληλυθὼσ ὤφειλε χαλκοῦσ, ἔχων τότε κατὰ τύχην ἐκτείνασ τὴν χεῖρα, πάντων ὁρώντων ἀπεδίδου.

Ἀνάχαρσισ δ’ ὁ Σκύθησ παρὰ Περιάνδρῳ τεθέντοσ ἄθλου περὶ τοῦ πίνειν ᾔτησε τὸ νικητήριον πρῶτοσ μεθυσθεὶσ τῶν συμπαρόντων, ὡσ ὄντοσ τέλουσ τούτου καὶ τῆσ ἐν τῷ πότῳ νίκησ ὥσπερ καὶ τῆσ ἐν τῷ τρέχειν. Λακύδησ δὲ καὶ Τίμων οἱ φιλόσοφοι κληθέντεσ πρόσ τινα τῶν γνωρίμων ἐπὶ δύο ἡμέρασ καὶ βουλόμενοι συμπεριφέρεσθαι τοῖσ παροῦσιν ἔπινον προθυμότερον.

τῇ μὲν οὖν πρώτῃ τῶν ἡμερῶν ὁ Λακύδησ ἀπῄει πρότεροσ ἐπιπολάσαντοσ αὐτῷ τοῦ ποτοῦ, καὶ ὁ Τίμων ὁρῶν αὐτὸν ἀπιόντα ἔφη· ἠράμεθα μέγα κῦδοσ, ἐπέφνομεν Ἕκτορα δῖον. τῇ δ’ ὑστεραίᾳ προαπιόντοσ τοῦ Τίμωνοσ διὰ τὸ μὴ δυνηθῆναι ἐκπιεῖν τὴν προποθεῖσαν αὐτῷ κύλικα ὁ Λακύδησ ἰδὼν αὐτὸν ἐπανάγοντα εἶπε· δυστήνων δέ τε παῖδεσ ἐμῷ μένει ἀντιόωσιν.

일치하는 문장이 없습니다.

SEARCH

MENU NAVIGATION