Athenaeus, The Deipnosophists, Book 10, book 10, chapter 33

(아테나이오스, The Deipnosophists, Book 10, book 10, chapter 33)

ἐπιδείκνυνται γὰρ τοῖσ θεαταῖσ ὅτι καὶ τοῦ θεοῦ κρείττων ἐστὶν ὁ οἶνοσ. καίτοι γ’ οὐδ’ ἄν, οἶμαι, ἄνθρωποσ σπουδαῖοσ τοῦθ’ ὑπομείνειεν. εἰ δ’ ὅτι κατέδειξεν ἡμῖν τὸν οἶνον, διὰ τοῦτο ποιοῦσιν αὐτὸν οὕτωσ διακείμενον, δῆλον ὅτι καὶ τὴν Δήμητρα θερίζουσαν ἢ ἐσθίουσαν ποιήσουσιν. ἐπεὶ καὶ τὸν Αἰσχύλον ἐγὼ φαίην ἂν τοῦτο διαμαρτάνειν πρῶτοσ γὰρ ἐκεῖνοσ καὶ οὐχ, ὡσ ἔνιοί φασιν, Εὐριπίδησ παρήγαγε τὴν τῶν μεθυόντων ὄψιν εἰσ τραγῳδίαν. ἐν γὰρ τοῖσ Καβίροισ εἰσάγει τοὺσ περὶ τὸν Ιἄσονα μεθύοντασ. ἃ δ’ αὐτὸσ ὁ τραγῳδιοποιὸσ ἐποίει ταῦτα τοῖσ ἡρ́ωσι περιέθηκε· μεθύων γοῦν ἔγραφε τὰσ τραγῳδίασ, διὸ καὶ Σοφοκλῆσ αὐτῷ μεμφόμενοσ ἔλεγεν ὅτι ’ ὦ Αἰσχύλε, εἰ καὶ τὰ δέοντα ποιεῖσ, ἀλλ’ οὖν οὐκ εἰδώσ γε ποιεῖσ ὡσ ἱστορεῖ Χαμαιλέων ἐν τῷ περὶ Αἰσχύλου. ἀγνοοῦσί τε οἱ λέγοντεσ πρῶτον Ἐπίχαρμον ἐπὶ τὴν σκηνὴν παραγαγεῖν μεθύοντα, μεθ’ ὃν Κράτητα ἐν Γείτοσι.

καὶ Ἀλκαῖοσ δὲ ὁ μελοποιὸσ καὶ Ἀριστοφάνησ ὁ κωμῳδιοποιὸσ μεθύοντεσ ἔγραφον τὰ ποιήματα, πολλοὶ δὲ καὶ ἄλλοι μεθυσκόμενοι λαμπρότερον ἐν τῷ πολέμῳ ἠγωνίσαντο. παρὰ δὲ Λοκροῖσ τοῖσ Ἐπιζεφυρίοισ εἴ τισ ἄκρατον ἔπιε μὴ προστάξαντοσ ἰατροῦ θεραπείασ ἕνεκα, θάνατοσ ἦν ἡ ζημία Ζαλεύκου τὸν νόμον θέντοσ. παρὰ δὲ Μασσαλιήταισ ἄλλοσ νόμοσ τὰσ γυναῖκασ ὑδροποτεῖν. ἐν δὲ Μιλήτῳ ἔτι καὶ νῦν φησι Θεόφραστοσ τοῦτ’ εἶναι τὸ νόμιμον. παρὰ δὲ Ῥωμαίοισ οὔτε οἰκέτησ οἶνον ἔπινεν οὔτε γυνὴ ἐλευθέρα οὔτε τῶν ἐλευθέρων οἱ ἔφηβοι μέχρι τριάκοντα ἐτῶν.

ἄτοποσ δὲ ὁ Ἀνακρέων ὁ πᾶσαν αὑτοῦ τὴν ποίησιν ἐξαρτήσασ μέθησ, τῇ γὰρ μαλακίᾳ καὶ τῇ τρυφῇ ἐπιδοὺσ ἑαυτὸν ἐν τοῖσ ποιήμασι διαβέβληται, οὐκ εἰδότων τῶν πολλῶν ὅτι νήφων ἐν τῷ γράφειν καὶ ἀγαθὸσ ὢν προσποιεῖται μεθύειν οὐκ οὔσησ ἀνάγκησ.

일치하는 문장이 없습니다.

SEARCH

MENU NAVIGATION